ਆਸਾਮਾਨ 'ਚੋਂ ਜਾਲੋਰ 'ਚ ਡਿੱਗਿਆ ਉਲਕਾ ਪਿੰਡ, 5 ਫੁੱਟ ਡੂੰਘਾ ਪੁੱਟਿਆ ਗਿਆ ਟੋਆ

ਉਲਕਾ ਪਿੰਡ ਬਹੁਤ ਖਾਸ ਹੁੰਦੇ ਹਨ। ਕਿਉਂਕਿ ਇੱਕ ਪਾਸੇ ਇਹ ਬਹੁਤ ਘੱਟ ਮਿਲਦੇ ਹਨ, ਦੂਜੇ ਪਾਸੇ ਅਕਾਸ਼ ਵਿਚਲੇ ਵੱਖ-ਵੱਖ ਗ੍ਰਹਿਆਂ ਦੀ ਸੰਸਥਾ ਅਤੇ ਢਾਂਚੇ ਦੇ ਗਿਆਨ ਦੇ ਸਿੱਧੇ ਸਰੋਤ ਵੀ ਹੁੰਦੇ ਹਨ।

ਜੋਧਪੁਰ: ਸ਼ੁੱਕਰਵਾਰ ਸਵੇਰੇ ਜਾਲੋਰ (Jalore) ਦੇ ਸਾਂਚੌਰ ਸ਼ਹਿਰ ਵਿੱਚ ਇੱਕ ਉਲਕਾ ਪਿੰਡ (Meteorite) ਡਿੱਗਣ ਨਾਲ ਸਨਸਨੀ ਫੈਲ ਗਈ। ਵੱਡੀ ਗਿਣਤੀ ਵਿੱਚ ਲੋਕ ਉਲਕਾ ਪਿੰਡ ਨੂੰ ਵੇਖਣ ਲਈ ਇਕੱਠਾ ਹੋ ਗਏ। ਬਾਅਦ ਵਿੱਚ ਉਲਕਾ ਪਿੰਡ ਨੂੰ ਉੱਥੋਂ ਹਟਾ ਦਿੱਤਾ ਗਿਆ ਤੇ ਸੁਰੱਖਿਅਤ ਜਗ੍ਹਾ 'ਤੇ ਰੱਖਿਆ ਗਿਆ। ਇਹ ਇੱਕ ਧਾਤ ਦੀ ਤਰ੍ਹਾਂ ਨਜ਼ਰ ਆ ਰਿਹਾ ਉਲਕਾ ਦਾ ਭਾਰ 2.788 ਕਿਲੋਗ੍ਰਾਮ ਹੈ। ਸਾਂਚੌਰ ਥਾਨਾ ਅਧਿਕਾਰੀ ਅਰਵਿੰਦ ਕੁਮਾਰ ਨੇ ਦੱਸਿਆ ਕਿ ਸਵੇਰੇ 7 ਵਜੇ ਦੱਸਿਆ ਗਿਆ ਕਿ ਗਾਇਤਰੀ ਕਾਲਜ ਕੋਲ ਅਸਮਾਨ ਤੋਂ ਇੱਕ ਤੇਜ਼ ਆਵਾਜ਼ ਨਾਲ ਚਮਕਦਾਰ ਪੱਥਰ ਡਿੱਗਿਆ ਸੀ। ਉੱਥੇ ਪਹੁੰਚਣ 'ਤੇ ਕਾਲੇ ਰੰਗ ਦੀ ਧਾਤ ਦਾ ਟੁਕੜਾ ਲਗਪਗ 4-5 ਫੁੱਟ ਦੀ ਡੂੰਘਾਈ 'ਚ ਜ਼ਮੀਨ ਵਿੱਚ ਡੁੱਬਿਆ ਸੀ। ਇਹ ਟੁਕੜਾ ਉਸ ਸਮੇਂ ਕਾਫ਼ੀ ਗਰਮ ਸੀ। ਪ੍ਰਤਖਦਰਸ਼ੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਇੱਕ ਟੁਕੜਾ ਤਿੱਖੀ ਚਮਕ ਨਾਲ ਅਕਾਸ਼ ਤੋਂ ਹੇਠਾਂ ਡਿੱਗਦਾ ਵੇਖਿਆ। ਇਹ ਜਿਵੇਂ ਹੀ ਹੇਠਾਂ ਡਿੱਗਿਆ ਧਮਾਕਾ ਹੋਇਆ। ਜਦੋਂ ਇਹ ਠੰਢਾ ਹੋਇਆ ਤਾਂ ਪੁਲਿਸ ਨੇ ਇਸ ਨੂੰ ਸ਼ੀਸ਼ੇ ਦੇ ਜਾਰ ‘ਚ ਰੱਖ ਦਿੱਤਾ। ਇਸ ਦੇ ਨਾਲ ਹੀ ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਮਾਹਰਾਂ ਨੂੰ ਦਿਖਾਇਆ ਜਾਵੇਗਾ। ਉਧਰ, ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਅਲਕਾਕਾਰ ਬਹੁਤ ਖਾਸ ਹੁੰਦੇ ਹਨ। ਕਿਉਂਕਿ ਇੱਕ ਪਾਸੇ ਇਹ ਬਹੁਤ ਘੱਟ ਮਿਲਦੇ ਹਨ, ਦੂਜੇ ਪਾਸੇ ਅਕਾਸ਼ ਵਿਚਲੇ ਵੱਖ-ਵੱਖ ਗ੍ਰਹਿਆਂ ਦੀ ਸੰਸਥਾ ਅਤੇ ਢਾਂਚੇ ਦੇ ਗਿਆਨ ਦੇ ਸਿੱਧੇ ਸਰੋਤ ਵੀ ਹੁੰਦੇ ਹਨ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904