ਪਹਾੜਾਂ 'ਤੇ ਰਹਿੰਦਾ ਬਰਫੀਲਾ ਦਾਨਵ! ਭਾਰਤੀ ਫੌਜ ਨੇ ਸ਼ੇਅਰ ਕੀਤੀਆਂ ਤਸਵੀਰਾਂ

ਬਰਫੀਲੇ ਦਾਨਵ ਦੀਆਂ ਗੱਲਾਂ ਤਾਂ ਅਸੀਂ ਸਿਰਫ ਫ਼ਿਲਮਾਂ ਤੇ ਕਹਾਣੀਆਂ ਵਿੱਚ ਹੀ ਸੁਣੀਆਂ ਹਨ। ਹੁਣ ਤਕ ਤਾਂ ਇਹ ਮਹਿਜ਼ ਇੱਕ ਰਾਜ਼ ਹੀ ਹੈ ਕਿ ਆਖਰ ਬਰਫੀਲੇ ਦਾਨਵ ਹੁੰਦੇ ਹਨ ਜਾਂ ਨਹੀਂ। ਜੇਕਰ ਹੁੰਦੇ ਹਨ ਤਾਂ ਉਹ ਕਿੱਥੇ ਰਹਿੰਦੇ ਹਨ।

ਨਵੀਂ ਦਿੱਲੀ: ਬਰਫੀਲੇ ਦਾਨਵ ਦੀਆਂ ਗੱਲਾਂ ਤਾਂ ਅਸੀਂ ਸਿਰਫ ਫ਼ਿਲਮਾਂ ਤੇ ਕਹਾਣੀਆਂ ਵਿੱਚ ਹੀ ਸੁਣੀਆਂ ਹਨ। ਹੁਣ ਤਕ ਤਾਂ ਇਹ ਮਹਿਜ਼ ਇੱਕ ਰਾਜ਼ ਹੀ ਹੈ ਕਿ ਆਖਰ ਬਰਫੀਲੇ ਦਾਨਵ ਹੁੰਦੇ ਹਨ ਜਾਂ ਨਹੀਂ। ਜੇਕਰ ਹੁੰਦੇ ਹਨ ਤਾਂ ਉਹ ਕਿੱਥੇ ਰਹਿੰਦੇ ਹਨ। ਪਹਿਲੀ ਵਾਰ ਭਾਰਤੀ ਫੌਜ ਨੇ ਬਰਫੀਲੇ ਦਾਨਵ ‘ਯੇਤੀ’ ਦੀ ਮੌਜੂਦਗੀ ਨੂੰ ਲੈ ਕੇ ਵੱਡਾ ਦਾਅਵਾ ਕੀਤਾ ਹੈ। ਸੈਨਾ ਨੇ ਜਨ ਸੂਚਨਾ ਵਿਭਾਗ ਨੂੰ ਕਈ ਤਸਵੀਰਾਂ ਦਿੱਤੀਆਂ ਹਨ ਤੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੇ ਮੋਨੀਟਰਿੰਗ ਐਕਸਪੇਡੀਸ਼ਨ ਟੀਮ ਨੇ 9 ਅਪਰੈਲ ਨੂੰ ਨੇਪਾਲ-ਚੀਨ ਸੀਮਾ ‘ਤੇ ਮੌਜੂਦ ਮਕਾਲੂ ਬੇਸ ਕੈਂਪ ਕੋਲ ‘ਯੇਤੀ’ ਦੇ ਰਹੱਸਮਈ ਪੈਰਾਂ ਦੇ ਨਿਸ਼ਾਨ ਦੇਖੇ ਹਨ।

For the first time, an #IndianArmy Moutaineering Expedition Team has sited Mysterious Footprints of mythical beast 'Yeti' measuring 32x15 inches close to Makalu Base Camp on 09 April 2019. This elusive snowman has only been sighted at Makalu-Barun National Park in the past. pic.twitter.com/AMD4MYIgV7

— ADG PI - INDIAN ARMY (@adgpi) 29 April 2019

ਭਾਰਤੀ ਸੈਨਾ ਨੇ ਇਸ ਸਬੰਧੀ ਟਵਿਟਰ ‘ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਜਿਨ੍ਹਾਂ ‘ਚ ਪੈਰਾਂ ‘ਤੇ ਵੱਡੇ ਨਿਸ਼ਾਨ ਨਜ਼ਰ ਆ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਇਹ ਬਰਫੀਲਾ ਦਾਨਵ ਯੇਤੀ ਹੋ ਸਕਦਾ ਹੈ। ਇਸ ਦੇ ਪੈਰਾਂ ਦੇ ਨਿਸ਼ਾਨਾਂ ਦੀ ਲੰਬਾਈ 32 ਇੰਚ ਤੇ ਚੌੜਾਈ 15 ਇੰਚ ਮਾਪੀ ਗਈ ਹੈ, ਜੋ ਇਲਾਕੇ ਦੇ ਕਿਸੇ ਵੀ ਜਾਨਵਰ ਨਾਲ ਮੇਲ ਨਹੀਂ ਖਾਂਦੀ। ਨੇਪਾਲ ‘ਚ ਮੌਜੂਦ ਮਕਾਲੂ-ਬਾਰੁਨ ਨੈਸ਼ਨਲ ਪਾਰਕ ਦੇ ਇਸ ਇਲਾਕੇ ‘ਚ ਪਹਿਲਾ ਵੀ ਯੇਤੀ ਦੇ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ। ਕਿਹਾ ਜਾ ਰਿਹਾ ਹੈ ਕਿ ਹੁਣ ਵਿਗਿਆਨੀ ਸੈਨਾ ਦੇ ਇਸ ਦਾਅਵੇ ਦੀ ਜਾਂਚ ਪੜਤਾਲ ਕਰਨਗੇ।