ਮੋਦੀ ਨੂੰ ਮਿਲਣ ਲਈ ਮਹਿਲਾ ਨੇ ਮਾਰੀ 13000 ਫੁੱਟ ਉੱਚਾਈ ਤੋਂ ਜਹਾਜ਼ 'ਚੋਂ ਛਾਲ
ਮੁੰਬਈ: ਸੋਮਵਾਰ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦਾ ਜਨਮ ਦਿਨ ਸੀ। ਇਸ ਮੌਕੇ ਦੇਸ਼-ਵਿਦੇਸ਼ ਤੋਂ ਲੱਖਾਂ ਲੋਕਾਂ ਨੇ ਪ੍ਰਧਾਨ ਮੰਤਰੀ ਨੂੰ ਵਧਾਈ ਦਿੱਤੀ। ਇਸ ਦਰਮਿਆਨ ਉਨ੍ਹਾਂ ਨੂੰ ਵਧਾਈ ਦੇਣ ਵਾਲੀ ਇਕ ਮਹਿਲਾ ਨੇ ਅਜਿਹਾ ਕਾਰਨਾਮਾ ਕਰ ਦਿਖਾਇਆ ਜਿਸ ਕਾਰਨ ਉਹ ਸੁਰਖੀਆਂ 'ਚ ਹੈ।
ਦਰਅਸਲ ਭਾਰਤੀ ਪੈਰਾਜੰਪਰ ਸ਼ੀਤਲ ਮਹਾਜਨ ਨੇ ਸੋਮਵਾਰ ਨੂੰ ਅਮਰੀਕਾ ਦੇ ਸ਼ਿਕਾਗੋ 'ਚ 13 ਹਜ਼ਾਰ ਫੁੱਟ ਦੀ ਉੱਚਾਈ ਤੋਂ ਇਕ ਜਹਾਜ਼ 'ਚੋਂ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਲਈ ਜਨਮ ਦਿਨ ਦਾ ਸੰਦੇਸ਼ ਹੱਥ 'ਚ ਲੈਕੇ ਛਾਲ ਮਾਰ ਦਿੱਤੀ।
ਮਹਾਜਨ ਨੇ ਸਫਲ ਕਾਰਨਾਮੇ ਤੋਂ ਬਾਅਦ ਆਪਣੇ ਵਿਲੱਖਣ ਜਨਮ ਦਿਨ ਸੰਦੇਸ਼ ਦੀ ਵੀਡੀਓ ਫੇਸਬੁਕ 'ਤੇ ਅਪਲੋਡ ਕੀਤੀ। ਪਦਮ ਸ਼੍ਰੀ ਪੁਰਸਕਾਰ ਵਿਜੇਤਾ ਮਹਾਜਨ ਨੇ ਕਿਹਾ ਕਿ ਉਹ ਪਿਛਲੇ ਚਾਰ ਸਾਲ ਤੋਂ ਮੋਦੀ ਨੂੰ ਮਿਲਣ ਦਾ ਯਤਨ ਕਰ ਰਹੀ ਹੈ ਪਰ ਮਿਲ ਨਹੀਂ ਸਕੀ।
ਉਨ੍ਹਾਂ ਇੰਟਰਨੈਟ 'ਤੇ ਸੰਦੇਸ਼ 'ਚ ਲਿਖਿਆ ਮੈਂ ਪਿਛਲੇ ਚਾਰ ਸਾਲ ਤੋਂ ਪ੍ਰਧਾਨ ਮੰਤਰੀ ਨਾਲ ਮੁਲਾਕਾਤ ਦੇ ਯਤਨ ਕਰ ਰਹੀ ਹਾਂ ਪਰ ਉਨ੍ਹਾਂ ਦੇ ਦਫਤਰ ਤੋਂ ਕੋਈ ਜਵਾਬ ਨਹੀਂ ਆਇਆ। ਮੈਨੂੰ ਇਸ ਕਾਰਨਾਮੇ ਤੋਂ ਬਾਅਦ ਕੋਈ ਜਵਾਬ ਮਿਲਣ ਦੀ ਉਮੀਦ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
