ਨਵਜੋਤ ਸਿੱਧੂ ਨੇ ਫਿਰ ਸ਼ੁਰੂ ਕੀਤੀ ਕਾਮੇਡੀ, ਹੁਣ ਟਿਕਟੌਕ 'ਤੇ 'ਠੋਕੋ ਤਾਲੀ'

ਵੀਡੀਓ ਵਿੱਚ ਨਵਜੋਤ ਸਿੱਧੂ ਨੂੰ ਇੱਕ ਵਿਅਕਤੀ ਕਹਿ ਰਿਹਾ ਹੈ ਕਿ ਪੈਰੀ ਪੈਨਾ... ਇਸ ਤੇ ਸਿੱਧੂ ਜਵਾਬ ਦੇ ਰਹੇ ਹਨ, ਮੈਂ ਤੇਰੇ ਹੱਥੀਂ ਪੈਂਦਾ। ….

ਪਵਨਪ੍ਰੀਤ ਕੌਰ ਦੀ ਰਿਪੋਰਟ ਚੰਡੀਗੜ੍ਹ: ਹਮੇਸ਼ਾ ਆਪਣੇ ਹਾਸੇ ਠੱਠੇ ਵਾਲੇ ਵਿਹਾਰ ਨਾਲ ਜਾਣੇ ਜਾਂਦੇ ਸਾਬਕਾ ਮੰਤਰੀ ਤੇ ਅੰਮ੍ਰਿਤਸਰ ਤੋਂ ਵਿਧਾਇਕ ਨਵਜੋਤ ਸਿੰਘ ਸਿੱਧੂ ਨੇ ਹੁਣ ਟਿਕਟੌਕ 'ਤੇ ਕਾਮੇਡੀ ਦੀ ਸ਼ੁਰੂਆਤ ਕੀਤੀ ਹੈ। ਸਿੱਧੂ ਨੇ ਇਸ 'ਤੇ ਟਿਕਟੌਕ ਅਕਾਉਂਟ ਬਣਾ ਕੇ ਪੋਸਟ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਉਹ ਇੱਕ ਤੋਂ ਬਾਅਦ ਇੱਕ ਵੀਡੀਓ ਅਪਲੋਡ ਕਰ ਰਹੇ ਹਨ। ਇੱਕ ਵੀਡੀਓ ਵਿੱਚ ਨਵਜੋਤ ਸਿੱਧੂ ਨੂੰ ਇੱਕ ਵਿਅਕਤੀ ਕਹਿ ਰਿਹਾ ਹੈ ਕਿ ਪੈਰੀ ਪੈਨਾ... ਇਸ ਤੇ ਸਿੱਧੂ ਜਵਾਬ ਦੇ ਰਹੇ ਹਨ, ਮੈਂ ਤੇਰੇ ਹੱਥੀਂ ਪੈਂਦਾ। …. ਆਪਣੀ ਹੀ ਸਰਕਾਰ ‘ਚ ਰਾਜਨੀਤੀ ਤੋਂ ਦੂਰੀ ਬਣਾ ਰਹੇ ਨਵਜੋਤ ਸਿੱਧੂ ਨੇ ਮੀਡੀਆ ਤੋਂ ਵੀ ਦੂਰੀ ਬਣਾ ਰੱਖੀ ਹੈ। ਇਸ ਤੋਂ ਬਾਅਦ ਸਿੱਧੂ ਨੇ ਕੁਝ ਸਮਾਂ ਪਹਿਲਾਂ ਯੂ ਟਿਊਬ ਚੈਨਲ ਦੀ ਸ਼ੁਰੂਆਤ ਕੀਤੀ ਸੀ। ਹੁਣ ਟਿਕਟੌਕ ਦਾ ਸਹਾਰਾ ਲੈ ਰਹੇ ਹਨ। ਸਿੱਧੂ ਜੋ ਕਾਂਗਰਸ ਤੇ ਸਰਕਾਰ ਤੋਂ ਦੂਰੀ ਬਣਾ ਕੇ ਰੱਖ ਰਹੇ ਹਨ, ਸੋਸ਼ਲ ਮੀਡੀਆ 'ਤੇ ਇਨੀਂ ਦਿਨੀਂ ਬਹੁਤ ਵਿਅਸਤ ਲੱਗ ਰਹੇ ਹਨ।

@navjotsinghsidhuofficialਜੱਟ ਦਾ ਹਾਸਾ, ਮਰੋੜ ਸੁੱਟਿਆ ਪਾਸਾ । ##jittegapunjab ##navjotsidhu ##tiktok_india ##tiktok ♬ original sound - navjotsinghsidhuofficial

ਨਵਜੋਤ ਸਿੰਘ ਸਿੱਧੂ ਆਪਣੇ ਸਮਰਥਕਾਂ ਤੱਕ ਪਹੁੰਚਣ ਲਈ ਸੋਸ਼ਲ ਮੀਡੀਆ ਦੀ ਵਰਤੋਂ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਇਸ ਸੰਕਟ ਵਿੱਚ ਸਿੱਧੂ ਦੀ ਕਾਮੇਡੀ ਬਾਰੇ ਰਾਜਨੀਤਕ ਹਲਕਿਆਂ 'ਚ ਚਰਚਾ ਸ਼ੁਰੂ ਹੋ ਗਈ ਹੈ ਕਿ ਸਿੱਧੂ ਇਨ੍ਹਾਂ ਹਾਲਾਤਾਂ ਵਿੱਚ ਸਮਾਜ ਨੂੰ ਕੀ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਦੱਸ ਦਈਏ ਕਿ ਗੁਲਾਮ ਕਸ਼ਮੀਰ ਵਿੱਚ ਸੀਆਰਪੀਐਫ ਦੇ ਜਵਾਨਾਂ ਦੀ ਸ਼ਹਾਦਤ ਤੇ ਜੰਮੂ ਕਸ਼ਮੀਰ ਵਿੱਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਨਵਜੋਤ ਸਿੱਧੂ ਦੇ ਬਿਆਨ ਤੋਂ ਬਾਅਦ ਉਨ੍ਹਾਂ ਨੂੰ ਟੀਵੀ ਚੈਨਲ ‘ਤੇ ਪ੍ਰਸਾਰਤ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਕਾਮੇਡੀ ਸ਼ੋਅ ਤੋਂ ਵੱਖ ਕਰ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਵਾਰ ਵਾਰ ਚਰਚਾ ਬਾਵਜੂਦ, ਉਹ ਸ਼ੋਅ ‘ਚ ਵਾਪਸ ਨਹੀਂ ਪਰਤ ਸਕੇ। ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ