16 ਨਵੰਬਰ ਨੂੰ ਰਾਸ਼ਟਰਪਤੀ ਇਸ ਜ਼ਰੂਰੀ ਕੰਮ ਲਈ ਆ ਰਹੇ ਪੰਜਾਬ

ਪੁਰਾਣੀ ਤਸਵੀਰ

ਜਲੰਧਰ: ਦੇਸ਼ ਦੇ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ 16 ਨਵੰਬਰ ਨੂੰ ਆਦਮਪੁਰ ਏਅਰਬੇਸ ਸਟੇਸ਼ਨ ਆ ਰਹੇ ਹਨ। ਇੱਥੇ ਉਹ 223 ਸਕਵਾਰਡਨ ਅਤੇ 117 ਹੈਲੀਕਾਪਟਰ ਯੂਨਿਟ ਨੂੰ ਪ੍ਰੈਜ਼ੀਡੈਂਟ ਸਟੈਂਡਰਡ ਨਾਲ ਸਨਮਾਨਤ ਕਰਨਗੇ। ਇਸ ਸਮੇਂ ਉਨ੍ਹਾਂ ਦੇ ਨਾਲ ਪੰਜਾਬ ਦੇ ਰਾਜਪਾਲ ਵੀ ਮੌਜੂਦ ਰਹਿਣਗੇ। ਰਾਸ਼ਟਪਤੀ ਦੇ ਸਮਾਗਮ ਬਾਰੇ ਦੱਸਦਿਆਂ ਵੈਸਟਰਨ ਕਮਾਂਡ ਦੇ ਮੁੱਖੀ ਏਅਰ ਮਾਰਸ਼ਲ ਸੀ ਹਰੀ ਕੁਮਾਰ ਨੇ ਦੱਸਿਆ ਕਿ ਇੰਡੀਅਨ ਏਅਰਫੋਰਸ ਕਿਸੇ ਵੀ ਯੂਨਿਟ ਦੇ 18 ਸਾਲ ਪੂਰੇ ਹੋਣ 'ਤੇ ਉਸ ਨੂੰ ਪ੍ਰੈਜ਼ੀਡੈਂਟ ਸਟੈਂਡਰਡ ਨਾਲ ਸਨਮਾਨਤ ਕਰਦੀ ਹੈ। ਸਾਡੀਆਂ ਦੋ ਯੂਨਿਟਾਂ ਨੂੰ ਸਨਮਾਨਤ ਕਰਨ ਲਈ ਮੁਲਕ ਦੀਆਂ ਤਿੰਨੋਂ ਫੌਜਾਂ ਦੇ ਮੁੱਖੀ ਰਾਸ਼ਟਰਪਤੀ ਇੱਥੇ ਆ ਰਹੇ ਹਨ। ਉਸ ਦਿਨ ਏਅਰਸ਼ੋਅ ਵੀ ਹੋਵੇਗਾ। ਆਦਮਪੁਰ ਦੇ ਏਅਰਬੇਸ ਸਟੇਸ਼ਨ 'ਚ ਹੋਈ ਪ੍ਰੈਸ ਕਾਨਫਰੰਸ 'ਚ ਏਅਰ ਮਾਰਸ਼ਲ ਸੀ ਹਰੀਕੁਮਾਰ ਨੇ ਦੱਸਿਆ ਕਿ 223 ਸਕਵਾਰਡਨ ਦੇ ਕਮਾਂਡਿੰਗ ਅਫਸਰ ਗਰੁੱਪ ਕੈਪਟਨ ਪ੍ਰਭਾਤ ਮਲਿਕ ਅਤੇ 117 ਹੈਲੀਕਾਪਟਰ ਯੂਨਿਟ ਦੇ ਕਮਾਡਿੰਗ ਅਫਸਰ ਵਿੰਗ ਕਮਾਂਡਰ ਐਨ ਬਤਰਾ ਪ੍ਰੈਜ਼ੀਡੈਂਟ ਸਟੈਂਡਰਡ ਹਾਸਲ ਕਰਨਗੇ। ਇਸ ਦੌਰਾਨ ਰਾਸ਼ਟਰਪਤੀ 223 ਸਕਵਾਰਡਨ ਅਤੇ 117 ਹੈਲੀਕਾਪਟਰ ਯੂਨਿਟ ਦੀਆਂ ਡਾਕ ਟਿਕਟਾਂ ਵੀ ਜਾਰੀ ਕਰਣਗੇ।