ਨਵਾਂ ਸ਼ਹਿਰ ਨੇ ਜਿੱਤੀ ਕੋਰੋਨਾ ਖਿਲਾਫ ਜੰਗ, ਆਖਰੀ ਮਰੀਜ਼ ਵੀ ਠੀਕ ਹੋ ਪਰਤਿਆ ਘਰ

ਪੰਜਾਬ ਦਾ ਨਵਾਂ ਸ਼ਹਿਰ ਉਹ ਹਲਕਾ ਹੈ, ਜਿਥੋਂ ਕੋਰੋਨਾ ਨੇ ਸੂਬੇ 'ਚ ਆਪਣੇ ਪੈਰ ਪਸਾਰਨੇ ਸ਼ੁਰੂ ਕੀਤੇ ਸੀ। ਹੁਣ ਨਵਾਂਸ਼ਹਿਰ ਇੱਕ ਦਮ ਕੋਰੋਨਾ ਮੁਕਤ ਹੋ ਗਿਆ ਹੈ, ਇੱਥੇ ਸਿਰਫ ਇੱਕ ਹੀ ਕੋਰੋਨਾ ਦਾ ਮਰੀਜ਼ ਰਹਿ ਗਿਆ ਸੀ। ਹੁਣ ਉਹ ਵੀ ਠੀਕ ਹੋ ਗਿਆ ਹੈ ਤੇ ਅੱਜ ਉਸ ਨੂੰ ਵੀ ਹਸਪਤਾਲ ਤੋਂ ਡਿਸਚਾਰਜ ਕਰ ਦਿੱਤਾ ਜਾਵੇਗਾ।

ਪਵਨਪ੍ਰੀਤ ਕੌਰ ਦੀ ਰਿਪੋਰਟ ਚੰਡੀਗੜ੍ਹ: ਪੰਜਾਬ ਦਾ ਨਵਾਂ ਸ਼ਹਿਰ ਉਹ ਹਲਕਾ ਹੈ, ਜਿਥੋਂ ਕੋਰੋਨਾ ਨੇ ਸੂਬੇ 'ਚ ਆਪਣੇ ਪੈਰ ਪਸਾਰਨੇ ਸ਼ੁਰੂ ਕੀਤੇ ਸੀ। ਹੁਣ ਨਵਾਂਸ਼ਹਿਰ ਇੱਕ ਦਮ ਕੋਰੋਨਾ ਮੁਕਤ ਹੋ ਗਿਆ ਹੈ, ਇੱਥੇ ਸਿਰਫ ਇੱਕ ਹੀ ਕੋਰੋਨਾ ਦਾ ਮਰੀਜ਼ ਰਹਿ ਗਿਆ ਸੀ। ਹੁਣ ਉਹ ਵੀ ਠੀਕ ਹੋ ਗਿਆ ਹੈ ਤੇ ਅੱਜ ਉਸ ਨੂੰ ਵੀ ਹਸਪਤਾਲ ਤੋਂ ਡਿਸਚਾਰਜ ਕਰ ਦਿੱਤਾ ਜਾਵੇਗਾ। ਇੱਥੋਂ ਦੇ ਪਿੰਡ ਪਠਲਾਵਾ ਦੇ ਬਲਦੇਵ ਸਿੰਘ ਦੀ ਕੋਰੋਨਾਵਾਇਰਸ ਨਾਲ ਪਹਿਲੀ ਮੌਤ ਹੋਈ ਸੀ। ਉਸ ਦੀ ਮੌਤ ਤੋਂ ਅਗਲੇ ਦਿਨ ਪਤਾ ਲੱਗਿਆ ਕਿ ਉਸ ਨੂੰ ਕੋਰੋਨਾ ਸੀ। ਜਿਵੇਂ ਹੀ ਕੋਰੋਨਾ ਦੀ ਪੁਸ਼ਟੀ ਹੋਈ, ਪ੍ਰਸ਼ਾਸਨ ਨੇ ਜਾਂਚ ਕੀਤੀ ਤੇ 23 ਵਿਅਕਤੀ ਸਕਾਰਾਤਮਕ ਪਾਏ ਗਏ। ਇਨ੍ਹਾਂ ‘ਚੋਂ 19 ਵਿਅਕਤੀ ਨਵਾਂ ਸ਼ਹਿਰ ਜ਼ਿਲ੍ਹੇ ਦੇ ਹਨ ਤੇ ਬਾਕੀ ਹੁਸ਼ਿਆਰਪੁਰ ਤੇ ਜਲੰਧਰ ਦੇ ਸਨ। ਜਿਵੇਂ ਹੀ ਇਹ ਪਤਾ ਲੱਗਿਆ ਕਿ ਬਲਦੇਵ ਸਿੰਘ ਨੂੰ ਕੋਰੋਨਾ ਹੈ, ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਦੇਸ਼ ਦੇ 4 ਦਿਨ ਪਹਿਲਾਂ ਤੇ ਪੰਜਾਬ ਤੋਂ ਦੋ ਦਿਨ ਪਹਿਲਾਂ ਜ਼ਿਲ੍ਹੇ ਦੇ ਵਪਾਰੀਆਂ ਨਾਲ ਗੱਲਬਾਤ ਕਰਕੇ ਆਪਣੇ ਆਪ ਨੂੰ ਲੌਕਡਾਊਨ ਕਰ ਲਿਆ ਸੀ। ਲੋਕ ਘਰਾਂ 'ਚ ਰਹੇ ਤੇ ਸੋਸ਼ਲ ਡਿਸਟੈਂਸ ਦਾ ਪਾਲਣ ਕਰਦੇ ਰਹੇ। ਜ਼ਿਲ੍ਹੇ ਦੇ 415 ‘ਚੋਂ 400 ਪਿੰਡਾਂ ਨੂੰ ਖੁਦ ਲੋਕਾਂ ਨੇ ਸੀਲ ਕਰ ਦਿੱਤਾ: ਇੱਥੋਂ ਤੱਕ ਕਿ ਜ਼ਿਲ੍ਹੇ ਦੇ 415 ‘ਚੋਂ 400 ਪਿੰਡਾਂ ਨੂੰ ਖੁਦ ਲੋਕਾਂ ਨੇ ਸੀਲ ਕਰ ਦਿੱਤਾ। ਨਵਾਂ ਸ਼ਹਿਰ ਵਿਖੇ 26 ਮਾਰਚ ਤੱਕ 19 ਸਕਾਰਾਤਮਕ ਮਾਮਲੇ ਸਨ। ਉਸ ਸਮੇਂ ਤੋਂ ਲੋਕਾਂ ਦੇ ਸੰਜਮ ਤੇ ਪ੍ਰਸ਼ਾਸਨ ਦੇ ਬਿਹਤਰ ਪ੍ਰਬੰਧਨ ਨੇ ਕੋਰੋਨਾ ਨੂੰ ਅੱਗੇ ਨਹੀਂ ਵਧਣ ਦਿੱਤਾ ਤੇ ਅੱਜ ਨਵਾਂਸ਼ਹਿਰ ਦਾ ਆਖਰੀ ਮਰੀਜ਼ ਵੀ ਕੋਰੋਨਾ ਤੋਂ ਜਿੱਤ ਗਿਆ ਹੈ। 

ਇਹ ਵੀ ਪੜ੍ਹੋ :