ਮਹਿਬੂਬਾ ਨੇ ਟਵੀਟ ਕੀਤਾ,"ਚਾਹੇ ਤੁਸੀਂ ਮੈਨੂੰ ਅੰਧਵਿਸ਼ਵਾਸੀ ਮੰਨੋ ਪਰ ਮੇਰਾ ਇਹੋ ਕਹਿਣਾ ਹੈ ਕਿ ਭਾਰਤ ਦਾ ਜੇਤੂ ਸਿਲਸਿਲਾ ਉਸ ਦੀ ਜਰਸੀ ਕਰਕੇ ਟੁੱਟਿਆ ਹੈ।" ਦਰਅਸਲ, ਜਰਸੀ ਦੀ ਪਹਿਲੀ ਫ਼ੋਟੋ ਆਉਣ ਮਗਰੋਂ ਸਿਆਸੀ ਗਲਿਆਰਿਆਂ ਨੇ ਭਗਵੇਂ ਰੰਗ ਨੂੰ ਭਾਰਤੀ ਕ੍ਰਿਕੇਟ ਟੀਮ ਦੇ ਰੰਗ ਵਿੱਚ ਦਰਸਾਉਣ 'ਤੇ ਸਵਾਲ ਚੁੱਕੇ ਸਨ।
ਉਮਰ ਅਬਦੁੱਲਾ ਨੇ ਭਾਰਤ ਦੀ ਹਾਰ 'ਤੇ ਸ਼ੱਕ ਜਤਾਉਂਦੇ ਹੋਏ ਕਿਹਾ ਕਿ ਜੇਕਰ ਇੰਗਲੈਂਡ ਤੇ ਪਾਕਿਸਤਾਨ ਦੀ ਬਜਾਏ ਭਾਰਤ ਦਾ ਸੈਮੀਫਾਈਨਲ ਵਿੱਚ ਆਉਣਾ ਦਾਅ 'ਤੇ ਲੱਗਾ ਹੁੰਦਾ ਤਾਂ ਕੀ ਫਿਰ ਵੀ ਸਾਡੀ ਬੱਲੇਬਾਜ਼ੀ ਇੰਨੀ ਨਿਰਾਸ਼ਾਜਨਕ ਹੁੰਦੀ? ਇਸ ਤੋਂ ਪਹਿਲਾਂ ਉਮਰ ਨੇ ਪਾਕਿਸਤਾਨੀ ਔਰਤ ਵੱਲੋਂ ਭਾਰਤ ਤੇ ਭਾਜਪਾ ਦੀ ਉਪਮਾ ਕਰਨ ਵਾਲੇ ਟਵੀਟ ਨੂੰ ਵੀ ਰੀਟਵੀਟ ਕੀਤਾ।