ਜਿੰਮ 'ਚ ਕਸਰਤ ਕਰਨ ਵੇਲੇ ਕਾਂਸਟੇਬਲ ਦੀ ਮੌਤ, ਪਰਿਵਾਰ ਦਾ ਰੋ-ਰੋ ਬੂਰਾ ਹਾਲ; ਮੱਚਿਆ ਚੀਕ ਚੀਹਾੜਾ
Uttrakhand News: ਉਤਰਾਖੰਡ ਪੁਲਿਸ ਦੇ ਸਪੈਸ਼ਲ ਆਪ੍ਰੇਸ਼ਨ ਗਰੁੱਪ (SOG) ਦੇ ਇੱਕ ਕਾਂਸਟੇਬਲ ਦੀ ਜਿੰਮ ਵਿੱਚ ਕਸਰਤ ਕਰਨ ਵੇਲੇ ਮੌਤ ਹੋ ਗਈ।
Uttrakhand News: ਉਤਰਾਖੰਡ ਪੁਲਿਸ ਦੇ ਸਪੈਸ਼ਲ ਆਪ੍ਰੇਸ਼ਨ ਗਰੁੱਪ (SOG) ਦੇ ਇੱਕ ਕਾਂਸਟੇਬਲ ਦੀ ਜਿੰਮ ਵਿੱਚ ਕਸਰਤ ਕਰਨ ਵੇਲੇ ਮੌਤ ਹੋ ਗਈ। ਦੱਸ ਦਈਏ ਕਿ ਕਸਰਤ ਕਰਨ ਵੇਲੇ ਉਹ ਅਚਾਨਕ ਡਿੱਗ ਪਏ। ਫਿਰ ਉਨ੍ਹਾਂ ਦੇ ਦੋਸਤਾਂ ਨੇ ਉਸਨੂੰ ਨੇੜਲੇ ਹਸਪਤਾਲ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਇਹ ਘਟਨਾ ਚੰਪਾਵਤ ਦੇ ਬਨਬਸਾ ਵਿੱਚ ਵਾਪਰੀ। ਮ੍ਰਿਤਕ ਦੀ ਪਛਾਣ 38 ਸਾਲਾ ਗਿਰੀਸ਼ ਭੱਟ ਵਜੋਂ ਹੋਈ ਹੈ, ਜੋ ਕਿ 2006 ਵਿੱਚ ਉਤਰਾਖੰਡ ਪੁਲਿਸ ਵਿੱਚ ਸ਼ਾਮਲ ਹੋਏ ਸੀ। ਗਿਰੀਸ਼ ਦੇ ਦੋਸਤਾਂ ਅਨੁਸਾਰ, ਉਹ ਪਿਛਲੇ ਤਿੰਨ ਸਾਲਾਂ ਤੋਂ ਜਿੰਮ ਵਿੱਚ ਨਿਯਮਤ ਤੌਰ 'ਤੇ ਜਾਂਦੇ ਸੀ। ਸ਼ੁੱਕਰਵਾਰ ਸ਼ਾਮ ਨੂੰ, ਉਹ ਆਮ ਦਿਨਾਂ ਵਾਂਗ ਕਸਰਤ ਕਰ ਰਹੇ ਸੀ।
ਉਨ੍ਹਾਂ ਦੀ ਸਿਹਤ ਅਚਾਨਕ ਵਿਗੜ ਗਈ ਅਤੇ ਉਹ ਡਿੱਗ ਪਏ। ਅਸੀਂ ਉਸਨੂੰ ਊਧਮ ਸਿੰਘ ਨਗਰ ਦੇ ਖਟੀਮਾ ਦੇ ਇੱਕ ਨਿੱਜੀ ਹਸਪਤਾਲ ਲੈ ਗਏ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।
ਕੌਣ ਸੀ ਗਿਰੀਸ਼ ਭੱਟ?
38 ਸਾਲਾ ਗਿਰੀਸ਼ ਭੱਟ ਮੂਲ ਰੂਪ ਵਿੱਚ ਪਿਥੌਰਾਗੜ੍ਹ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ। ਉਹ ਫਿਲਹਾਲ ਬਨਬਾਸਾ ਦੇ ਭਜਨਪੁਰ ਖੇਤਰ ਵਿੱਚ ਰਹਿੰਦੇ ਸੀ ਅਤੇ ਟਨਕਪੁਰ ਵਿੱਚ ਉੱਤਰਾਖੰਡ ਪੁਲਿਸ ਨਿਗਰਾਨੀ ਦਫ਼ਤਰ ਵਿੱਚ ਸਪੈਸ਼ਲ ਆਪ੍ਰੇਸ਼ਨ ਗਰੁੱਪ (SOG) ਵਿੱਚ ਤਾਇਨਾਤ ਹੋਏ ਸੀ। ਸਾਥੀਆਂ ਦੇ ਅਨੁਸਾਰ, ਗਿਰੀਸ਼ ਭੱਟ ਆਪਣੀ ਤੰਦਰੁਸਤੀ ਪ੍ਰਤੀ ਬਹੁਤ ਗੰਭੀਰ ਸੀ ਅਤੇ ਪਿਛਲੇ ਤਿੰਨ ਸਾਲਾਂ ਤੋਂ ਨਿਯਮਿਤ ਤੌਰ 'ਤੇ ਜਿੰਮ ਜਾ ਰਹੇ ਸੀ।
ਗਿਰੀਸ਼ ਭੱਟ ਦੀ ਅਚਾਨਕ ਮੌਤ ਨਾਲ ਉਨ੍ਹਾਂ ਦੇ ਪਰਿਵਾਰ ਵਿੱਚ ਸੋਗ ਦੀ ਲਹਿਰ ਫੈਲ ਗਈ ਹੈ। ਉਨ੍ਹਾਂ ਦੇ ਪਰਿਵਾਰ ਵਿੱਚ ਉਨ੍ਹਾਂ ਦੀ ਪਤਨੀ ਅਤੇ ਦੋ ਪੁੱਤਰ ਹਨ ਜੋ ਇਸ ਸਮੇਂ ਪੜ੍ਹਾਈ ਕਰ ਰਹੇ ਹਨ। ਨੌਜਵਾਨ ਦੀ ਬੇਵਕਤੀ ਮੌਤ 'ਤੇ ਪਰਿਵਾਰ ਦਾ ਰੋ-ਰੋ ਕੇ ਬੂਰਾ ਹਾਲ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
