ਪੜਚੋਲ ਕਰੋ
Advertisement
ਕੇਜਰੀਵਾਲ ਵੱਲੋਂ ਬਜ਼ੁਰਗਾਂ ਨੂੰ ਵੱਡਾ ਤੋਹਫ਼ਾ
ਨਵੀਂ ਦਿੱਲੀ: ਦਿੱਲੀ ਦੀ ਆਮ ਆਦਮੀ ਪਾਰਟੀ ਸਰਕਾਰ ਨੇ ਬਜੁਰਗਾਂ ਨੂੰ ਖਾਸ ਤੋਹਫਾ ਦਿੱਤਾ ਹੈ। ਇਹ ਸਰਕਾਰ ਹੁਣ ਹਰ ਸਾਲ 77 ਹਜਾਰ ਸੀਨੀਅਰ ਸਿਟੀਜ਼ਨਜ਼ (60 ਸਾਲ ਤੋਂ ਵੱਧ ਉਮਰ ਵਾਲਿਆਂ) ਨੂੰ ਮੁਫਤ ਤੀਰਥ ਯਾਤਰਾ ਲਈ ਸਹੂਲਤ ਦੇਵੇਗੀ। ਦਿੱਲੀ ਦੇ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਜਿਨ੍ਹਾਂ ਸੀਨੀਅਰ ਸਿਟੀਜ਼ਨਜ਼ ਦੀ ਸਾਲਾਨਾ ਆਮਦਨ ਤਿੰਨ ਲੱਖ ਰੁਪਏ ਤੋਂ ਘੱਟ ਹੋਵੇਗੀ ਤੇ ਜਿਹੜੇ ਕਿਸੇ ਸਰਕਾਰੀ ਤੇ ਖੁਦ ਮੁਖਤਿਆਰ ਅਦਾਰੇ ਦੇ ਕਰਮਚਾਰੀ ਨਾ ਹੋਣਗੇ, ਉਹ ਹੀ ਇਸ ਸਹੂਲਤ ਦਾ ਲਾਭ ਉਠਾ ਸਕਣਗੇ।
ਮਿਲੀ ਜਾਣਕਾਰੀ ਅਨੁਸਾਰ ਉੱਪ ਮੁੱਖ ਮੰਤਰੀ ਮੁਨੀਸ਼ ਸਿਸੋਦੀਆ ਨੇ ਦੱਸਿਆ ਕਿ ‘ਮੁੱਖ ਮੰਤਰੀ ਤੀਰਥ ਯਾਤਰਾ ਯੋਜਨਾ’ ਹੇਠ ਇਹ ਯਾਤਰਾ ਕਰਵਾਈਆਂ ਜਾਣਗੀਆਂ। ਦਿੱਲੀ ਮੰਤਰੀ ਮੰਡਲ ਦੀ ਬੈਠਕ ਨੇ ਇਸ ਉੱਤੇ ਮੁਹਰ ਲਾਈ ਹੈ। ਜਿਹੜੇ ਪੰਜ ਤੀਰਥ ਯਾਤਰਾ ਰੂਟਾਂ ਨੂੰ ਬਜੁਰਗਾਂ ਦੇ ਲਈ ਪੇਸ਼ ਕੀਤਾ ਗਿਆ ਹੈ, ਉਨ੍ਹਾਂ ਵਿਚ ਇੱਕ ਮਥੁਰਾ-ਵ੍ਰਿੰਦਾਵਣ-ਆਗਰਾ-ਫਤਹਿਪੁਰ ਸੀਕਰੀ, ਦੂਸਰਾ ਹਰਿਦੁਆਰ-ਰਿਸ਼ੀਕੇਸ਼-ਨੀਲਕੰਠ, ਤੀਸਰਾ ਪੁਸ਼ਕਰ-ਅਜਮੇਰ, ਚੌਥਾ ਅੰਮ੍ਰਿਤਸਰ-ਆਨੰਦਪੁਰ ਸਾਹਿਬ ਤੇ ਪੰਜਵਾਂ ਜੰਮੂ-ਵੈਸ਼ਣੋ ਦੇਵੀ ਸ਼ਾਮਿਲ ਹਨ।
ਸਿਸੋਦੀਆ ਨੇ ਦੱਸਿਆ ਕਿ ਰਾਜ ਸਰਕਾਰ ਯਾਤਰਾ ਦੇ ਹੱਕਦਾਰ ਨਾਗਰਿਕਾਂ ਲਈ ਯਾਤਰਾ, ਠਹਿਰਨ ਤੇ ਖਾਣ ਦਾ ਪ੍ਰਬੰਧ ਕਰੇਗੀ ਅਤੇ ਹਰ ਤੀਰਥ ਯਾਤਰੀ ਉੱਤੇ ਲੱਗਭੱਗ ਸੱਤ ਹਜਾਰ ਰੁਪਏ ਖਰਚ ਆਵੇਗਾ। ਸੀਨੀਅਰ ਸਿਟੀਜ਼ਨਜ਼ ਆਪਣੇ ਨਾਲ 18 ਸਾਲ ਤੋਂ ਵੱਧ ਉਮਰ ਦਾ ਕੋਈ ਨੌਕਰ ਵੀ ਰੱਖ ਸਕਣਗੇ ਤੇ ਇਸ ਦਾ ਖਰਚ ਵੀ ਦਿੱਲੀ ਸਰਕਾਰ ਹੀ ਦੇਵੇਗੀ।
ਉਪ ਮੁੱਖ ਮੰਤਰੀ ਸਿਸੋਦੀਆ ਨੇ ਕਿਹਾ ਕਿ ਹਰ ਯਾਤਰਾ ਚੱਕਰ ਦੀ ਮਿਆਦ ਤਿੰਨ ਦਿਨ ਤੇ ਦੋ ਰਾਤਾਂ ਹੋਵੇਗੀ ਤੇ ਹਰ ਸਾਲ ਹਰ ਵਿਧਾਨ ਸਭਾ ਹਲਕੇ ਤੋਂ ਇਸ ਯਾਤਰਾ ਲਈ 1100 ਬਜੁਰਗ ਚੁਣੇ ਜਾਣਗੇ। ਉਨ੍ਹਾਂ ਦੱਸਿਆ ਕਿ ਅਰਜ਼ੀ ਦੇ ਪੱਤਰ ਇਸ ਵਿਭਾਗ ਦੇ ਕਮਿਸ਼ਨਰ ਦੇ ਦਫਤਰ, ਸਬੰਧਤ ਵਿਧਾਇਕ ਜਾਂ ਤੀਰਥ ਯਾਤਰਾ ਕਮੇਟੀ ਦੇ ਰਾਹੀਂ ਆਨਲਾਈਨ ਵੀ ਭਰੇ ਜਾ ਸਕਣਗੇ ਤੇ ਤੀਰਥ ਯਾਤਰੂਆਂ ਦੀ ਚੋਣ ਡਰਾਅ ਰਾਹੀਂ ਕੀਤੀ ਜਾਵੇਗੀ। ਸਿਸੋਦੀਆ ਨੇ ਤਾਰੀਖ ਦਾ ਜਿ਼ਕਰ ਨਹੀਂ ਕੀਤਾ, ਜਦੋਂ ਤੋਂ ਇਹ ਯਾਤਰਾ ਸ਼ੁਰੂ ਹੋਵੇਗੀ, ਪਰ ਇਹ ਕਿਹਾ ਕਿ ਯੋਜਨਾ ਛੇਤੀ ਹੀ ਲਾਗੂ ਹੋਵੇਗੀ।
Follow Breaking News on abp LIVE for more latest stories and trending topics. Watch breaking news and top headlines online on abp sanjha LIVE TV
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਪੰਜਾਬ
ਲੁਧਿਆਣਾ
ਸਿਹਤ
ਕਾਰੋਬਾਰ
Advertisement