Mizoram Election Result: ਮਿਜ਼ੋਰਮ ਵਿਧਾਨ ਸਭਾ ਚੋਣ ਨਤੀਜਿਆਂ ਦੀ ਬਦਲੀ ਤਰੀਕ, ਚੋਣ ਕਮਿਸ਼ਨ ਨੇ ਦੱਸੀ ਵਜ੍ਹਾ

Mizoram Election Result Date: ਮਿਜ਼ੋਰਮ ਦੀਆਂ 40 ਸੀਟਾਂ ਲਈ 7 ਨਵੰਬਰ ਨੂੰ ਇੱਕੋ ਪੜਾਅ ਵਿੱਚ ਵੋਟਿੰਗ ਹੋਈ ਸੀ, ਉੱਥੇ ਹੀ ਹੁਣ ਵੋਟਾਂ ਦੀ ਗਿਣਤੀ ਸੋਮਵਾਰ (4 ਦਸੰਬਰ) ਨੂੰ ਹੋਵੇਗੀ।

Mizoram Election Result

Source : PTI

Mizoram Election Result Date: ਮਿਜ਼ੋਰਮ ਵਿਧਾਨ ਸਭਾ ਚੋਣ ਨਤੀਜਿਆਂ ਦੀ ਤਰੀਕ ਬਦਲ ਗਈ ਹੈ। ਚੋਣ ਕਮਿਸ਼ਨ ਨੇ ਸ਼ੁੱਕਰਵਾਰ (1 ਦਸੰਬਰ) ਨੂੰ ਕਿਹਾ ਕਿ ਵੋਟਾਂ ਦੀ ਗਿਣਤੀ ਐਤਵਾਰ (3 ਦਸੰਬਰ) ਦੀ ਬਜਾਏ ਸੋਮਵਾਰ (4 ਦਸੰਬਰ) ਨੂੰ ਹੋਵੇਗੀ। 

ਚੋਣ ਕਮਿਸ਼ਨ ਨੇ ਕਿਹਾ, ''ਮਿਜ਼ੋਰਮ ਦੇ ਲੋਕਾਂ ਲਈ ਐਤਵਾਰ ਦਾ ਖਾਸ ਮਹੱਤਵ ਹੈ। ਇਸ ਕਾਰਨ ਤਰੀਕ ਬਦਲੀ ਗਈ ਹੈ। ਕਈ ਲੋਕਾਂ ਨੇ ਸਾਨੂੰ ਤਾਰੀਖ ਬਦਲਣ ਲਈ ਕਿਹਾ ਸੀ। ਮਿਜ਼ੋਰਮ ਦੀਆਂ 40 ਸੀਟਾਂ ਲਈ 7 ਨਵੰਬਰ ਨੂੰ ਵੋਟਿੰਗ ਹੋਈ ਸੀ।

ਦਰਅਸਲ, 3 ਦਸੰਬਰ ਐਤਵਾਰ ਹੈ। ਈਸਾਈ ਭਾਈਚਾਰੇ ਦੇ ਲੋਕ ਖਾਸ ਕਰਕੇ ਐਤਵਾਰ ਨੂੰ ਚਰਚ ਜਾਂਦੇ ਹਨ। ਇਸ ਕਾਰਨ ਤਰੀਕ ਬਦਲੀ ਗਈ ਹੈ। ਰਾਜ ਵਿੱਚ ਆਬਾਦੀ 87 ਫ਼ੀਸਦੀ ਈਸਾਈ ਹੈ। ਲੋਕ ਮੰਗ ਕਰ ਰਹੇ ਸਨ ਕਿ ਨਤੀਜੇ ਦੀ ਤਰੀਕ ਵਿੱਚ ਬਦਲਾਅ ਕੀਤਾ ਜਾਵੇ। ਇਸ ਤੋਂ ਪਹਿਲਾਂ ਰਾਜਸਥਾਨ, ਮੱਧ ਪ੍ਰਦੇਸ਼, ਛੱਤੀਸਗੜ੍ਹ ਅਤੇ ਤੇਲੰਗਾਨਾ ਵਿੱਚ ਹੋਈਆਂ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਵਾਲੇ ਦਿਨ 3 ਦਸੰਬਰ ਨੂੰ ਮਿਜ਼ੋਰਮ ਵਿੱਚ ਹੋਈਆਂ ਚੋਣਾਂ ਦੇ ਨਤੀਜੇ ਵੀ ਐਲਾਨੇ ਜਾਣੇ ਸਨ।