ਬੀਤੀ ਰਾਤ 9 ਵਜੇ ਬਿਜਲੀ ਬੰਦ ਹੋਣ ਨਾਲ ਫੇਲ ਹੋ ਜਾਣਗੇ ਪਾਵਰ ਗਰਿੱਡ, ਬਿਜਲੀ ਮੰਤਰਾਲੇ ਨੇ ਕਿਹਾ- ਤਿਆਰੀ ਹੈ ਮੁਕੰਮਲ

ਬਿਜਲੀ ਮੰਤਰਾਲਾ ਨੇ ਕਿਹਾ ਹੈ ਕਿ ਪੀਐਮ ਮੋਦੀ ਨੇ ਸਵੈ-ਇੱਛਾ ਨਾਲ ਲਾਈਟਾਂ ਬੰਦ ਕਰਨ ਦੀ ਗੱਲ ਕਹੀ ਹੈ। ਹਸਪਤਾਲਾਂ, ਥਾਣਿਆਂ ਸਣੇ ਅਹਿਮ ਥਾਂਵਾਂ 'ਤੇ ਲਾਈਟਾਂ ਆਨ ਰਹਿਣਗੀਆਂ।

ਨਵੀਂ ਦਿੱਲੀ: ਦੇਸ਼ ਵਿੱਚ ਬਿਜਲੀ ਦਾ ਆਉਣਾ ਜਾਣਾ ਕੋਈ ਨਵੀਂ ਗੱਲ ਨਹੀਂ ਹੈ। ਸਾਲਾਂ ਤੋਂ ਦੇਸ਼ ਨੂੰ ਰੌਸ਼ਨ ਰੱਖਣ ਲਈ ਦੇਸ਼ ਨੂੰ ਬਿਜਲੀ ਮੁਹੱਈਆ ਕਰਵਾਉਣ ਦਾ ਇੱਕ ਸਰਕਾਰੀ ਮਿਸ਼ਨ ਚੱਲ ਰਿਹਾ ਹੈ। ਪਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਫਿਰ ਕੋਰੋਨਾ ਖਿਲਾਫ ਜੰਗ ਜਿੱਤਣ ਦੀ ਪਹਿਲ ਕੀਤੀ ਹੈ। ਪ੍ਰਧਾਨ ਮੰਤਰੀ ਨੇ ਦੇਸ਼ ਨੂੰ ਕਿਹਾ ਹੈ ਕਿ ਕੱਲ੍ਹ ਰਾਤ ਯਾਨੀ 5 ਅਪਰੈਲ ਨੂੰ 9 ਮਿੰਟ ਲਈ ਘਰਾਂ ਦੀ ਬਿਜਲੀ ਬੰਦ ਕਰ ਦਿਓ। ਪਰ ਘਰਾਂ ਦੀਆਂ ਲਾਈਟਾਂ ਬੰਦ ਕਰਨ ਨੂੰ ਲੈ ਕੇ ਦੇਸ਼ ‘ਚ ਵਿਵਾਦ ਸ਼ੁਰੂ ਹੋ ਗਿਆ ਹੈ। ਇਹ ਕਿਹਾ ਜਾ ਰਿਹਾ ਹੈ ਕਿ ਜੇ ਲਾਈਟਾਂ ਬੰਦ ਹੋਇਆਂ ਤਾਂ ਪਾਵਰ ਗਰਿੱਡ ਫੇਲ ਹੋ ਜਾਏਗੀ। ਯਾਨੀ ਦੇਸ਼ ਦੀ ਬਿਜਲੀ ਸਪਲਾਈ ਠੱਪ ਹੋ ਜਾਵੇਗੀ। ਹੁਣ ਬਿਜਲੀ ਮੰਤਰਾਲੇ ਨੇ ਬਿਜਲੀ ਗਰਿੱਡ ਵਿਵਾਦ ‘ਤੇ ਸਥਿਤੀ ਨੂੰ ਸਪੱਸ਼ਟ ਕਰ ਦਿੱਤਾ ਹੈ। ਬਿਜਲੀ ਮੰਤਰਾਲੇ ਅਤੇ ਫੈਡਰੇਸ਼ਨ ਆਫ਼ ਪਾਵਰ ਇੰਜੀਨੀਅਰਾਂ ਨੇ ਕਿਹਾ ਕਿ ਚਿੰਤਾ ਕਰਨ ਦੀ ਕੋਈ ਗੱਲ ਨਹੀਂ ਹੈ, ਪੂਰੀ ਤਿਆਰੀ ਹੈ। ਜੇ ਬਿਜਲੀ ਬੀਤੀ ਰਾਤ 9 ਵਜੇ ਬੰਦ ਹੁੰਦੀ ਹੈ ਤਾਂ ਪਾਵਰ ਗਰਿੱਡ ਫੇਲ ਨਹੀਂ ਹੋਣਗੇ।

ਬਿਜਲੀ ਮੰਤਰਾਲੇ ਨੇ ਕਿਹਾ ਹੈ ਕਿ ਸਟਰੀਟ ਲਾਈਟ ਸਵੇਰੇ 9 ਵਜੇ ਤੋਂ 9 ਮਿੰਟ ਤੱਕ ਆਨ ਰਹੇਗੀ। ਘਰਾਂ ‘ਚ ਕੰਪਿਊਟਰ, ਟੀਵੀ, ਪੱਖੇ, ਫਰਿੱਜ, ਏਸੀ ਚੱਲਣਗੇ। ਇਹ ਉਨ੍ਹਾਂ ਨੂੰ ਬੰਦ ਰੱਖਣ ਦੀ ਗੱਲ ਨਹੀਂ ਹੈ। ਹਸਪਤਾਲਾਂ, ਥਾਣਿਆਂ ਸਣੇ ਅਹਿਮ ਥਾਂਵਾਂ 'ਤੇ ਲਾਈਟਾਂ ਚਲਦਿਆਂ ਰਹਿਣਗੀਆਂ। ਦੱਸ ਦੇਈਏ ਕਿ ਸ਼ੁੱਕਰਵਾਰ ਨੂੰ ਪ੍ਰਧਾਨ ਮੰਤਰੀ ਮੋਦੀ ਨੇ ਅਪੀਲ ਕੀਤੀ ਹੈ ਕਿ 5 ਅਪ੍ਰੈਲ ਯਾਨੀ ਐਤਵਾਰ ਰਾਤ ਨੂੰ 9 ਵਜੇ ਦੇਸ਼ ਦੇ ਲੋਕ 9 ਮਿੰਟ ਲਈ ਆਪਣੇ ਘਰਾਂ ਦੀਆਂ ਲਾਈਟਾਂ ਬੰਦ ਕਰਨ ਤੇ ਮੋਮਬੱਤੀਆਂ ਜਲਾਉਣ।