Patiala House Court Frames Charges Against Yasin Bhatkal : ਦਿੱਲੀ ਦੀ ਪਟਿਆਲਾ ਹਾਊਸ ਐਨਆਈਏ ਅਦਾਲਤ ਨੇ ਅੱਤਵਾਦੀ ਸੰਗਠਨ ਇੰਡੀਅਨ ਮੁਜਾਹਿਦੀਨ ਦੇ ਸਹਿ-ਸੰਸਥਾਪਕ ਯਾਸੀਨ ਭਟਕਲ ਦੇ ਖਿਲਾਫ ਦੋਸ਼ ਆਇਦ ਕੀਤੇ ਹਨ। ਯੂਏਪੀਏ ਤਹਿਤ ਭਟਕਲ ਸਮੇਤ 11 ਮੁਲਜ਼ਮਾਂ ਖ਼ਿਲਾਫ਼ ਦੇਸ਼ ਖ਼ਿਲਾਫ਼ ਜੰਗ ਛੇੜਨ ਦੇ ਮਕਸਦ ਨਾਲ ਅੱਤਵਾਦੀ ਕਾਰਵਾਈਆਂ ਦੀ ਸਾਜ਼ਿਸ਼ ਰਚਣ ਅਤੇ ਉਸ ਨੂੰ ਅੰਜ਼ਾਮ ਦੇਣ ਦੇ ਦੋਸ਼ ਹੇਠ ਇਹ ਦੋਸ਼ ਆਇਦ ਕੀਤੇ ਗਏ ਹਨ।
ਅਦਾਲਤ ਕੋਲ ਹਨ ਕਾਫੀ ਸਬੂਤ
ਅਦਾਲਤ ਨੇ ਕਿਹਾ ਕਿ ਯਾਸੀਨ ਭਟਕਲ ਅਤੇ ਹੋਰ ਦੋਸ਼ੀਆਂ 'ਤੇ ਮੁਕੱਦਮਾ ਚਲਾਉਣ ਲਈ ਕਾਫੀ ਇਲੈਕਟ੍ਰਾਨਿਕ ਅਤੇ ਡਿਜੀਟਲ ਸਬੂਤ ਮੌਜੂਦ ਹਨ। ਉਨ੍ਹਾਂ ਦੀ ਜਾਂਚ ਤੋਂ ਸਪੱਸ਼ਟ ਹੈ ਕਿ ਭਟਕਲ ਨਾ ਸਿਰਫ ਅੱਤਵਾਦੀ ਗਤੀਵਿਧੀਆਂ ਦੀ ਸਾਜ਼ਿਸ਼ ਵਿਚ ਸ਼ਾਮਲ ਸੀ, ਸਗੋਂ ਵਿਸਫੋਟਕ, ਇੰਪ੍ਰੋਵਾਈਜ਼ਡ ਐਕਸਪਲੋਸਿਵ ਡਿਵਾਈਸ (ਆਈਈਡੀ) ਤਿਆਰ ਕਰਨ ਵਿਚ ਵੀ ਉਸ ਦੀ ਵੱਡੀ ਭੂਮਿਕਾ ਸੀ।
ਅਦਾਲਤ ਨੇ ਆਪਣੇ ਹੁਕਮਾਂ ਵਿੱਚ ਨੋਟ ਕੀਤਾ ਹੈ ਕਿ ਸੀ.ਈ.ਆਰ.ਟੀ.-ਇਨ (CERT-In) ਦੀ ਰਿਪੋਰਟ ਦੇ ਅਨੁਸਾਰ ਭਟਕਲ ਤੋਂ ਬਰਾਮਦ ਕੀਤੇ ਗਏ ਡਿਜੀਟਲ ਉਪਕਰਨਾਂ ਵਿੱਚ ਜੇਹਾਦ ਨਾਲ ਸਬੰਧਤ ਸਾਹਿਤ ਅਤੇ ਇਸ ਦੇ ਨਾਂ 'ਤੇ ਗੈਰ-ਮੁਸਲਮਾਨਾਂ ਦੀ ਹੱਤਿਆ ਨੂੰ ਜਾਇਜ਼ ਠਹਿਰਾਉਣ ਵਾਲੇ ਆਰਟੀਕਲ ਮਿਲੇ ਹਨ। ਡਿਵਾਈਸ 'ਚ ਤਾਲਿਬ ਅਤੇ ਅਲਕਾਇਦਾ ਦੇ ਵੀਡੀਓ ਵੀ ਮਿਲੇ ਹਨ। ਇਸ ਵਿੱਚ ਹਿੰਸਕ ਜਿਹਾਦ ਨੂੰ ਦਰਸਾਇਆ ਗਿਆ ਹੈ।
ਇਹ ਵੀ ਪੜ੍ਹੋ : ਸੁਰੱਖਿਆ ਏਜੰਸੀਆਂ ਦਾ ਇੱਕ ਹੋਰ ਦਾਅਵਾ! ਹੁਣ ਅੰਮ੍ਰਿਤਪਾਲ ਦੇ ਯੂਪੀ 'ਚ ਹੋਣ ਦਾ ਸ਼ੱਕ! ਪੰਜਾਬ ਪੁਲਿਸ ਨੇ ਮੇਰਠ 'ਚ ਲਾਏ ਡੇਰੇ
ਸੂਰਤ ਵਿੱਚ ਪ੍ਰਮਾਣੂ ਬੰਬ ਦੀ ਸਾਜ਼ਿਸ਼
ਅਦਾਲਤ ਨੇ ਆਪਣੇ ਹੁਕਮਾਂ ਵਿੱਚ ਇਹ ਵੀ ਨੋਟ ਕੀਤਾ ਕਿ ਯਾਸੀਨ ਭਟਕਲ ਅਤੇ ਸਾਜਿਦ ਵਿਚਕਾਰ ਹੋਈ ਗੱਲਬਾਤ (ਵਟਸਐਪ ਚੈਟ) ਤੋਂ ਪਤਾ ਲੱਗਦਾ ਹੈ ਕਿ ਇੰਡੀਅਨ ਮੁਜਾਹਿਦੀਨ ਸੂਰਤ ਸ਼ਹਿਰ ਵਿੱਚ ਪਰਮਾਣੂ ਬੰਬ ਲਾਉਣ ਦੀ ਯੋਜਨਾ ਬਣਾ ਰਿਹਾ ਸੀ ਪਰ ਅਜਿਹੀ ਅੱਤਵਾਦੀ ਘਟਨਾ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਇੰਡੀਅਨ ਮੁਜਾਹਿਦੀਨ ਵੀ ਉਸ ਥਾਂ 'ਤੇ ਰਹਿ ਰਹੇ ਮੁਸਲਿਮ ਲੋਕਾਂ ਨੂੰ ਬਾਹਰ ਕੱਢਣ ਦੀ ਯੋਜਨਾ ਬਣਾ ਰਹੇ ਸਨ।
ਅਦਾਲਤ ਨੇ ਆਪਣੇ ਹੁਕਮਾਂ ਵਿੱਚ ਇਹ ਵੀ ਨੋਟ ਕੀਤਾ ਕਿ ਯਾਸੀਨ ਭਟਕਲ ਅਤੇ ਸਾਜਿਦ ਵਿਚਕਾਰ ਹੋਈ ਗੱਲਬਾਤ (ਵਟਸਐਪ ਚੈਟ) ਤੋਂ ਪਤਾ ਲੱਗਦਾ ਹੈ ਕਿ ਇੰਡੀਅਨ ਮੁਜਾਹਿਦੀਨ ਸੂਰਤ ਸ਼ਹਿਰ ਵਿੱਚ ਪਰਮਾਣੂ ਬੰਬ ਲਾਉਣ ਦੀ ਯੋਜਨਾ ਬਣਾ ਰਿਹਾ ਸੀ ਪਰ ਅਜਿਹੀ ਅੱਤਵਾਦੀ ਘਟਨਾ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਇੰਡੀਅਨ ਮੁਜਾਹਿਦੀਨ ਵੀ ਉਸ ਥਾਂ 'ਤੇ ਰਹਿ ਰਹੇ ਮੁਸਲਿਮ ਲੋਕਾਂ ਨੂੰ ਬਾਹਰ ਕੱਢਣ ਦੀ ਯੋਜਨਾ ਬਣਾ ਰਹੇ ਸਨ।
ਨੇਤਾਵਾਂ ਨੂੰ ਨਿਸ਼ਾਨਾ ਬਣਾਉਣਾ ਚਾਹੁੰਦੇ ਸੀ
ਇੰਨਾ ਹੀ ਨਹੀਂ ਭਟਕਲ ਅਤੇ ਸਾਜਿਦ ਵਿਚਕਾਰ 1 ਜੂਨ 2013 ਨੂੰ ਹੋਈ ਗੱਲਬਾਤ ਤੋਂ ਪਤਾ ਲੱਗਦਾ ਹੈ ਕਿ ਦੋਹਾਂ ਨੇ ਆਪਣੀ ਗੱਲਬਾਤ ਦੌਰਾਨ ਛੱਤੀਸਗੜ੍ਹ 'ਚ ਇਕ ਕਾਂਗਰਸੀ ਨੇਤਾ 'ਤੇ ਹੋਏ ਮਾਓਵਾਦੀ ਹਮਲੇ ਬਾਰੇ ਚਰਚਾ ਕੀਤੀ ਸੀ। ਉਨ੍ਹਾਂ ਦੀ ਯੋਜਨਾ ਆਮ ਲੋਕਾਂ ਦੀ ਬਜਾਏ ਨੇਤਾਵਾਂ 'ਤੇ ਹਮਲਾ ਕਰਨ ਦੀ ਸੀ ਤਾਂ ਜੋ ਸਰਕਾਰ ਨੂੰ ਹਿਲਾ ਦਿੱਤਾ ਜਾ ਸਕੇ। ਸਾਲ 2012 ਵਿੱਚ ਐਨਆਈਏ ਨੇ ਯਾਸੀਨ ਭਟਕਲ ਅਤੇ ਇੰਡੀਅਨ ਮੁਜਾਹਿਦੀਨ ਦੇ ਬਾਕੀ 10 ਮੈਂਬਰਾਂ ਖ਼ਿਲਾਫ਼ ਯੂਏਪੀਏ ਤਹਿਤ ਕੇਸ ਦਰਜ ਕੀਤਾ ਸੀ।
ਪਟਿਆਲਾ ਹਾਊਸ ਦੀ ਐਨਆਈਏ ਅਦਾਲਤ ਨੇ ਅੱਤਵਾਦੀ ਸੰਗਠਨ ਇੰਡੀਅਨ ਮੁਜਾਹਿਦੀਨ ਦੇ ਯਾਸੀਨ ਭਟਕਲ ਵਿਰੁੱਧ ਦੇਸ਼ ਵਿਰੁੱਧ ਜੰਗ ਛੇੜਨ ਦੇ ਦੋਸ਼ ਤੈਅ ਕੀਤੇ ਹਨ।