8th Pay Commission: ਫਿਟਮੈਂਟ ਫੈਕਟਰ 2.57 ਜਾਂ 2.86 ਹੋਣ 'ਤੇ ਤਨਖਾਹ 'ਚ ਕਿੰਨਾ ਫਰਕ ਪਵੇਗਾ?
8th Pay Commission : 8ਵੇਂ ਤਨਖਾਹ ਕਮਿਸ਼ਨ (8th Pay Commission) ਨੂੰ ਲੈ ਕੇ ਕੇਂਦਰੀ ਸਰਕਾਰੀ ਕਰਮਚਾਰੀਆਂ ਵਿਚਾਲੇ ਫਿਟਮੈਂਟ ਫੈਕਟਰ ਨੂੰ ਲੈ ਕੇ ਕਾਫੀ ਚਰਚਾ ਹੈ। ਇਸ ਸਮੇਂ 2.57 ਅਤੇ 2.86 ਵਰਗੇ ਫਿਟਮੈਂਟ ਫੈਕਟਰ
8th Pay Commission : 8ਵੇਂ ਤਨਖਾਹ ਕਮਿਸ਼ਨ (8th Pay Commission) ਨੂੰ ਲੈ ਕੇ ਕੇਂਦਰੀ ਸਰਕਾਰੀ ਕਰਮਚਾਰੀਆਂ ਵਿਚਾਲੇ ਫਿਟਮੈਂਟ ਫੈਕਟਰ ਨੂੰ ਲੈ ਕੇ ਕਾਫੀ ਚਰਚਾ ਹੈ। ਇਸ ਸਮੇਂ 2.57 ਅਤੇ 2.86 ਵਰਗੇ ਫਿਟਮੈਂਟ ਫੈਕਟਰ ਨੂੰ ਲੈ ਕੇ ਵੱਖ-ਵੱਖ ਗਣਨਾਵਾਂ ਸਾਹਮਣੇ ਆ ਰਹੀਆਂ ਹਨ। ਹਾਲਾਂਕਿ, ਅਜੇ 8ਵੇਂ ਤਨਖਾਹ ਕਮਿਸ਼ਨ ਵੱਲੋਂ ਇਨ੍ਹਾਂ ਵਿੱਚੋਂ ਕਿਸੇ ਵੀ ਫਿਟਮੈਂਟ ਫੈਕਟਰ ਨੂੰ ਅੰਤਿਮ ਤੌਰ 'ਤੇ ਤੈਅ ਨਹੀਂ ਕੀਤਾ ਗਿਆ।
ਫਿਟਮੈਂਟ ਫੈਕਟਰ ਕੀ ਹੁੰਦਾ ਹੈ?
ਫਿਟਮੈਂਟ ਫੈਕਟਰ ਦੇ ਆਧਾਰ 'ਤੇ ਮੌਜੂਦਾ ਬੇਸਿਕ ਪੇ (Basic Pay) ਨੂੰ ਗੁਣਾ ਕਰਕੇ ਨਵੀਂ ਬੇਸਿਕ ਪੇ ਤੈਅ ਕੀਤੀ ਜਾਂਦੀ ਹੈ। ਉਦਾਹਰਨ ਲਈ, ਜੇ ਕਿਸੇ ਕਰਮਚਾਰੀ ਦੀ ਮੌਜੂਦਾ ਬੇਸਿਕ ਪੇ 18,000 ਰੁਪਏ ਹੈ ਤਾਂ 2.57 ਫਿਟਮੈਂਟ ਫੈਕਟਰ ਨਾਲ ਇਹ 46,260 ਰੁਪਏ ਅਤੇ 2.86 ਨਾਲ 51,480 ਰੁਪਏ ਬਣਦੀ ਹੈ। ਇਸ ਤਰ੍ਹਾਂ 18,000 ਰੁਪਏ ਬੇਸਿਕ ਵਾਲੇ ਕਰਮਚਾਰੀ ਲਈ ਦੋਵਾਂ ਫਿਟਮੈਂਟ ਫੈਕਟਰਾਂ ਵਿਚਕਾਰ 5,220 ਰੁਪਏ ਪ੍ਰਤੀ ਮਹੀਨਾ ਦਾ ਫਰਕ ਬਣਦਾ ਹੈ। ਸਾਲਾਨਾ ਆਧਾਰ 'ਤੇ ਇਹ ਫਰਕ 62,640 ਰੁਪਏ ਬਣਦਾ ਹੈ।
ਲੈਵਲ-4 ਕਰਮਚਾਰੀ ਨੂੰ ਕਿੰਨਾ ਫਰਕ?
ਜੇ ਲੈਵਲ-4 ਕਰਮਚਾਰੀ ਦੀ ਮੌਜੂਦਾ ਬੇਸਿਕ ਪੇ 25,500 ਰੁਪਏ ਹੈ ਤਾਂ 2.57 ਫਿਟਮੈਂਟ ਫੈਕਟਰ ਨਾਲ ਬੇਸਿਕ ਪੇ 65,535 ਰੁਪਏ ਅਤੇ 2.86 ਨਾਲ 72,930 ਰੁਪਏ ਬਣੇਗੀ। ਦੋਵਾਂ ਵਿਚਕਾਰ 7,395 ਰੁਪਏ ਮਹੀਨਾਵਾਰ ਦਾ ਫਰਕ ਹੋਵੇਗਾ। ਸਾਲਾਨਾ ਇਹ ਫਰਕ 88,740 ਰੁਪਏ ਬਣਦਾ ਹੈ।
ਲੈਵਲ-6 ਕਰਮਚਾਰੀ ਲਈ ਫਰਕ
35,400 ਰੁਪਏ ਦੀ ਮੌਜੂਦਾ ਬੇਸਿਕ ਪੇ ਵਾਲੇ ਕਰਮਚਾਰੀ ਲਈ 2.57 ਫਿਟਮੈਂਟ ਫੈਕਟਰ ਨਾਲ ਬੇਸਿਕ ਪੇ 90,978 ਰੁਪਏ ਅਤੇ 2.86 ਨਾਲ 1,01,244 ਰੁਪਏ ਬਣੇਗੀ। ਇਸ ਮਾਮਲੇ ਵਿੱਚ ਮਹੀਨਾਵਾਰ ਫਰਕ 10,266 ਰੁਪਏ ਅਤੇ ਸਾਲਾਨਾ ਫਰਕ ਲਗਭਗ 1.23 ਲੱਖ ਰੁਪਏ ਹੋਵੇਗਾ।
ਲੈਵਲ-7 ਵਾਲਿਆਂ ਨੂੰ ਕਿੰਨਾ ਫਰਕ?
44,900 ਰੁਪਏ ਦੀ ਮੌਜੂਦਾ ਬੇਸਿਕ ਪੇ ਵਾਲੇ ਲੈਵਲ-7 ਕਰਮਚਾਰੀ ਲਈ 2.57 ਨਾਲ ਬੇਸਿਕ ਪੇ 1,15,393 ਰੁਪਏ ਅਤੇ 2.86 ਨਾਲ 1,28,414 ਰੁਪਏ ਬਣੇਗੀ। ਦੋਵਾਂ ਵਿਚਕਾਰ 13,021 ਰੁਪਏ ਪ੍ਰਤੀ ਮਹੀਨਾ ਅਤੇ ਲਗਭਗ 1.56 ਲੱਖ ਰੁਪਏ ਸਾਲਾਨਾ ਦਾ ਫਰਕ ਬਣਦਾ ਹੈ।
ਬੇਸਿਕ ਪੇ ਅਤੇ ਇਨ-ਹੈਂਡ ਸੈਲਰੀ ਇੱਕੋ ਨਹੀਂ
ਇੱਥੇ ਇਹ ਸਮਝਣਾ ਵੀ ਜ਼ਰੂਰੀ ਹੈ ਕਿ ਬੇਸਿਕ ਪੇ ਅਤੇ ਕਰਮਚਾਰੀ ਦੀ ਇਨ-ਹੈਂਡ ਸੈਲਰੀ ਇੱਕੋ ਨਹੀਂ ਹੁੰਦੀ। ਫਿਟਮੈਂਟ ਫੈਕਟਰ ਦਾ ਸਿੱਧਾ ਅਸਰ ਬੇਸਿਕ ਪੇ 'ਤੇ ਪੈਂਦਾ ਹੈ। ਇਸ ਤੋਂ ਇਲਾਵਾ DA, HRA ਅਤੇ ਹੋਰ ਭੱਤੇ ਵੀ ਤਨਖਾਹ ਦਾ ਹਿੱਸਾ ਹੁੰਦੇ ਹਨ। ਨਵੇਂ ਤਨਖਾਹ ਕਮਿਸ਼ਨ ਤੋਂ ਬਾਅਦ ਇਨ੍ਹਾਂ ਭੱਤਿਆਂ ਵਿੱਚ ਵੀ ਬਦਲਾਅ ਹੋ ਸਕਦਾ ਹੈ।
ਇਸ ਲਈ 2.57 ਦੀ ਥਾਂ 2.86 ਫਿਟਮੈਂਟ ਫੈਕਟਰ ਲਾਗੂ ਹੋਣ ਨਾਲ ਬੇਸਿਕ ਪੇ ਵਿੱਚ ਜਿੰਨਾ ਫਰਕ ਨਜ਼ਰ ਆ ਰਿਹਾ ਹੈ, ਜ਼ਰੂਰੀ ਨਹੀਂ ਕਿ ਇਨ-ਹੈਂਡ ਸੈਲਰੀ ਵਿੱਚ ਵੀ ਬਿਲਕੁਲ ਉਨਾ ਹੀ ਵਾਧਾ ਹੋਵੇ। ਫਿਲਹਾਲ 2.57 ਅਤੇ 2.86 ਦੋਵੇਂ ਚਰਚਾ ਵਿੱਚ ਹਨ ਅਤੇ ਅੰਤਿਮ ਫਿਟਮੈਂਟ ਫੈਕਟਰ ਤੈਅ ਹੋਣਾ ਬਾਕੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
