ਰਾਹੁਲ ਦਾ ਦਾਅਵਾ ਮੋਦੀ ਤੇ ਅੰਬਾਨੀ ਨੇ ਰਲ ਕੇ ਕੀਤੀ 1,30,000 ਕਰੋੜ ਦੀ ਸਰਜੀਕਲ ਸਟ੍ਰਾਈਕ

ਚੰਡੀਗੜ੍ਹ: 58 ਹਜ਼ਾਰ ਕਰੋੜ ਦੇ ਰਾਫੇਲ ਲੜਾਕੂ ਜਹਾਜ਼ ਦੇ ਸੌਦੇ ’ਤੇ ਫਰਾਂਸ ਦੇ ਸਾਬਕਾ ਰਾਸ਼ਟਰਪਤੀ ਫਰਾਂਸਵਾ ਓਲਾਂਦ ਦੇ ਤਾਜ਼ਾ ਬਿਆਨ ਸਾਹਮਣੇ ਉਣ ਬਾਅਦ ਵਿਰੋਧੀ ਦਲ ਮੋਦੀ ਸਰਕਾਰ ’ਤੇ ਹਮਲਾਵਰ ਹਨ। ਅੱਜ ਕਾਂਗਰਸ ਪ੍ਰਧਾਨ ਰਾਹਲ ਗਾਂਧੀ ਨੇ ਪੀਐਮ ਨਰੇਂਦਰ ਮੋਦੀ ’ਤੇ ਮੁੱਖ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਪੀਐਮ ਮੋਦੀ ਉਦਯੋਗਪਤੀ ਅਨਿਲ ਅੰਬਾਨੀ ਨੇ ਸਾਂਝੇ ਤੌਰ ’ਤੇ ਸੁਰੱਖਿਆ ਬਲਾਂ ’ਤੇ ਇੱਕ ਲੱਖ 30 ਹਜ਼ਾਰ ਰੁਪਏ ਦੀ ਸਰਜੀਕਲ ਸਟ੍ਰਾਈਕ ਕੀਤੀ। ਉਨ੍ਹਾਂ ਕਿਹਾ ਕਿ ਪੀਐਮ ਮੋਦੀ ਨੇ ਭਾਰਤ ਦੀ ਆਤਮਾ ਨਾਲ ਵਿਸ਼ਵਾਸਘਾਤ ਕੀਤਾ ਹੈ ਤੇ ਸ਼ਹੀਦਾਂ ਦੇ ਖ਼ੂਨ ਦੀ ਬੇਅਦਬੀ ਕੀਤੀ ਹੈ।

The PM and Anil Ambani jointly carried out a One Hundred & Thirty Thousand Crore, SURGICAL STRIKE on the Indian Defence forces. Modi Ji you dishonoured the blood of our martyred soldiers. Shame on you. You betrayed India's soul. #Rafale

— Rahul Gandhi (@RahulGandhi) September 22, 2018

ਓਲਾਂਦ ਨੇ ਕਿਹਾ ਸੀ ਕਿ ਭਾਰਤ ਦੀ ਸਰਕਾਰ ਨੇ ਜਿਸ ਸਰਵਿਸ ਗਰੁੱਪ ਦਾ ਨਾਂਅ ਦਿੱਤਾ ਸੀ, ਉਸ ਨਾਲ ਦੈਸਾ ਨੇ ਗੱਲਬਾਤ ਕੀਤੀ। ਫਰਾਂਸ ਦੇ ਤਤਕਾਲੀਨ ਰਾਸ਼ਟਰਪਤੀ ਮੁਤਾਬਕ ਦੈਸਾ ਨੇ ਅਨਿਲ ਅੰਬਾਨੀ ਨਾਲ ਸੰਪਰਕ ਸਾਧਿਆ ਸੀ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਕੋਲ ਹੋਰ ਕੋਈ ਵਿਕਲਪ ਨਹੀਂ ਸੀ, ਇਸ ਲਈ ਉਨ੍ਹਾਂ ਨੂੰ ਜੋ ਵਿਚੋਲਾ ਦਿੱਤਾ ਗਿਆ, ਉਨ੍ਹਾਂ ਸਵੀਕਾਰ ਕਰ ਲਿਆ ਸੀ। ਸ਼ੁੱਕਰਵਾਰ ਨੂੰ ਇਹ ਖ਼ਬਰ ਸਾਹਮਣੇ ਆਉਣ ਬਾਅਦ ਕਾਂਗਰਸ ਪ੍ਰਧਾਨ ਨੇ ਕਿਹਾ ਸੀ ਕਿ ਪ੍ਰਧਾਨ ਮੰਤਰੀ ਨੇ ਵਿਅਕਤੀਗਤ ਤੌਰ ’ਤੇ ਇਸ ਮਾਮਲੇ ਵਿੱਚ ਨੈਗੋਈਸ਼ਏਟ ਕੀਤਾ ਤੇ ਬੰਦ ਦਰਵਾਜ਼ੇ ਪਿੱਛੇ ਰਾਫੇਲ ਡੀਲ ਬਦਲਵਾ ਕੇ ਅਨਿਲ ਅੰਬਾਨੀ ਨੂੰ ਅਰਬਾਂ ਦਾ ਸੌਦਾ ਦਿਵਾਇਆ ਹੈ।