ਭੰਗ ਦੀ ਹਮਾਇਤ ਕਰ ਫਸਿਆ ਅਦਾਕਾਰ, ਸੋਸ਼ਲ ਮੀਡੀਆ ’ਤੇ ਵੀ ਟ੍ਰੋਲਿੰਗ

ਮੁੰਬਈ: ਬਾਲੀਵੁੱਡ ਅਦਾਕਾਰ ਉਦੇ ਚੋਪੜਾ ਨੇ ਭੰਗ ਨੂੰ ਜਾਇਜ਼ ਬਣਾਉਣ ਦੀ ਵਕਾਲਤ ਕੀਤੀ ਹੈ। ਉਸਨੇ ਸ਼ੁੱਕਰਵਾਰ ਨੂੰ ਟਵੀਟ ਕੀਤਾ ਕਿ ਭੰਗ ਨੂੰ ਜਾਇਜ਼ ਬਣਾਇਆ ਜਾਣਾ ਚਾਹੀਦਾ ਹੈ। ਇਹ ਭਾਰਤੀ ਸੰਸਕ੍ਰਿਤੀ ਦਾ ਹਿੱਸਾ ਹੈ ਤੇ ਇਸ ਦੇ ਮੈਡੀਕਲ ਫਾਇਦੇ ਵੀ ਹਨ। ਉਸਨੇ ਇਹ ਵੀ ਕਿਹਾ ਸੀ ਕਿ ਜੇ ਇਸ ਨੂੰ ਜਾਇਜ਼ ਬਣਾ ਦਿੱਤਾ ਜਾਏ ਤਾਂ ਇਸ ’ਤੇ ਟੈਕਸ ਲੱਗੇਗਾ ਤੇ ਇਹ ਮਾਲੀਏ ਦਾ ਵੱਡਾ ਸ੍ਰੋਤ ਬਣ ਸਕਦਾ ਹੈ।

I feel India should legalize marijuana. Firstly, It’s part of our culture. Secondly, I think if legalized and taxed it can be a huge revenue source. Not to mention it will remove the criminal element associated with it. Plus and most importantly it has a lot of medical benefits!

— Uday Chopra (@udaychopra) September 13, 2018

ਇਸ ਟਵੀਟ ਤੋਂ ਬਾਅਦ ਨਾ ਸਿਰਫ ਉਹ ਟ੍ਰੋਲ ਹੋਇਆ ਬਲਕਿ ਮੁੰਬਈ ਪੁਲਿਸ ਤੋਂ ਵੀ ਉਸਨੂੰ ਕਰਾਰਾ ਜਵਾਬ ਮਿਲਿਆ। ਮੁੰਬਈ ਪੁਲਿਸ ਨੇ ਉਸ ਨੂੰ ਕਿਹਾ ਕਿ ਭਾਰਤ ਦੇ ਨਾਗਰਿਕ ਹੋਣ ਵਜੋਂ ਜਨਤਕ ਮੰਚ ’ਤੇ ਤੁਸੀਂ ਆਪਣੇ ਵਿਚਾਰ ਰੱਖ ਸਕਦੇ ਹੋ ਪਰ ਧਿਆਨ ਰੱਖੋ ਕਿ NDPS ਐਕਟ 1985 ਦੇ ਮੁਤਾਬਕ ਭੰਗ ਖਾਣ, ਰੱਖਣ ਤੇ ਇਸਦੀ ਤਸਕਰੀ ਲਈ ਸਖ਼ਤ ਸਜ਼ਾ ਹੋ ਸਕਦੀ ਹੈ। ਇਸ ਗੱਲ ਨੂੰ ਫੈਲਾਓ।

Sir,as citizen of India,you are privileged to express your view on a public platform. Be mindful,as of now, consumption, possession and transportation of marijuana, invites harsh punishment as per provisions of Narcotic Drugs and Psychotropic Substances Act,1985. Spread the Word https://t.co/YlT3kuCdA2

— Mumbai Police (@MumbaiPolice) September 15, 2018

ਇਸ ਪਿੱਛੋਂ ‘ਧੂਮ’ ਅਦਾਕਾਰ ਨੇ ਕਿਹਾ ਕਿ ਉਹ ਇਸ ਦਾ ਸੇਵਨ ਨਹੀਂ ਕਰਦਾ ਪਰ ਇਸ ਨੂੰ ਜਾਇਜ਼ ਕਰਨਾ ਅਕਲਮੰਦੀ ਵਾਲਾ ਕਦਮ ਮੰਨਦਾ ਹਨ। ਉਦੇ ਚੋਪੜਾ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਫਿਲਮ ‘ਮੁਹੱਬਤੇਂ’ ਤੋਂ ਕੀਤੀ ਸੀ ਤੇ ਆਖ਼ਰੀ ਵਾਰ ਉਹ ਫਿਲਮ ‘ਧੂਮ 2’ ’ਚ ਨਜ਼ਰ ਆਇਆ ਸੀ।