ਪਹਿਲੇ ਬੱਚੇ ਨੂੰ ਜਨਮ ਦੇਣ ਗਈ ਮਹਿਲਾ ਨੇ ਇਕੱਠੇ ਹੀ ਪੈਦਾ ਕੀਤੇ ਚਾਰ ਬੱਚੇ

ਹਸਪਤਾਲ ਦੀ ਡਾਕਟਰ ਆਸ਼ਾ ਮਿਸ਼ਰਾ ਨੇ ਕਿਹਾ ਕਿ ਕੁਦਰਤੀ ਤਰੀਕੇ ਨਾਲ ਇੱਕੋ ਵੇਲੇ ਚਾਰ ਬੱਚਿਆਂ ਨੂੰ ਜਨਮ ਦੇਣਾ ਕਾਫੀ ਦੁਰਲਭ ਹੈ। ਉਨ੍ਹਾਂ ਕਿਹਾ ਕਿ ਅਕਸਰ ਆਈਵੀਐਫ ਤਕਨੀਕ ਨਾਲ ਗਰਭ ਧਾਰਨ ਕਰਨ ਵਾਲੀ ਮਹਿਲਾ ਦੋ ਜਾਂ ਤਿੰਨ ਬੱਚਿਆਂ ਨੂੰ ਜਨਮ ਦਿੰਦੀ ਹੈ, ਪਰ ਰਿਹਾਨਾ ਦਾ ਕੇਸ ਕਾਫੀ ਦੁਰਲਭ ਹੈ।

ਲਖਨਊ: 27 ਸਾਲਾ ਰਿਹਾਨਾ ਨੂੰ ਆਪਣੇ ਪਹਿਲੇ ਬੱਚੇ ਦੀ ਉਮੀਦ ਸੀ, ਪਰ ਜਦ ਇੱਕੋ ਵੇਲੇ ਉਸ ਦੇ ਚਾਰ ਬੱਚੇ ਪੈਦਾ ਹੋ ਗਏ ਤਾਂ ਉਹ ਹੈਰਾਨ ਹੀ ਰਹਿ ਗਈ। ਲਖਨਊ ਦੇ ਹਸਪਤਾਲ ਵਿੱਚ ਰਿਹਾਨਾ ਨੇ ਆਪਣੇ ਚਾਰ ਬੱਚਿਆਂ ਨੂੰ ਸਫ਼ਲਤਾ ਪੂਰਬਕ ਜਨਮ ਦਿੱਤਾ ਹੈ। ਇਨ੍ਹਾਂ ਵਿੱਚ ਦੋ ਮੁੰਡੇ ਤੇ ਦੋ ਕੁੜੀਆਂ ਹਨ। ਉੱਤਰ ਪ੍ਰਦੇਸ਼ ਦੇ ਗੋਂਡਾ ਜ਼ਿਲ੍ਹੇ ਨਾਲ ਸਬੰਧਤ ਰਿਹਾਨਾ ਨੂੰ ਤਾਂ ਸਿਰਫ ਇੱਕੋ ਬੱਚੇ ਦੀ ਹੀ ਆਸ ਸੀ। ਬੀਤੇ ਬੁੱਧਵਾਰ ਨੂੰ ਜਣੇਪਾ ਪੀੜਾਂ ਸ਼ੁਰੂ ਹੋਣ ਤੋਂ ਬਾਅਦ ਪਰਿਵਾਰ ਵਾਲੇ ਉਸ ਨੂੰ ਨੇੜਲੇ ਹਸਪਤਾਲ ਲੈ ਗਏ, ਪਰ ਡਾਕਟਰਾਂ ਨੇ ਉਸ ਦੀ ਸਿਹਤ ਨਾਜ਼ੁਕ ਦੇਖਦਿਆਂ ਲਖਨਊ ਰੈਫਰ ਕਰ ਦਿੱਤਾ। ਇੱਥੋਂ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਰਿਹਾਨਾ ਦੀ ਡਿਲੀਵਰੀ ਆਪ੍ਰੇਸ਼ਨ ਰਾਹੀਂ ਕਰਵਾਈ ਗਈ। ਸਾਰੇ ਬੱਚਿਆਂ ਦਾ ਵਜ਼ਨ ਤਕਰੀਬਨ ਡੇਢ ਕਿੱਲੋ ਹੈ ਪਰ ਕੁਝ ਦਿਨ ਤਕ ਇਹ ਡਾਕਟਰਾਂ ਦੀ ਨਿਗਰਾਨੀ ਵਿੱਚ ਰਹਿਣਗੇ। ਹਸਪਤਾਲ ਦੀ ਡਾਕਟਰ ਆਸ਼ਾ ਮਿਸ਼ਰਾ ਨੇ ਕਿਹਾ ਕਿ ਕੁਦਰਤੀ ਤਰੀਕੇ ਨਾਲ ਇੱਕੋ ਵੇਲੇ ਚਾਰ ਬੱਚਿਆਂ ਨੂੰ ਜਨਮ ਦੇਣਾ ਕਾਫੀ ਦੁਰਲਭ ਹੈ। ਉਨ੍ਹਾਂ ਕਿਹਾ ਕਿ ਅਕਸਰ ਆਈਵੀਐਫ ਤਕਨੀਕ ਨਾਲ ਗਰਭ ਧਾਰਨ ਕਰਨ ਵਾਲੀ ਮਹਿਲਾ ਦੋ ਜਾਂ ਤਿੰਨ ਬੱਚਿਆਂ ਨੂੰ ਜਨਮ ਦਿੰਦੀ ਹੈ, ਪਰ ਰਿਹਾਨਾ ਦਾ ਕੇਸ ਕਾਫੀ ਦੁਰਲਭ ਹੈ।