ਹੁਣ NIA ਦੀ ਹਿਰਾਸਤ 'ਚ ਰਹਿਣਗੇ ਹਥਿਆਰ ਸਪਲਾਈ ਕਰਾਉਣ ਵਾਲੇ 4 ਖ਼ਾਲਿਸਤਾਨੀ

ਕੌਮੀ ਜਾਂਚ ਏਜੰਸੀ (NIA ) ਨੇ ਪਾਕਿਸਤਾਨੀ ਦੇ ਡ੍ਰੋਨਾਂ ਰਾਹੀਂ ਤਰਨ ਤਾਰਨ ’ਚ ਭਾਰੀ ਮਾਤਰਾ ’ਚ ਹਥਿਆਰ ਤੇ ਗੋਲੀ-ਸਿੱਕਾ ਸੁੱਟੇ ਜਾਣ ਦੇ ਮਾਮਲੇ ਨਾਲ ਸਬੰਧਤ ਖ਼ਾਲਿਸਤਾਨ ਜ਼ਿੰਦਾਬਾਦ ਫ਼ੋਰਸ (KZF) ਦੇ ਉਨ੍ਹਾਂ ਚਾਰ ਸ਼ੱਕੀ ਮੁਲਜ਼ਮਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ। ਇਨ੍ਹਾਂ ਮੁਲਜ਼ਮਾਂ ਦੀ ਮਦਦ ਨਾਲ ਪਾਕਿਸਤਾਨੀ ਡ੍ਰੋਨਾਂ ਰਾਹੀਂ ਏਕੇ-47 ਰਾਈਫ਼ਲਾਂ ਤੇ ਸੈਟੇਲਾਈਟ ਫ਼ੋਨ ਪੰਜਾਬ ਅੰਦਰ ਸੁੱਟੇ ਗਏ ਸਨ।

ਚੰਡੀਗੜ੍ਹ: ਕੌਮੀ ਜਾਂਚ ਏਜੰਸੀ (NIA ) ਨੇ ਪਾਕਿਸਤਾਨੀ ਦੇ ਡ੍ਰੋਨਾਂ ਰਾਹੀਂ ਤਰਨ ਤਾਰਨ ’ਚ ਭਾਰੀ ਮਾਤਰਾ ’ਚ ਹਥਿਆਰ ਤੇ ਗੋਲੀ-ਸਿੱਕਾ ਸੁੱਟੇ ਜਾਣ ਦੇ ਮਾਮਲੇ ਨਾਲ ਸਬੰਧਤ ਖ਼ਾਲਿਸਤਾਨ ਜ਼ਿੰਦਾਬਾਦ ਫ਼ੋਰਸ (KZF) ਦੇ ਉਨ੍ਹਾਂ ਚਾਰ ਸ਼ੱਕੀ ਮੁਲਜ਼ਮਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ। ਇਨ੍ਹਾਂ ਮੁਲਜ਼ਮਾਂ ਦੀ ਮਦਦ ਨਾਲ ਪਾਕਿਸਤਾਨੀ ਡ੍ਰੋਨਾਂ ਰਾਹੀਂ ਏਕੇ-47 ਰਾਈਫ਼ਲਾਂ ਤੇ ਸੈਟੇਲਾਈਟ ਫ਼ੋਨ ਪੰਜਾਬ ਅੰਦਰ ਸੁੱਟੇ ਗਏ ਸਨ।

ਵਿਸ਼ੇਸ਼ ਜੱਜ ਐਨਐਸ ਗਿੱਲ ਨੇ ਸ਼ੱਕੀ ਮੁਲਜ਼ਮਾਂ ਨੂੰ NIA ਦੀ ਹਿਰਾਸਤ ਵਿੱਚ ਭੇਜਣ ਦਾ ਫ਼ੈਸਲਾ ਸੁਣਾਇਆ। ਚਾਰੇ ਮੁਲਜ਼ਮਾਂ ਬਲਵੰਤ ਸਿੰਘ ਉਰਫ਼ ਬਾਬਾ ਉਰਫ਼ ਨਿਹੰਗ (45) ਵਾਸੀ ਪਿੰਡ ਮੋਹਨਪੁਰਾ ਜ਼ਿਲ੍ਹਾ ਤਰਨ ਤਾਰਨ, ਆਕਾਸ਼ਦੀਪ ਸਿੰਘ ਉਰਫ਼ ਆਕਾਸ਼ ਰੰਧਾਵਾ (20) ਵਾਸੀ ਪਿੰਡ ਨਾਗ ਕਲਾਂ ਜ਼ਿਲ੍ਹਾ ਅੰਮ੍ਰਿਤਸਰ, ਮਾਨ ਸਿੰਘ (40) ਤੇ 22 ਸਾਲਾ ਸ਼ੁਭਦੀਪ ਸਿੰਘ ਨੂੰ ਆਉਂਦੀ 16 ਅਕਤੂਬਰ ਤੱਕ ਲਈ NIA ਦੀ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ।

ਇਸ ਤੋਂ ਇਲਾਵਾ ਬਾਕੀ ਦੇ ਪੰਜ ਮੁਲਜ਼ਮਾਂ ਹਰਭਜਨ ਸਿੰਘ, ਬਲਬੀਰ ਸਿੰਘ, ਰੋਮਨਦੀਪ ਸਿੰਘ, ਸਾਜਨਪ੍ਰੀਤ ਸਿੰਘ ਤੇ ਗੁਰਦੇਵ ਸਿੰਘ ਨੂੰ ਨਿਆਂਇਕ ਹਿਰਾਸਤ ਵਿੱਚ ਭੇਜਿਆ ਗਿਆ ਹੈ। ਇਨ੍ਹਾਂ ਨੂੰ ਪੰਜਾਬ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਸੀ। ਬਾਅਦ ਵਿੱਚ ਪੰਜਾਬ ਪੁਲਿਸ ਨੇ ਇਸ ਮਾਮਲੇ ਦੀ ਗੰਭੀਰਤਾ ਨੂੰ ਵੇਖਦਿਆਂ ਇਹ ਜਾਂਚ ਕੌਮੀ ਜਾਂਚ ਏਜੰਸੀ (NIA) ਦੇ ਹਵਾਲੇ ਕਰ ਦਿੱਤੀ ਸੀ।