ਹੁਣ ਮੋਬਾਈਲ ਰਾਹੀਂ ਪਛਾਣੇ ਜਾ ਸਕਣਗੇ ਅਸਲੀ ਤੇ ਨਕਲੀ ਨੋਟ

ਨਵੀਂ ਦਿੱਲੀ: ਘੱਟ ਦਿਖਣ ਵਾਲਿਆਂ ਲਈ ਆਰਬੀਆਈ ਮੋਬਾਈਲ ਫੋਨ ਅਧਾਰਤ ਸੈਲਿਊਸ਼ਨ ‘ਤੇ ਕੰਮ ਕਰ ਰਹੀ ਹੈ। ਇਸ ਲਈ ਆਰਬੀਆਈ ਨੇ ਨੋਟਾਂ ਦੀ ਪਛਾਣ ਕਰਨ ਵਾਲੇ ਮੈਕੇਨਿਜ਼ਮ/ਡਿਵਾਈਸ ਬਣਾਉਣ ਵਾਲੇ ਵੈਂਡਰਾਂ ਦੀ ਜਾਣਕਾਰੀ ਮੰਗੀ ਹੈ। ਫਿਲਹਾਲ ਅੰਨ੍ਹੇ ਲੋਕਾਂ ਨੂੰ ਨੋਟਾਂ ਦੀ ਪਛਾਣ ਹੋ ਸਕੇ, ਇਸ ਲਈ 100 ਰੁਪਏ ਤੇ ਉਸ ਤੋਂ ਜ਼ਿਆਦਾ ਦੇ ਨੋਟਾਂ ‘ਤੇ ਇੰਟੈਗਲਿਓ ਪ੍ਰਿਟਿੰਗ ਅਧਾਰਤ ਮਾਰਕ ਛਾਪੇ ਜਾਂਦੇ ਹਨ। ਦੇਸ਼ ‘ਚ ਕਈ ਤਰ੍ਹਾਂ ਦੇ ਨੋਟ ਚੱਲ ਰਹੇ ਹਨ ਜਦਕਿ ਦੇਸ਼ ‘ਚ 80 ਲੱਖ ਦੇ ਕਰੀਬ ਲੋਕ ਅੰਨ੍ਹੇ ਜਾਂ ਉਹ ਹਨ ਜਿਨ੍ਹਾਂ ਨੂੰ ਕਾਫੀ ਘੱਟ ਦਿਖਦਾ ਹੈ। ਅਜਿਹੇ ਲੋਕਾਂ ਨੂੰ ਆਰਬੀਆਈ ਦੀ ਇਸ ਪਹਿਲ ਨਾਲ ਫਾਇਦਾ ਮਿਲੇਗਾ। ਆਰਬੀਆਈ ਨੇ ਜੂਨ 2018 ‘ਚ ਐਲਾਨ ਕੀਤਾ ਸੀ ਕਿ ਉਹ ਘੱਟ ਦਿਖਣ ਵਾਲੇ ਲੋਕਾਂ ਲਈ ਖਾਸ ਤਕਨੀਕ ‘ਤੇ ਕੰਮ ਕਰ ਰਹੇ ਹਨ। RBI ਮੁਤਾਬਕ ਜੋ ਟੈਂਡਰ ਦਸਤਾਵੇਜ਼ ਜਾਰੀ ਕੀਤਾ ਗਿਆ ਹੈ, ਉਸ ਦਾ ਕਹਿਣਾ ਹੈ ਕਿ ਜਦੋਂ ਵੀ ਨੋਟ ਨੂੰ ਡਿਵਾਇਸ ਅੱਗਿਓਂ ਕੱਢਿਆ ਜਾਵੇਗਾ ਤਾਂ ਡਿਵਾਈਸ ਨੋਟ ਦੀ ਪਛਾਣ ਦੋ ਸੈਕਿੰਡ ‘ਚ ਕਰ ਲਵੇਗਾ ਤੇ ਦੱਸ ਦਵੇਗਾ ਕਿ ਨੋਟ ਕਿੰਨੇ ਦਾ ਹੈ।