'PM ਮੋਦੀ ਨੂੰ ਨਹੀਂ, ਦੇਸ਼ ਨੂੰ ਮਿਲਦੀ ਹੈ ਇੱਜ਼ਤ ', ਮਹਿਬੂਬਾ ਮੁਫਤੀ ਬੋਲੀ - ਵਾਪਸ ਆਉਂਦੇ ਹੀ ਕਰਨ ਲੱਗੇ ਹਨ ਹਿੰਦੂ-ਮੁਸਲਿਮ

Opposition Meeting in Patna : ਬਿਹਾਰ ਦੇ ਪਟਨਾ 'ਚ ਵਿਰੋਧੀ ਪਾਰਟੀਆਂ ਦੀ ਆਮ ਬੈਠਕ ਤੋਂ ਬਾਅਦ ਮਹਿਬੂਬਾ ਮੁਫਤੀ ਨੇ ਏਕਤਾ 'ਤੇ ਜ਼ੋਰ ਦਿੰਦੇ ਹੋਏ ਕਿਹਾ ਕਿ ਮੈਂ ਨਿਤੀਸ਼ ਕੁਮਾਰ ਦੀ ਬਹੁਤ ਧੰਨਵਾਦੀ ਹਾਂ। ਜੇਕਰ

mehbooba mufti

Opposition Meeting in Patna : ਬਿਹਾਰ ਦੇ ਪਟਨਾ 'ਚ ਵਿਰੋਧੀ ਪਾਰਟੀਆਂ ਦੀ ਆਮ ਬੈਠਕ ਤੋਂ ਬਾਅਦ ਮਹਿਬੂਬਾ ਮੁਫਤੀ ਨੇ ਏਕਤਾ 'ਤੇ ਜ਼ੋਰ ਦਿੰਦੇ ਹੋਏ ਕਿਹਾ ਕਿ ਮੈਂ ਨਿਤੀਸ਼ ਕੁਮਾਰ ਦੀ ਬਹੁਤ ਧੰਨਵਾਦੀ ਹਾਂ। ਜੇਕਰ ਅੱਜ ਵਿਰੋਧੀ ਧਿਰ ਇਕਜੁੱਟ ਨਾ ਹੋਈ ਤਾਂ ਅੱਗੇ ਚੱਲ ਕੇ ਵਿਰੋਧੀ ਧਿਰ ਖ਼ਤਮ ਹੋ ਜਾਵੇਗੀ। ਪੀਐਮ ਮੋਦੀ 'ਤੇ ਨਿਸ਼ਾਨਾ ਸਾਧਦੇ ਹੋਏ ਮਹਿਬੂਬਾ ਮੁਫ਼ਤੀ ਨੇ ਕਿਹਾ ਕਿ ਜਦੋਂ ਪੀਐਮ ਮੋਦੀ ਬਾਹਰ ਜਾਂਦੇ ਹਨ ਤਾਂ ਗਾਂਧੀ ਜੀ ਦੀ ਮੂਰਤੀ ਅੱਗੇ ਮੱਥਾ ਟੇਕਦੇ ਹਨ ਪਰ ਜਦੋਂ ਉਹ ਇੱਥੇ ਆਉਂਦੇ ਹਨ ਤਾਂ ਹਿੰਦੂ ਮੁਸਲਮਾਨ ਕਰਨ ਲੱਗ ਜਾਂਦੇ ਹਨ। ਉਨ੍ਹਾਂ ਨੂੰ ਬਾਹਰੋਂ ਜੋ ਸਨਮਾਨ ਮਿਲਦਾ ਹੈ, ਉਹ ਉਨ੍ਹਾਂ ਨੂੰ ਨਹੀਂ ਬਲਕਿ ਦੇਸ਼ ਨੂੰ ਮਿਲਦਾ ਹੈ।

 

ਪੀਡੀਪੀ ਪਾਰਟੀ ਦੀ ਮੁਖੀ ਮਹਿਬੂਬਾ ਮੁਫ਼ਤੀ ਨੇ ਕਿਹਾ ਕਿ ਜਦੋਂ ਪੀਐਮ ਮੋਦੀ ਇੱਥੇ ਰਹਿੰਦੇ ਹਨ ਤਾਂ ਹਿੰਦੂ ਮੁਸਲਮਾਨ ਕਰਦੇ ਹਨ। ਇਸ ਨਾਲ ਸਾਡੀ ਜੰਮੂ-ਕਸ਼ਮੀਰ ਦੀ ਜਨਤਾ ਨੂੰ ਨੁਕਸਾਨ ਹੁੰਦਾ ਹੈ। ਜਦੋਂ ਬਾਹਰ ਜਾਂਦੇ ਹਨ ਤਾਂ ਜਾ ਕੇ ਢੋਲ ਵਜਾਉਂਦੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਜੇਕਰ ਅੱਜ ਵਿਰੋਧੀ ਧਿਰ ਇਕਜੁੱਟ ਨਾ ਹੋਈ ਤਾਂ ਬਾਅਦ ਵਿਚ ਵਿਰੋਧੀ ਧਿਰ ਖ਼ਤਮ ਹੋ ਜਾਵੇਗੀ। ਇਸ ਬਾਰੇ ਗੱਲ ਕਰਨ ਵਾਲੇ ਪੱਤਰਕਾਰ ਨੂੰ ਜੇਲ੍ਹ ਵਿੱਚ ਡੱਕ ਦਿੱਤਾ ਜਾਂਦਾ ਹੈ। ਜੇਕਰ ਇਸ ਦੇਸ਼ ਨੂੰ ਬਚਾਉਣਾ ਹੈ ਤਾਂ ਇਕੱਠੇ ਹੋਣਾ ਪਵੇਗਾ। ਅੱਜ ਸਾਡੀਆਂ ਪਹਿਲਵਾਨ ਕੁੜੀਆਂ ਜੰਤਰ-ਮੰਤਰ 'ਤੇ ਹਨ ਪਰ ਜਿਸ 'ਤੇ ਦੋਸ਼ ਲੱਗਾ ਹੈ, ਉਹ ਆਜ਼ਾਦ ਘੁੰਮ ਰਿਹਾ ਹੈ।

  

'ਭਵਿੱਖ ਵਿੱਚ ਜੋ ਵੀ ਮੀਟਿੰਗ ਹੋਵੇਗੀ..ਉਸ ਵਿੱਚ ਸਭ ਠੀਕ ਹੋਵੇਗਾ'

ਵਿਰੋਧੀ ਧਿਰ ਦੀ ਬੈਠਕ ਬਾਰੇ ਮਹਿਬੂਬਾ ਮੁਫਤੀ ਨੇ ਅੱਗੇ ਕਿਹਾ ਕਿ ਮੈਂ ਉਨ੍ਹਾਂ ਸਾਰੇ ਲੋਕਾਂ ਦੀ ਧੰਨਵਾਦੀ ਹਾਂ ਜੋ ਇਸ ਦੇਸ਼ ਨੂੰ ਬਚਾਉਣ ਲਈ ਪਟਨਾ ਪਹੁੰਚੇ। ਮੈਨੂੰ ਉਮੀਦ ਹੈ ਕਿ ਅਗਲੀ ਮੀਟਿੰਗ ਵਿੱਚ ਸਭ ਕੁਝ ਬਿਹਤਰ ਹੋਵੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਕਾਂਗਰਸ ਇੱਕ ਵੱਡੀ ਪਾਰਟੀ ਹੈ, ਜਿਸ ਨੂੰ ਲੈ ਕੇ ਸਾਰੇ ਇਕੱਠੇ ਹੋਏ ਹਨ। ਇਸ ਦੇ ਨਾਲ ਹੀ ਮਹਿਬੂਬਾ ਮੁਫਤੀ ਨੇ ਕਿਹਾ ਕਿ ਸਾਡੇ ਆਪਸ ਵਿੱਚ ਬਹੁਤ ਮਤਭੇਦ ਹਨ ਜਦੋਂ ਅਸੀਂ ਅਤੇ ਊਧਵ ਠਾਕਰੇ ਇਕੱਠੇ ਬੈਠੇ ਸੀ ਪਰ ਉਨ੍ਹਾਂ ਅਤੇ ਮੇਰੇ ਵਿੱਚ ਬਹੁਤ ਅੰਤਰ ਹੈ।