ਟ੍ਰੈਫਿਕ ਪੁਲਿਸ ਨਾਲ ਗੁੰਡਾਗਰਦੀ ਪਈ ਮਹਿੰਗੀ

  ਗੁਰੂਗ੍ਰਾਮ: ਗੁਰੂਗ੍ਰਾਮ ‘ਚ ਕਾਰ ਦੇ ਬੋਨਟ ‘ਤੇ ਹੌਲਦਾਰ ਨੂੰ ਬੈਠਾ ਕੇ ਲੈ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਮੁਤਾਬਕ ਸ਼ਰਾਬ ਤੇ ਪੈਸੇ ਦੇ ਨਸ਼ੇ ‘ਚ ਚੂਰ ਵਿਅਕਤੀ ਟ੍ਰੈਫਿਕ ਨਿਯਮਾਂ ਨੂੰ ਤੋੜਦੇ ਹੋਏ ਪੁਲਿਸ ਵਾਲੇ ਨੂੰ ਕਰੀਬ 100 ਮੀਟਰ ਤਕ ਘਸੀਟਦੇ ਹੋਏ ਲੈ ਗਿਆ। ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ ‘ਚ ਸਾਫ ਨਜ਼ਰ ਆ ਰਿਹਾ ਹੈ ਕਿ ਐਸਯੂਵੀ ਕਾਰ ਡਰਾਈਵਰ ਟ੍ਰੈਫਿਕ ਹੌਲਦਾਰ ਨੂੰ ਆਪਣੀ ਕਾਰ ਦੇ ਬੋਨਟ ‘ਤੇ 100 ਮੀਟਰ ਤਕ ਲੈ ਗਿਆ।

#WATCH: Man stopped by traffic police for driving on the wrong side near Signature Tower Chowk in Gurugram, dragged traffic personnel on the bonnet of his car when the personnel tried to stop him. He was later arrested & the car was also seized. #Haryana (19.12.18) pic.twitter.com/BbyN79ysIW

— ANI (@ANI) December 20, 2018

ਦੱਸਿਆ ਜਾ ਰਿਹਾ ਹੈ ਕਿ ਟ੍ਰੈਫਿਕ ਹੌਲਦਾਰ ਨੇ ਉਸ ਤੋਂ ਗੱਡੀ ਦੇ ਦਸਤਾਵੇਜ਼ ਮੰਗੇ ਸੀ ਤੇ ਕਾਰ ਵਾਲਾ ਨਸ਼ੇ ਦੀ ਹਾਲਤ ‘ਚ ਗਲਤ ਸਾਈਡ ਕਾਰ ਚਲਾ ਰਿਹਾ ਸੀ। ਖ਼ਬਰ ਹੈ ਕਿ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਇਸ ਤੋਂ ਪਹਿਲਾਂ ਵੀ ਦਿੱਲੀ ਨਾਲ ਲੱਗਦੇ ਉੱਤਰ ਪ੍ਰਦੇਸ਼ ਦੇ ਗਾਜ਼ਿਆਬਾਦ ਜ਼ਿਲ੍ਹੇ ‘ਚ ਕਾਰ ਚਾਲਕ ਵੱਲੋਂ ਵਿਅਕਤੀ ਨੂੰ ਬੋਨਟ ‘ਤੇ 10 ਕਿਲੋਮੀਟਰ ਤਕ ਲੈ ਜਾਣ ਦਾ ਮਾਮਲਾ ਸਾਹਮਣੇ ਆ ਚੁੱਕਿਆ ਹੈ।