ਬੱਦਲਾਂ ਤੋਂ ਬਾਅਦ ਮੋਦੀ ਦੀ ਨਵੀਂ ਸ਼ੁਰਲੀ: 1987-88 'ਚ ਵਰਤਦਾ ਰਿਹਾ ਈਮੇਲ ਤੇ ਡਿਜੀਟਲ ਕੈਮਰਾ

ਪੀਐਮ ਮੋਦੀ ਨੇ ਕਿਹਾ ਸੀ ਕਿ ਇੱਕ ਰੈਲੀ ਦੌਰਾਨ ਉਨ੍ਹਾਂ ਡਿਜੀਟਲ ਕੈਮਰੇ ਰਾਹੀਂ ਫੋਟੋ ਖਿੱਚੀ ਸੀ ਤੇ ਫਿਰ ਈ-ਮੇਲ ਰਾਹੀਂ ਉਸ ਨੂੰ ਦਿੱਲੀ ਭੇਜਿਆ ਸੀ ਅਤੇ ਅਗਲੇ ਦਿਨ ਉਹੀ ਰੰਗਦਾਰ ਫ਼ੋਟੋ ਛਪੀ ਵੀ ਗਈ। ਇਹ ਸੰਨ 1987-88 ਦੀ ਗੱਲ ਹੈ, ਉਹ ਹੈਰਾਨ ਸਨ ਕਿ ਇੰਨੀ ਛੇਤੀ ਇਹ ਕੰਮ ਕਿਵੇਂ ਹੋ ਗਿਆ।

ਨਵੀਂ ਦਿੱਲੀ: ਦਮਦਾਰ ਭਾਸ਼ਣ ਕਲਾ ਵਾਲੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅੱਜ-ਕੱਲ੍ਹ ਆਪਣੇ ਅਜੀਬੋ-ਗਰੀਬ ਬਿਆਨਾਂ ਕਰਕੇ ਟ੍ਰੋਲ ਹੋ ਰਹੇ ਹਨ। ਪਿਛਲੇ ਦਿਨੀਂ ਇੰਟਰਵਿਊ ਦੌਰਾਨ ਮੋਦੀ ਲੜਾਕੂ ਜਹਾਜ਼ਾਂ ਨੂੰ ਬੱਦਲਾਂ ਦੇ ਓਹਲੇ ਲਿਜਾਣ ਵਾਲੇ ਬਿਆਨ ਕਰਕੇ ਮਜ਼ਾਕ ਦਾ ਪਾਤਰ ਬਣੇ, ਪਰ ਹੁਣ ਮੋਦੀ ਨੇ ਇਹੋ ਜਿਹਾ ਇੱਕ ਹੋਰ ਬਿਆਨ ਦੇ ਦਿੱਤਾ ਹੈ ਜੋ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਵਿੱਚ ਮੋਦੀ ਕਹਿ ਰਹੇ ਹਨ ਕਿ ਉਹ ਸੰਨ 1987-88 ਵਿੱਚ ਡਿਜੀਟਲ ਕੈਮਰਾ ਤੇ ਈਮੇਲ ਦੀ ਵਰਤੋਂ ਕਰਦੇ ਸਨ। ਪੀਐਮ ਮੋਦੀ ਨੇ ਕਿਹਾ ਸੀ ਕਿ ਇੱਕ ਰੈਲੀ ਦੌਰਾਨ ਉਨ੍ਹਾਂ ਡਿਜੀਟਲ ਕੈਮਰੇ ਰਾਹੀਂ ਫੋਟੋ ਖਿੱਚੀ ਸੀ ਤੇ ਫਿਰ ਈ-ਮੇਲ ਰਾਹੀਂ ਉਸ ਨੂੰ ਦਿੱਲੀ ਭੇਜਿਆ ਸੀ ਅਤੇ ਅਗਲੇ ਦਿਨ ਉਹੀ ਰੰਗਦਾਰ ਫ਼ੋਟੋ ਛਪੀ ਵੀ ਗਈ। ਇਹ ਸੰਨ 1987-88 ਦੀ ਗੱਲ ਹੈ, ਉਹ ਹੈਰਾਨ ਸਨ ਕਿ ਇੰਨੀ ਛੇਤੀ ਇਹ ਕੰਮ ਕਿਵੇਂ ਹੋ ਗਿਆ। ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਇਸ ਬਿਆਨ 'ਤੇ ਬਾਲੀਵੁੱਡ ਅਦਾਕਾਰ ਪ੍ਰਕਾਸ਼ ਰਾਜ ਨੇ ਚੁਟਕੀ ਲਈ ਹੈ।

THOUGH we CITIZENS knew only in 90s...Our CHOWKIDAR derived the knowledge of DIGITAL CAMERAS and EMAILS in the 80s ..while he was in the forests ..by reading MAHABHARATA...surrounded by CLOUDS....????????????. ULLU BANANA KA BHI HADH HOTA HAI ..BHAI pic.twitter.com/WMeKy1VfGH

— Prakash Raj (@prakashraaj) May 13, 2019

ਪ੍ਰਕਾਸ਼ ਰਾਜ ਨੇ ਟਵਿੱਟਰ 'ਤੇ ਲਿਖਿਆ,"ਸਾਨੂੰ ਵੀ 90ਵੇਂ ਦਹਾਕੇ ਦੌਰਾਨ ਡਿਜੀਟਲ ਕੈਮਰੇ ਬਾਰੇ ਜਾਣਕਾਰੀ ਹੋਈ ਸੀ ਪਰ ਸਾਡੇ ਚੌਕੀਦਾਰ ਨੂੰ ਡਿਜੀਟਲ ਕੈਮਰਾ ਤੇ ਈਮੇਲ ਦੀ ਜਾਣਕਾਰੀ 80ਵੇਂ ਦਹਾਕੇ ਵਿੱਚ ਹੋ ਗਈ ਸੀ। ਹਾਲਾਂਕਿ, ਉਹ ਉਸ ਸਮੇਂ ਜੰਗਲਾਂ ਵਿੱਚ ਰਹਿੰਦੇ ਸੀ.... ਮਹਾਂਭਾਰਤ ਪੜ੍ਹਦੇ ਸੀ। ਬੱਦਲਾਂ ਨਾਲ ਘਿਰੇ ਹੋਏ। ਉੱਲੂ ਬਣਾਉਣ ਦੀ ਵੀ ਹੱਦ ਹੁੰਦੀ ਹੈ ਭਾਈ।" ਲੋਕ ਵੀ ਪ੍ਰਕਾਸ਼ ਰਾਜ ਦੇ ਟਵੀਟ 'ਤੇ ਖੂਬ ਸਵਾਦ ਲੈ ਰਹੇ ਹਨ ਤੇ ਰੀਟਵੀਟ ਵੀ ਕਰ ਰਹੇ ਹਨ। ਮਸ਼ਹੂਰ ਅਦਾਕਾਰ ਪ੍ਰਕਾਸ਼ ਰਾਜ ਬੰਗਲੁਰੂ ਕੇਂਦਰੀ ਲੋਕ ਸਭਾ ਸੀਟ ਤੋਂ ਆਜ਼ਾਦ ਚੋਣ ਲੜ ਰਹੇ ਹਨ। ਇਸ ਸੀਟ ਤੋਂ ਭਾਜਪਾ ਦੇ ਟਿਕਟ 'ਤੇ ਨੌਜਵਾਨ ਨੇਤਾ ਤੇਜੱਸਵੀ ਸੂਰਿਆ ਚੋਣ ਮੈਦਾਨ ਵਿੱਚ ਹਨ।