2 ਤੋਂ 3 ਲੱਖ ਨਾਲ ਸ਼ੁਰੂ ਕਰੋ ਇਹ 5 ਕਾਰੋਬਾਰ, 80 ਫੀਸਦੀ ਸਬਸਿਡੀ

ਨਵੀਂ ਦਿੱਲੀ: ਜੇਕਰ ਤੁਸੀਂ 2 ਤੋਂ 3 ਲੱਖ ਰੁਪਏ ਤੱਕ ਦੇ ਨਿਵੇਸ਼ ਵਾਲੇ ਕਾਰੋਬਾਰ ਦੀ ਸ਼ੁਰੂਆਤ ਕਰਦੇ ਹੋ ਤਾਂ ਭਾਰਤ ਸਰਕਾਰ ਮੁਦਰਾ ਯੋਜਨਾ ਤਹਿਤ ਅਜਿਹੇ ਛੋਟੇ ਕਾਰੋਬਾਰੀਆਂ ਨੂੰ ਕਰਜ਼ ਮੁਹੱਈਆ ਕਰਾਉਂਦੀ ਹੈ। ਕਾਰੋਬਾਰ ਸ਼ੁਰੂ ਕਰਨ ਦੀ ਇੱਛਾ ਰੱਖਣ ਵਾਲੇ ਲੋਕ ਮੁਦਰਾ ਸਕੀਮ ਤਹਿਤ ਕਰਜ਼ ਅਪਲਾਈ ਕਰ ਸਕਦੇ ਹਨ। ਇਹ ਕਰਜ਼ ਕਿਸੇ ਵੀ ਸਰਕਾਰੀ ਜਾਂ ਪ੍ਰਾਈਵੇਟ ਬੈਂਕ ਤੋਂ ਮਿਲ ਸਕਦਾ ਹੈ। ਮੁਦਰਾ ਸਕੀਮ ਤਹਿਤ ਕਰਜ਼ ਆਮ ਕਰਜ਼ ਨਾਲੋਂ 1-2 ਫੀਸਦੀ ਸਸਤਾ ਮਿਲਦਾ ਹੈ। ਇਸ ਯੋਜਨਾ ਤਹਿਤ ਕਈ ਕਾਰੋਬਾਰ ਸ਼ੁਰੂ ਕੀਤੇ ਜਾ ਸਕਦੇ ਹਨ ਜਿਨ੍ਹਾਂ ਦਾ ਵੇਰਵਾ ਇਸ ਪ੍ਰਕਾਰ ਹੈ। ਪਾਪੜ ਮੈਨੂਫੈਕਚਰਿੰਗ ਯੂਨਿਟ ਮੁਦਰਾ ਸਕੀਮ ਤਹਿਤ ਤੁਸੀਂ ਪਾਪੜ ਬਣਾਉਣ ਦਾ ਕੰਮ ਸ਼ੁਰੂ ਕਰ ਸਕਦੇ ਹੋ। ਇਸ ਲਈ 2.05 ਲੱਖ ਰੁਪਏ ਸ਼ੁਰੂਆਤੀ ਨਿਵੇਸ਼ ਲੋੜੀਂਦਾ ਹੈ। ਪਾਪੜ ਯੂਨਿਟ ਲਈ 8.18 ਲੱਖ ਰੁਪਏ ਤੱਕ ਦਾ ਕਰਜ਼ ਮਿਲ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਕੰਮ ਲਈ ਸਰਕਾਰ ਦੀ ਇੰਟਰਪ੍ਰਿਨਿਓਰ ਸਪੋਰਟ ਸਕੀਮ ਤਹਿਤ 1.92 ਲੱਖ ਰੁਪਏ ਸਬਸਿਡੀ ਵੀ ਮਿਲੇਗੀ। ਲਾਈਟ ਇੰਜਨੀਅਰਿੰਗ ਯੂਨਿਟ ਦਾ ਕੰਮ ਮੁਦਰਾ ਸਕੀਮ ਤਹਿਤ ਤੁਸੀਂ ਲਾਈਟ ਇੰਜਨੀਅਰਿੰਗ ਜਿਵੇਂ ਨਟ ਬੋਲਟ, ਵਾਸ਼ਰ ਜਾਂ ਕਿੱਲ ਆਦਿ ਦੀ ਮੈਨੂਫੈਕਚਰਿੰਗ ਸ਼ੁਰੂ ਕਰ ਸਕਦੇ ਹੋ। ਇਸ ਯੂਨਿਟ ਲਈ 1.88 ਲੱਖ ਰੁਪਏ ਦੀ ਲੋੜ ਹੋਵੇਗੀ। ਮੁਦਰਾ ਸਕੀਮ ਤਹਿਤ 2.21 ਲੱਖ ਰੁਪਏ ਟਰਮ ਲੋਨ ਤੇ 2.30 ਲੱਖ ਰੁਪਏ ਵਰਕਿੰਗ ਕੈਪੀਟਲ ਦੇ ਰੂਪ ਵਿੱਚ ਲੋਨ ਮਿਲੇਗਾ। ਇੱਕ ਮਹੀਨੇ ਵਿੱਚ ਕਰੀਬ 2500 ਕਿਲੋਗ੍ਰਾਮ ਨਟ ਬੋਲਟ ਬਣਾ ਕੇ ਸਾਲ ਭਰ ਵਿੱਚ ਖਰਚ ਕੱਢ ਕੇ 2 ਲੱਖ ਰੁਪਏ ਮੁਨਾਫਾ ਕਮਾ ਸਕਦੇ ਹੋ। ਕੜੀ ਤੇ ਚੌਲ ਦੇ ਪਾਊਡਰ ਦਾ ਬਿਜ਼ਨੈੱਸ ਇਸ ਬਿਜ਼ਨਸ ਲਈ ਸ਼ੁਰੂਆਤੀ ਨਿਵੇਸ਼ 1.66 ਲੱਖ ਰੁਪਏ ਚਾਹੀਦੇ ਹਨ। ਮੁਦਰਾ ਯੋਜਨਾ ਤਹਿਤ ਬੈਂਕ ਤੋਂ 3.32 ਲੱਖ ਰੁਪਏ ਦਾ ਟਰਮ ਲੋਨ ਤੇ 1.68 ਲੱਖ ਰੁਪਏ ਵਰਕਿੰਗ ਕੈਪਿਟਲ ਲੋਨ ਮਿਲੇਗਾ। ਇਸ ਕਾਰੋਬਾਰ ਦਾ ਨੁਸਖਾ ਮੁਦਰਾ ਬੈਂਕ ਦੀ ਵੈੱਬਸਾਈਟ ਤੋਂ ਪ੍ਰੋਜੈਕਟ ਪ੍ਰੋਫਾਇਲ ਵਿੱਚ ਦੱਸਿਆ ਗਿਆ ਹੈ। ਵੁਡਨ ਫਰਨੀਚਰ ਦਾ ਬਿਜ਼ਨੈੱਸ ਇਸ ਕਾਰੋਬਾਰ ਨੂੰ ਸ਼ੁਰੂ ਕਰਨ ਲਈ ਕਰੀਬ 1.85 ਲੱਖ ਰੁਪਏ ਦੀ ਲੋੜ ਹੈ। ਮੁਦਰਾ ਸਕੀਮ ਤਹਿਤ ਇਸ ਕਾਰੋਬਾਰ ਲਈ 7.48 ਲੱਖ ਰੁਪਏ ਕੰਪੋਜ਼ਿਟ ਲੋਨ ਮਿਲ ਸਕਦਾ ਹੈ। ਇਸ ਤੋਂ ਇਲਾਵਾ ਫਿਕਸਡ ਕੈਪੀਟਲ ਦੇ ਤੌਰ 'ਤੇ 3.65 ਲੱਖ ਰੁਪਏ ਤੇ ਤਿੰਨ ਮਹੀਨੇ ਦੇ ਵਰਕਿੰਗ ਕੈਪੀਟਲ ਲਈ 5.70 ਲੱਖ ਰੁਪਏ ਦੀ ਲੋੜ ਪਵੇਗੀ। ਕੰਪਿਊਟਰ ਅਸੈਂਬਲਿੰਗ ਬਿਜ਼ਨਸ ਇਸ ਕਾਰੋਬਾਰ ਲਈ 2.70 ਲੱਖ ਰੁਪਏ ਸ਼ੁਰੂਆਤੀ ਨਿਵੇਸ਼ ਦੀ ਲੋੜ ਪਵੇਗੀ। ਮੁਦਰਾ ਸਕੀਮ ਤਹਿਤ 6.29 ਲੱਖ ਰੁਪਏ ਦਾ ਲੋਨ ਮਿਲ ਸਕਦਾ ਹੈ।