Operation Sindoor ਤਹਿਤ ਭਾਰਤ ਨੇ ਪਾਕਿਸਤਾਨ ਦੇ ਜਿਹੜੇ 9 ਅੱਤਵਾਦੀ ਕੈਂਪਾਂ ਨੂੰ ਕੀਤਾ ਤਬਾਹ, ਜਾਣੋ ਉਨ੍ਹਾਂ ਬਾਰੇ ਹਰ ਜਾਣਕਾਰੀ
ਆਪ੍ਰੇਸ਼ਨ ਸਿੰਦੂਰ ਨੇ ਪਾਕਿਸਤਾਨੀ ਅੱਤਵਾਦੀਆਂ ਵਿਰੁੱਧ ਇੱਕ ਸਖ਼ਤ ਸੰਦੇਸ਼ ਦਿੱਤਾ ਹੈ। ਭਾਰਤ 'ਤੇ ਹਮਲੇ ਅਤੇ ਅੱਤਵਾਦੀ ਗਤੀਵਿਧੀਆਂ ਉਨ੍ਹਾਂ ਕੈਂਪਾਂ ਤੋਂ ਕੀਤੀਆਂ ਗਈਆਂ ਜਿਨ੍ਹਾਂ ਬਾਰੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ।
ਭਾਰਤ ਨੇ ਬੁੱਧਵਾਰ ਨੂੰ ਆਪ੍ਰੇਸ਼ਨ ਸਿੰਦੂਰ ਦੇ ਤਹਿਤ ਪਾਕਿਸਤਾਨ ਤੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਜੰਮੂ-ਕਸ਼ਮੀਰ ਵਿੱਚ ਵੱਖ-ਵੱਖ ਅੱਤਵਾਦੀ ਕੈਂਪਾਂ ਨੂੰ ਨਿਸ਼ਾਨਾ ਬਣਾਇਆ। ਕਰਨਲ ਸੋਫੀਆ ਕੁਰੈਸ਼ੀ ਨੇ ਹਮਲੇ ਤੋਂ ਬਾਅਦ ਇੱਕ ਪ੍ਰੈਸ ਬ੍ਰੀਫਿੰਗ ਵਿੱਚ ਦੱਸਿਆ ਕਿ ਇਹਨਾਂ ਕੈਂਪਾਂ ਦੀ ਚੋਣ ਭਰੋਸੇਯੋਗ ਖੁਫੀਆ ਜਾਣਕਾਰੀ ਦੇ ਆਧਾਰ 'ਤੇ ਕੀਤੀ ਗਈ ਸੀ ਤਾਂ ਜੋ ਅੱਤਵਾਦੀਆਂ ਦੀਆਂ ਗਤੀਵਿਧੀਆਂ ਨੂੰ ਰੋਕਣ ਵਿੱਚ ਮਦਦ ਕੀਤੀ ਜਾ ਸਕੇ।
ਇਨ੍ਹਾਂ ਕੈਂਪਾਂ ਤੋਂ ਕਈ ਤਰ੍ਹਾਂ ਦੇ ਅੱਤਵਾਦੀ ਹਮਲੇ ਕੀਤੇ ਗਏ। ਆਓ ਜਾਣਦੇ ਹਾਂ ਕਿ ਇਨ੍ਹਾਂ ਕੈਂਪਾਂ ਨਾਲ ਕਿਹੜੀਆਂ ਅੱਤਵਾਦੀ ਗਤੀਵਿਧੀਆਂ ਜੁੜੀਆਂ ਹੋਈਆਂ ਸਨ।
ਜਾਣੋ ਕਿੱਥੇ ਕਿੱਥੇ ਸੀ ਕੈਂਪ ?
1. ਬਹਾਵਲਪੁਰ (ਪੰਜਾਬ ਪ੍ਰਾਂਤ, ਪਾਕਿਸਤਾਨ): ਭਾਰਤ ਨਾਲ ਲੱਗਦੀ ਅੰਤਰਰਾਸ਼ਟਰੀ ਸਰਹੱਦ ਤੋਂ ਲਗਭਗ 100 ਕਿਲੋਮੀਟਰ ਦੂਰ ਸਥਿਤ ਬਹਾਵਲਪੁਰ, ਜੈਸ਼-ਏ-ਮੁਹੰਮਦ ਦਾ ਮੁੱਖ ਦਫਤਰ ਸੀ। ਇੱਥੋਂ ਹੀ ਪਹਿਲਗਾਮ ਹਮਲੇ ਦੀ ਸਾਜ਼ਿਸ਼ ਹਮਾਸ ਕਮਾਂਡਰਾਂ ਨਾਲ ਮਿਲ ਕੇ ਰਚੀ ਗਈ ਸੀ।
2. ਮੁਰੀਦਕੇ (ਪੰਜਾਬ ਪ੍ਰਾਂਤ, ਪਾਕਿਸਤਾਨ): ਮੁਰੀਦਕੇ, ਜੋ ਕਿ ਸਰਹੱਦ ਤੋਂ 30 ਕਿਲੋਮੀਟਰ ਦੂਰ ਹੈ, 'ਲਸ਼ਕਰ-ਏ-ਤੋਇਬਾ' ਦਾ ਮੁੱਖ ਦਫਤਰ ਹੈ। ਇੱਥੋਂ ਹੀ 26/11 ਦੇ ਮੁੰਬਈ ਹਮਲੇ ਦੇ ਅੱਤਵਾਦੀ ਕਸਾਬ ਤੇ ਡੇਵਿਡ ਹੈਡਲੀ ਨੂੰ ਸਿਖਲਾਈ ਦਿੱਤੀ ਗਈ ਸੀ।
3. ਗੁਲਪੁਰ (ਪੂੰਛ-ਰਾਜੌਰੀ, ਪਾਕਿਸਤਾਨ): 20 ਅਪ੍ਰੈਲ 2023 ਨੂੰ ਪੁੰਛ ਵਿੱਚ ਹੋਏ ਹਮਲੇ ਤੇ 24 ਜੂਨ ਨੂੰ ਬੱਸ ਵਿੱਚ ਯਾਤਰਾ ਕਰ ਰਹੇ ਸ਼ਰਧਾਲੂਆਂ 'ਤੇ ਹਮਲੇ ਦੀ ਸਾਜ਼ਿਸ਼ ਕੋਟਲੀ ਤੋਂ 35 ਕਿਲੋਮੀਟਰ ਦੂਰ ਸਥਿਤ ਗੁਲਪੁਰ ਤੋਂ ਰਚੀ ਗਈ ਸੀ।
4. ਲਸ਼ਕਰ ਕੈਂਪ ਸਵਾਈ (POJK, ਤੰਗਧਾਰ ਸੈਕਟਰ): ਇਹ ਕੈਂਪ ਮੁਜ਼ੱਫਰਾਬਾਦ ਦੇ ਨੇੜੇ ਹੈ ਤੇ ਇੱਥੋਂ ਕਈ ਅੱਤਵਾਦੀ ਹਮਲਿਆਂ ਦੀ ਯੋਜਨਾ ਬਣਾਈ ਗਈ ਸੀ। ਇਨ੍ਹਾਂ ਵਿੱਚ 20 ਅਕਤੂਬਰ, 2024 ਨੂੰ ਸੋਨਮਰਗ ਹਮਲਾ, 24 ਅਕਤੂਬਰ, 2024 ਨੂੰ ਗੁਲਮਰਗ ਹਮਲਾ ਅਤੇ 22 ਅਪ੍ਰੈਲ, 2025 ਨੂੰ ਪਹਿਲਗਾਮ ਹਮਲਾ ਸ਼ਾਮਲ ਹੈ।
5. ਬਿਲਾਲ ਕੈਂਪ (ਜੈਸ਼-ਏ-ਮੁਹੰਮਦ): ਬਿਲਾਲ ਕੈਂਪ ਜੈਸ਼-ਏ-ਮੁਹੰਮਦ ਦਾ ਇੱਕ ਵੱਡਾ ਲਾਂਚਪੈਡ ਸੀ, ਜੋ ਕਿ ਪਾਕਿਸਤਾਨ ਵਿੱਚ ਅੱਤਵਾਦੀਆਂ ਨੂੰ ਸਿਖਲਾਈ ਦੇਣ ਦਾ ਕੇਂਦਰ ਸੀ।
6. ਰਾਜੌਰੀ ਦੇ ਸਾਹਮਣੇ ਲਸ਼ਕਰ ਕੋਟਲੀ ਕੈਂਪ: ਇਹ ਕੈਂਪ ਲਸ਼ਕਰ ਦਾ ਬੰਬਾਰ ਕੈਂਪ ਸੀ, ਜਿਸ ਵਿੱਚ ਲਗਭਗ 50 ਅੱਤਵਾਦੀਆਂ ਨੂੰ ਸਿਖਲਾਈ ਦਿੱਤੀ ਗਈ ਸੀ। ਇਹ ਕੈਂਪ ਰਾਜੌਰੀ ਦੇ ਸਾਹਮਣੇ ਕੰਟਰੋਲ ਰੇਖਾ ਤੋਂ 15 ਕਿਲੋਮੀਟਰ ਦੂਰ ਸਥਿਤ ਸੀ।
7. ਬਰਨਾਲਾ ਕੈਂਪ (ਰਾਜੌਰੀ ਦੇ ਸਾਹਮਣੇ): ਇਹ ਕੈਂਪ ਰਾਜੌਰੀ ਦੇ ਸਾਹਮਣੇ ਕੰਟਰੋਲ ਰੇਖਾ ਤੋਂ 10 ਕਿਲੋਮੀਟਰ ਦੂਰ ਸਥਿਤ ਹੈ ਤੇ ਭਿੰਬਰ ਵਿੱਚ ਅੱਤਵਾਦੀ ਗਤੀਵਿਧੀਆਂ ਨਾਲ ਜੁੜਿਆ ਹੋਇਆ ਸੀ।
8. ਸਰਜਲ ਕੈਂਪ (ਜੈਸ਼-ਏ-ਮੁਹੰਮਦ): ਸਰਜਲ ਕੈਂਪ ਸਾਂਬਾ-ਕਠੂਆ ਦੇ ਸਾਹਮਣੇ ਅੰਤਰਰਾਸ਼ਟਰੀ ਸਰਹੱਦ ਤੋਂ 8 ਕਿਲੋਮੀਟਰ ਦੂਰ ਸਥਿਤ ਹੈ, ਇਹ ਜੈਸ਼-ਏ-ਮੁਹੰਮਦ ਦਾ ਮੁੱਖ ਕੈਂਪ ਸੀ। ਮਾਰਚ ਵਿੱਚ ਇੱਥੋਂ ਹਮਲਾ ਕਰਨ ਵਾਲੇ ਅੱਤਵਾਦੀਆਂ ਨੇ ਚਾਰ ਪੁਲਿਸ ਮੁਲਾਜ਼ਮਾਂ ਨੂੰ ਮਾਰ ਦਿੱਤਾ ਸੀ।
9. ਮਹਿਮੂਨਾ ਕੈਂਪ (ਸਿਆਲਕੋਟ): ਮਹਿਮੂਨਾ ਕੈਂਪ ਸਿਆਲਕੋਟ ਦੇ ਨੇੜੇ ਸਥਿਤ ਹੈ। ਇਹ ਹਿਜ਼ਬੁਲ ਮੁਜਾਹਿਦੀਨ ਦਾ ਮੁੱਖ ਸਿਖਲਾਈ ਕੈਂਪ ਸੀ। ਪਠਾਨਕੋਟ ਏਅਰ ਬੇਸ 'ਤੇ ਇੱਥੋਂ ਹਮਲਾ ਕੀਤਾ ਗਿਆ ਸੀ।
ਆਪ੍ਰੇਸ਼ਨ ਸਿੰਦੂਰ ਨੇ ਪਾਕਿਸਤਾਨੀ ਅੱਤਵਾਦੀਆਂ ਵਿਰੁੱਧ ਇੱਕ ਸਖ਼ਤ ਸੰਦੇਸ਼ ਦਿੱਤਾ ਹੈ। ਇਨ੍ਹਾਂ ਕੈਂਪਾਂ ਤੋਂ ਭਾਰਤ 'ਤੇ ਹਮਲੇ ਅਤੇ ਅੱਤਵਾਦੀ ਗਤੀਵਿਧੀਆਂ ਨੂੰ ਅੰਜਾਮ ਦਿੱਤਾ ਜਾਂਦਾ ਸੀ। ਭਾਰਤ ਦੀ ਇਹ ਕਾਰਵਾਈ ਅੱਤਵਾਦ ਵਿਰੁੱਧ ਇੱਕ ਸਖ਼ਤ ਕਦਮ ਹੈ ਅਤੇ ਇਹ ਦਰਸਾਉਂਦੀ ਹੈ ਕਿ ਭਾਰਤ ਅੱਤਵਾਦ ਦੇ ਨੈੱਟਵਰਕ ਨੂੰ ਖਤਮ ਕਰਨ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ।
Before You Go
ਅਕਾਲੀ ਆਗੂ 'ਤੇ ਤਾਬੜਤੋੜ ਫਾਇਰਿੰਗ! ਮੰਡੀ ਦੇ ਬਾਹਰ ਵਰ੍ਹੀਆਂ ਗੋਲੀਆਂ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
