ਭਾਰਤੀ ਫੌਜ ਦੀ ਖੱਚਰ ਨੂੰ ਵੀਰਤਾ ਮੈਡਲ

ਅੱਜ ਪੂਰਾ ਦੇਸ਼ 48ਵਾਂ ਵਿਜੈ ਦਿਵਸ ਮਨਾ ਰਿਹਾ ਹੈ।ਅੱਜ ਹੀ ਦੇ ਦਿਨ ਭਾਰਤ ਨੇ ਪਾਕਿਸਤਾਨ ਤੋਂ 1971 ਦੀ ਜੰਗ 'ਚ ਜਿੱਤ ਹਾਸਲ ਕੀਤੀ ਸੀ।1971 'ਚ ਭਾਰਤੀ ਸੈਨਾ ਦੇ ਬੇਜ਼ੁਬਾਨ ਹੀਰੋ ਪੇਡੋਂਗੀ ਨੂੰ ਵੀਰਤਾ ਚੱਕਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਇਸ ਤਰ੍ਹਾਂ ਪਹਿਲੀ ਵਾਰ ਹੋਇਆ ਸੀ ਕਿ ਕਿਸੇ ਜਾਨਵਰ ਨੂੰ ਵੀਰ ਚੱਕਰ ਨਾਲ ਸਮਾਨਿਤ ਕੀਤਾ ਗਿਆ ਹੋਵੇ।

ਨਵੀਂ ਦਿੱਲੀ: ਅੱਜ ਪੂਰਾ ਦੇਸ਼ 48ਵਾਂ ਵਿਜੈ ਦਿਵਸ ਮਨਾ ਰਿਹਾ ਹੈ। ਅੱਜ ਹੀ ਦੇ ਦਿਨ ਭਾਰਤ ਨੇ ਪਾਕਿਸਤਾਨ ਤੋਂ 1971 ਦੀ ਜੰਗ 'ਚ ਜਿੱਤ ਹਾਸਲ ਕੀਤੀ ਸੀ। ਇਸੇ ਜੰਗ ਦੌਰਾਨ ਭਾਰਤੀ ਸੈਨਾ ਦੇ ਖੱਚਰ ਨੂੰ ਵੀਰਤਾ ਮੈਡਲ ਦਿੱਤਾ ਗਿਆ ਸੀ। 1971 'ਚ ਭਾਰਤੀ ਸੈਨਾ ਦੇ ਬੇਜ਼ੁਬਾਨ ਹੀਰੋ ਪੇਡੋਂਗੀ ਨੂੰ ਵੀਰਤਾ ਚੱਕਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਦਰਅਸਲ 1971 ਦੀ ਜੰਗ ਦੌਰਾਨ ਭਾਰਤੀ ਸੈਨਾ ਦੇ ਖੱਚਰ ਪੇਡੋਂਗੀ ਨੇ ਪਾਕਿਸਤਾਨੀ ਸੈਨਾ ਦੇ ਹਥਿਆਰ ਭਾਰਤੀ ਸੈਨਾ ਦੀ ਯੂਨਿਟ ਵਿੱਚ ਲੈ ਕੇ ਆਇਆ ਸੀ। ਇਸ ਤਰ੍ਹਾਂ ਪਹਿਲੀ ਵਾਰ ਹੋਇਆ ਸੀ ਕਿ ਕਿਸੇ ਜਾਨਵਰ ਨੂੰ ਵੀਰ ਚੱਕਰ ਨਾਲ ਸਮਾਨਿਤ ਕੀਤਾ ਗਿਆ ਹੋਵੇ। ਭਾਰਤੀ ਸੈਨਾ ਦੇ ਖੱਚਰ ਤੇ ਘੋੜੇ ਉੱਚੀਆਂ ਪਹਾੜੀਆਂ ਤੇ ਸੈਨਾ ਲਈ ਰਾਸ਼ਨ ਤੇ ਹਥਿਆਰ ਲੈ ਕੇ ਜਾਣ ਵਿੱਚ ਮੱਦਦ ਕਰਦੇ ਹਨ। ਪੇਡੋਂਗੀ ਦੀ ਮੌਤ ਤੋਂ ਬਾਅਦ ਵੀ ਬੇਂਗਲੂਰੁ ਵਿਖੇ ਸੈਨਾ ਦੇ ਰੈਜੀਮੈਂਟਲ ਸੈਂਟਰ ਵਿੱਚ ਪੇਡੋਂਗੀ ਦੀਆਂ ਤਸਵੀਰਾਂ ਤੇ ਮੈਡਲ ਲੱਗਾ ਹੋਇਆ ਹੈ।