JNU ਵਿਦਿਆਰਥੀ ਲੀਡਰ ਉਮਰ ਖ਼ਾਲਿਦ 'ਤੇ ਸੰਸਦ ਨੇੜੇ ਚਲਾਈ ਗੋਲ਼ੀ

ਨਵੀਂ ਦਿੱਲੀ: ਜਵਾਹਰ ਲਾਲ ਨਹਿਰੂ ਯੂਨੀਵਪਸਿਟੀ ਦੇ ਲੀਡਰ ਉਮਰ ਖ਼ਾਲਿਦ ਉਤੇ ਸੰਸਦ ਨੇੜੇ ਗੋਲ਼ੀ ਚਲਾਈ ਗਈ ਹੈ। ਅਣਪਛਾਤੇ ਹਮਲਾਵਰਾਂ ਵੱਲੋਂ ਖ਼ਾਲਿਦ ਉਤੇ ਸੰਸਦ ਭਵਨ ਨੇੜਲੇ ਕੰਸਟੀਚਿਊਸ਼ਨ ਕਲੱਬ ਵਿੱਚ ਗੋਲ਼ੀ ਚਲਾਈ ਗਈ। ਹਾਲਾਂਕਿ, ਇਸ ਹਮਲੇ ਵਿੱਚ ਖ਼ਾਲਿਦ ਦਾ ਬਚਾਅ ਹੋ ਗਿਆ ਤੇ ਹਮਲਾਵਰ ਫਰਾਰ ਹੋਣ ਵਿੱਚ ਕਾਮਯਾਬ ਹੋ ਗਏ, ਪਰ ਉਨ੍ਹਾਂ ਦਾ ਪਿਸਤੌਲ ਉੱਥੇ ਹੀ ਡਿੱਗ ਗਿਆ। ਜੇਐਨਯੂ ਵਿਦਿਆਰਥੀ ਆਗੂ ਕਲੱਬ ਵਿੱਚ 'ਖ਼ੌਫ਼ ਸੇ ਆਜ਼ਾਦੀ' ਨਾਂ ਦੇ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਪਹੁੰਚਿਆ ਸੀ। ਜਦ ਉਹ ਕਲੱਬ ਹਾਲ ਦੇ ਬਾਹਰ ਚਾਹ ਪੀਣ ਲਈ ਆ ਰਿਹਾ ਸੀ ਤਾਂ ਅਣਪਛਾਤੇ ਵਿਅਕਤੀ ਨੇ ਉਸ ਨੂੰ ਨਿਸ਼ਾਨਾ ਬਣਾ ਕੇ ਦੋ ਗੋਲ਼ੀਆਂ ਚਲਾਈਆਂ ਪਰ ਖੁੰਝ ਗਿਆ।

Delhi: An unidentified man opened fire at JNU student Umar Khalid outside Constitution Club of India. He is safe. More details awaited. pic.twitter.com/5JEJydD5TR

— ANI (@ANI) August 13, 2018

ਖ਼ਾਲਿਦ ਦੇ ਸਾਥੀ ਸ਼ਫ਼ੀ ਨੇ ਦੱਸਿਆ ਕਿ ਜਦ ਉਹ ਚਾਹ ਪੀਣ ਲਈ ਬਾਹਰ ਆਏ ਤਾਂ ਤਿੰਨ ਵਿਅਕਤੀ ਉਨ੍ਹਾਂ ਵੱਲ ਵਧੇ। ਇਨ੍ਹਾਂ ਵਿੱਚੋਂ ਇੱਕ ਨੇ ਖ਼ਾਲਿਦ ਨੂੰ ਫੜਨਾ ਚਾਹਿਆ ਪਰ ਉਸ ਨੇ ਵਿਰੋਧ ਕੀਤਾ ਤੇ ਖ਼ੁਦ ਨੂੰ ਛੁਡਾ ਲਿਆ। ਇੰਨੇ ਵਿੱਚ ਗੋਲ਼ੀ ਚੱਲਣ ਦੀ ਆਵਾਜ਼ ਸੁਣਾਈ ਦਿੱਤੀ। ਮੁਲਜ਼ਮ ਉੱਥੋਂ ਫਰਾਰ ਹੁੰਦੇ ਹੋਏ ਇੱਕ ਹੋਰ ਗੋਲ਼ੀ ਦਾਗ਼ ਗਏ। ਹਾਲਾਂਕਿ, ਜ਼ਿਲ੍ਹਾ ਪੁਲਿਸ ਕਮਿਸ਼ਨਰ ਮਧੁਰ ਵਰਮਾ ਨੇ ਕਿਹਾ ਕਿ ਉਹ ਖ਼ਾਲਿਦ ਵੱਲੋਂ ਉਸ ਉੱਪਰ ਹਮਲੇ ਕੀਤੇ ਜਾਣ ਦੇ ਦਾਅਵੇ ਦੀ ਪੁਸ਼ਟੀ ਕਰ ਰਹੀ ਹੈ।

#WATCH Delhi Police DCP Madhur Verma says 'It is being verified. Umar Khalid said that he was attacked. Somebody pounced on him and pushed, thereafter he tried to fire at Khalid.But couldn't. According to Khalid the attacker fired in the air and was chased by people' pic.twitter.com/vhQrknlokB

— ANI (@ANI) August 13, 2018

ਆਪਣੇ ਉੱਪਰ ਹੋਏ ਹਮਲੇ ਤੋਂ ਬਾਅਦ ਖ਼ਾਲਿਦ ਨੇ ਕਿਹਾ ਕਿ ਦੇਸ਼ ਵਿੱਚ ਡਰ ਦਾ ਮਾਹੌਲ ਹੈ ਤੇ ਜੋ ਵੀ ਸਰਕਾਰ ਵਿਰੁੱਧ ਬੋਲਦਾ ਹੈ, ਉਸ ਨੂੰ ਡਰਾਇਆ ਜਾਂਦਾ ਹੈ।

Delhi: An unidentified man opened fire at JNU student Umar Khalid outside Constitution Club of India. He is unhurt. More details awaited. pic.twitter.com/ubNh4g4D80

— ANI (@ANI) August 13, 2018

ਖ਼ਾਲਿਦ ਸਾਲ 2016 ਵਿੱਚ ਜੇਐਨਯੂ ਵਿੱਚ ਵਾਪਰੇ ਇੱਕ ਸਮਾਗਮ ਦਾ ਹਿੱਸਾ ਸੀ, ਜਿੱਥੇ ਕਥਿਤ ਤੌਰ 'ਤੇ ਦੇਸ਼ ਵਿਰੋਧੀ ਨਾਅਰੇ ਲਾਉਣ ਦਾ ਇਲਜ਼ਾਮ ਸੀ। ਉਸ ਵਿਰੁੱਧ ਜੇਐਨਯੂ ਵਿਦਿਆਰਥੀ ਯੂਨੀਅਨ ਦੇ ਤਤਕਾਲੀ ਮੁਖੀ ਕਨ੍ਹਈਆ ਕੁਮਾਰ ਸਮੇਤ ਦੇਸ਼ਧ੍ਰੋਹ ਦਾ ਮਾਮਲਾ ਵੀ ਦਰਜ ਹੋਇਆ ਸੀ। ਇਸ ਤੋਂ ਇਲਾਵਾ ਖ਼ਾਲਿਦ ਸਰਕਾਰ ਦੀਆਂ ਗ਼ਲਤ ਨੀਤੀਆਂ ਖਿਲਾਫ ਵੀ ਆਪਣੀ ਆਵਾਜ਼ ਬੁਲੰਦ ਕਰਦਾ ਰਿਹਾ ਹੈ।