Vande Bharat Express: ਬੱਚਿਆਂ ਦੀ ਵਜ੍ਹਾ ਕਰਕੇ ਟੁੱਟੀ ਵੰਦੇ ਭਾਰਤ ਦੀ ਸਨੈਕ ਟ੍ਰੇ! ਰੇਲਵੇ ਨੇ ਸਾਂਝੀ ਕੀਤੀ ਤਸਵੀਰ ਤਾਂ ਲੋਕਾਂ ਨੇ ਕੀ ਕਿਹਾ?
Vande Bharat Express: ਰੇਲਵੇ ਅਧਿਕਾਰੀ ਅਨੰਤ ਰੂਪਾਨਾਗੁੜੀ ਨੇ ਰੇਲਗੱਡੀ ਦੇ ਸਨੈਕ ਟ੍ਰੇ ਵਿੱਚ ਬੈਠੇ ਦੋ ਬੱਚਿਆਂ ਦੀ ਇੱਕ ਫੋਟੋ ਸਾਂਝੀ ਕੀਤੀ ਅਤੇ ਦਾਅਵਾ ਕੀਤਾ ਕਿ ਇਸ ਦੇ ਟੁੱਟਣ ਦਾ ਕਾਰਨ ਯਾਤਰੀ ਸਨ।
Vande Bharat Express Train: ਭਾਰਤੀ ਰੇਲਵੇ ਨਾਲ ਜੁੜੀ ਇਕ ਅਜੀਬ ਘਟਨਾ ਬੁੱਧਵਾਰ (22 ਨਵੰਬਰ) ਨੂੰ ਸਾਹਮਣੇ ਆਈ ਹੈ। ਹਰ ਰੋਜ਼ ਲੋਕ ਰੇਲਵੇ ਨੂੰ ਟਰੇਨ 'ਚ ਸਾਫ-ਸਫਾਈ ਨਾ ਹੋਣ ਅਤੇ ਹੋਰ ਚੀਜ਼ਾਂ ਦੇ ਨਾਲ-ਨਾਲ ਖਰਾਬ ਖਾਣੇ ਦੀ ਸ਼ਿਕਾਇਤ ਕਰਦੇ ਹਨ ਪਰ ਇਸ ਵਾਰ ਰੇਲਵੇ ਦੇ ਇਕ ਅਧਿਕਾਰੀ ਨੇ ਯਾਤਰੀਆਂ ਦੇ ਵਿਵਹਾਰ ਨੂੰ ਲੈ ਕੇ ਸ਼ਿਕਾਇਤ ਕੀਤੀ ਹੈ।
ਅਨੰਤ ਰੂਪਾਨਾਗੁੜੀ ਨਾਂ ਦੇ ਰੇਲਵੇ ਅਧਿਕਾਰੀ ਨੇ ਦੋ ਬੱਚਿਆਂ ਦੀ ਫੋਟੋ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ। ਇਸ ਬਾਰੇ ਉਨ੍ਹਾਂ ਦਾਅਵਾ ਕੀਤਾ ਕਿ ਵੰਦੇ ਭਾਰਤ ਅਤੇ ਹੋਰ ਰੇਲ ਗੱਡੀਆਂ ਵਿੱਚ ਸਨੈਕ ਟਰੇਆਂ ਦੇ ਟੁੱਟਣ ਜਾਂ ਖਰਾਬ ਹੋਣ ਦਾ ਇਹ ਇੱਕ ਮੁੱਖ ਕਾਰਨ ਹੈ। ਸ਼ਿਕਾਇਤ ਕਰਨ ਵਾਲੇ ਕਹਿਣਗੇ ਕਿ ਮੈਂ ਸਿਰਫ਼ ਸਵਾਰੀਆਂ ਨੂੰ ਦੋਸ਼ੀ ਠਹਿਰਾਉਂਦਾ ਹਾਂ।
ਇਹ ਵੀ ਪੜ੍ਹੋ: DGCA: ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਨੇ DGCA ਡਾਇਰੈਕਟਰ ਨੂੰ ਕੀਤਾ ਮੁਅੱਤਲ
One of the main reasons for breaking of snack trays or defective snack trays in #VandeBharat and other trains! Even with photographic evidence, whiners would say that I pass on the blame only to passengers! #IndianRailways #Responsibility #passengers pic.twitter.com/ykv0VNED9a
— Ananth Rupanagudi (@Ananth_IRAS) November 22, 2023
ਇਸ ਫੋਟੋ 'ਚ ਬੱਚੇ ਟ੍ਰੇ 'ਤੇ ਬੈਠੇ ਨਜ਼ਰ ਆ ਰਹੇ ਹਨ। ਹਾਲਾਂਕਿ ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਫੋਟੋ ਸਹੀ ਹੈ ਜਾਂ ਨਹੀਂ। ਖਬਰ ਲਿਖੇ ਜਾਣ ਤੱਕ ਰੂਪਾਨਾਗੁੜੀ ਦੀ ਪੋਸਟ ਨੂੰ 1 ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਇਸ ਦੇ ਨਾਲ ਹੀ ਇਸ ਨੂੰ 1 ਹਜ਼ਾਰ ਤੋਂ ਵੱਧ ਪਸੰਦ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ 350 ਤੋਂ ਵੱਧ ਲੋਕਾਂ ਨੇ ਸ਼ੇਅਰ ਕੀਤਾ ਹੈ।
ਰੂਪਾਨਾਗੁੜੀ ਦੀ ਪੋਸਟ 'ਤੇ ਇਕ ਯੂਜ਼ਰ ਨੇ ਲਿਖਿਆ ਕਿ ਬੱਚਿਆਂ ਦੇ ਮਾਤਾ-ਪਿਤਾ ਤੋਂ ਜ਼ੁਰਮਾਨਾ ਲਿਆ ਜਾਣਾ ਚਾਹੀਦਾ ਹੈ। ਸੇਮ ਨਾਮ ਦੇ ਇੱਕ ਯੂਜ਼ਰ ਨੇ ਲਿਖਿਆ ਕਿ ਰੋਣਾ ਬੰਦ ਕਰੋ ਅਤੇ ਸਮੱਸਿਆ ਦੇ ਖਿਲਾਫ ਕੁਝ ਕਰੋ। ਪੋਸਟ ਦੇ ਜਵਾਬ ਵਿੱਚ ਇੱਕ ਵਿਅਕਤੀ ਨੇ ਕਿਹਾ ਕਿ ਇਸ ਦੇਸ਼ ਵਿੱਚ ਕਿਸ ਤਰ੍ਹਾਂ ਦੇ ਲੋਕ ਰਹਿੰਦੇ ਹਨ।
ਖ਼ਬਰ ਲਿਖੇ ਜਾਣ ਤੱਕ ਪੂਰੇ ਮਾਮਲੇ ਸਬੰਧੀ ਰੇਲਵੇ ਵੱਲੋਂ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।
ਇਹ ਵੀ ਪੜ੍ਹੋ: Rajouri Encounter: ਰਾਜੌਰੀ ਮੁਕਾਬਲੇ 'ਚ ਫੌਜ ਦੇ 2 ਅਧਿਕਾਰੀ ਅਤੇ 2 ਜਵਾਨ ਸ਼ਹੀਦ, ਮੁਕਾਬਲਾ ਅਜੇ ਵੀ ਜਾਰੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
