![ABP Premium](https://cdn.abplive.com/imagebank/Premium-ad-Icon.png)
Kedarnath Avalanche: ਕੇਦਾਰਨਾਥ ਧਾਮ ਨੇੜੇ ਡਿੱਗਿਆ ਬਰਫ਼ ਦਾ ਪਹਾੜ, ਵੀਡੀਓ ਵੇਖ ਅਟਕ ਜਾਣਗੇ ਸਾਹ
ਉੱਤਰਾਖੰਡ ਦੇ ਕੇਦਾਰਨਾਥ ਨੇੜੇ ਗਲੇਸ਼ੀਅਰ ਦੇ ਖਿਸਕਣ ਦੀ ਘਟਨਾ ਸਾਹਮਣੇ ਆਈ ਹੈ। ਸ਼ੁਰੂਆਤ 'ਚ ਦੱਸਿਆ ਗਿਆ ਸੀ ਕਿ ਗਲੇਸ਼ੀਅਰ ਦੇ ਖਿਸਕਣ ਕਾਰਨ ਕੇਦਾਰਨਾਥ ਮੰਦਰ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ।
![Kedarnath Avalanche: ਕੇਦਾਰਨਾਥ ਧਾਮ ਨੇੜੇ ਡਿੱਗਿਆ ਬਰਫ਼ ਦਾ ਪਹਾੜ, ਵੀਡੀਓ ਵੇਖ ਅਟਕ ਜਾਣਗੇ ਸਾਹ Uttarakhand: Avalanche occurs near Kedarnath Temple, no damage reported Kedarnath Avalanche: ਕੇਦਾਰਨਾਥ ਧਾਮ ਨੇੜੇ ਡਿੱਗਿਆ ਬਰਫ਼ ਦਾ ਪਹਾੜ, ਵੀਡੀਓ ਵੇਖ ਅਟਕ ਜਾਣਗੇ ਸਾਹ](https://feeds.abplive.com/onecms/images/uploaded-images/2022/10/01/f56917c92be4d7daeda120a35cd5fe73166460823322158_original.jpg?impolicy=abp_cdn&imwidth=1200&height=675)
Kedarnath Dham Avalanche Video: ਕੇਦਾਰਨਾਥ ਧਾਮ ਨੇੜੇ ਬਰਫ਼ਬਾਰੀ ਦਾ ਇੱਕ ਵੀਡੀਓ (Uttarakhand Avalanche Video) ਸਾਹਮਣੇ ਆਇਆ ਹੈ, ਜਿਸ ਵਿੱਚ ਇਸ ਦਾ ਡਰਾਉਣਾ ਨਜ਼ਾਰਾ ਦੇਖਿਆ ਜਾ ਸਕਦਾ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕੇਦਾਰਨਾਥ ਧਾਮ ਦੇ ਕਾਫੀ ਪਿੱਛੇ ਸਥਿਤ ਪਹਾੜੀਆਂ 'ਤੇ ਬਰਫ ਦੇ ਪਹਾੜ ਡਿੱਗ ਰਹੇ ਹਨ। ਰਾਹਤ ਦੀ ਗੱਲ ਇਹ ਰਹੀ ਕਿ ਇਸ ਬਰਫ਼ਬਾਰੀ ਵਿੱਚ ਕੇਦਾਰਨਾਥ ਮੰਦਰ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ। ਇਹ ਜਾਣਕਾਰੀ ਸ਼੍ਰੀ ਬਦਰੀਨਾਥ-ਕੇਦਾਰਨਾਥ ਮੰਦਰ ਕਮੇਟੀ ਦੇ ਪ੍ਰਧਾਨ ਅਜੇਂਦਰ ਅਜੈ ਨੇ ਦਿੱਤੀ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ 23 ਸਤੰਬਰ ਨੂੰ ਮੰਦਰ ਦੇ ਪਿੱਛੇ ਕਰੀਬ 5 ਕਿਲੋਮੀਟਰ ਦੂਰ ਚੌਰਾਬਾੜੀ ਗਲੇਸ਼ੀਅਰ 'ਚ ਬਰਫ ਦਾ ਤੂਫਾਨ ਆਇਆ ਸੀ। ਇਸ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਸੀ। ਰੁਦਰਪ੍ਰਯਾਗ ਦੇ ਆਫ਼ਤ ਪ੍ਰਬੰਧਨ ਅਧਿਕਾਰੀ ਐਨਐਸ ਰਾਜਵਰ ਨੇ ਦੱਸਿਆ ਕਿ ਇਹ ਬਹੁਤ ਛੋਟਾ ਬਰਫ਼ਬਾਰੀ ਸੀ। ਇਸ ਨਾਲ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਸੂਚਨਾ ਨਹੀਂ ਹੈ।
#WATCH | Uttarakhand: An avalanche occurred this morning in the Himalayan region but no damage was sustained to the Kedarnath temple: Shri Badrinath-Kedarnath Temple Committee President, Ajendra Ajay pic.twitter.com/fyi2WofTqZ
— ANI UP/Uttarakhand (@ANINewsUP) October 1, 2022
ਦੱਸ ਦੇਈਏ ਕਿ ਕੇਦਾਰ ਘਾਟੀ 'ਚ ਬਾਰਿਸ਼ ਦਾ ਸਿਲਸਿਲਾ ਜਾਰੀ ਹੈ। 21 ਸਤੰਬਰ ਨੂੰ ਕੇਦਾਰਨਾਥ ਹਾਈਵੇਅ 'ਤੇ ਜ਼ਮੀਨ ਖਿਸਕ ਗਈ ਸੀ। ਹਾਲਾਂਕਿ ਖੁਸ਼ਕਿਸਮਤੀ ਰਹੀ ਕਿ ਉੱਥੋਂ ਲੰਘ ਰਹੇ ਵਾਹਨ ਪਹਾੜੀ ਦੇ ਮਲਬੇ ਹੇਠ ਨਹੀਂ ਆਏ। ਮੀਂਹ ਕਾਰਨ ਚਾਰਧਾਮ ਯਾਤਰਾ ਵੀ ਪ੍ਰਭਾਵਿਤ ਹੋ ਰਹੀ ਹੈ।
ਕੇਦਾਰਨਾਥ ਹਾਈਵੇਅ 'ਤੇ ਫਾਟਾ ਨੇੜੇ ਪਹਾੜੀ ਤੋਂ ਬੁੱਧਵਾਰ ਸ਼ਾਮ ਨੂੰ ਜ਼ਬਰਦਸਤ ਜ਼ਮੀਨ ਖਿਸਕ ਗਈ। ਪਹਾੜੀ ਤੋਂ ਹਾਈਵੇਅ 'ਤੇ ਕਈ ਟਨ ਮਲਬਾ ਅਤੇ ਪੱਥਰ ਡਿੱਗ ਗਏ। ਪਹਾੜੀ ਤੋਂ ਡਿੱਗਦਾ ਮਲਬਾ ਦੇਖ ਕੇ ਵਾਹਨ ਚਾਲਕ ਰੁਕ ਗਏ। ਇੱਕ ਯਾਤਰੀ ਬੱਸ ਦਾ ਕੁਝ ਨੁਕਸਾਨ ਹੋਇਆ। ਮੀਂਹ ਤੋਂ ਬਾਅਦ ਜ਼ਮੀਨ ਖਿਸਕਣ ਕਾਰਨ ਬਦਰੀਨਾਥ ਅਤੇ ਕੇਦਾਰਨਾਥ ਹਾਈਵੇਅ 'ਤੇ ਆਵਾਜਾਈ ਪ੍ਰਭਾਵਿਤ ਹੋਈ। ਮੁਸਾਫਰਾਂ ਨੂੰ ਘੰਟਿਆਂ ਬੱਧੀ ਜਾਮ ਵਿੱਚ ਫਸਣਾ ਪਿਆ। ਪਿਛਲੇ ਦਿਨਾਂ ਤੋਂ ਲਗਾਤਾਰ ਪੈ ਰਹੀ ਬਰਸਾਤ ਕਾਰਨ ਜਨਜੀਵਨ ਪ੍ਰਭਾਵਿਤ ਹੋ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)