Punjab Politics: ਮਾਨ ਨੇ ਬਾਜਵਾ ਨਾਲ ਫਿਰ ਫਸਾਏ ਸਿੰਙ ! ਕਿਹਾ-ਤੁਹਾਡੇ ਦਿਮਾਗ਼ ਰਿਪੇਅਰ ਕਰਨ ਵਾਲੇ.....
ਪੰਜਾਬ ਦੇ ਲੋਕਾਂ ਨੇ ਪੁਰਾਣੇ ਘਰਾਣਿਆਂ ਨੂੰ ਹਰਾਇਆ ਹੈ ਜਿਨ੍ਹਾਂ ਦੀ ਨੀਤੀ ਸੀ ਕਿ ਜੇ ਮੈਂ ਸੱਤਾ ਵਿੱਚ ਆ ਗਿਆ ਤਾਂ ਤੈਨੂੰ ਕੁਝ ਨਹੀਂ ਕਹਾਂਗਾ ਜੇ ਤੂੰ ਆ ਗਿਆ ਤਾਂ ਮੈਨੂੰ ਕੁਝ ਨਾ ਕਹੀ। ਉਨ੍ਹਾਂ ਨੇ ਸੋਚਿਆ ਨਹੀਂ ਸੀ ਕਿ ਕਦੇ ਆਮ ਘਰਾਂ ਦੇ ਮੁੰਡੇ ਇਨ੍ਹਾਂ ਸੀਟਾਂ ਉੱਤੇ ਬੈਠਣਗੇ।
Punjab News: ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਵੀਰਵਾਰ ਨੂੰ ਪੰਜਾਬ ਦੇ ਪਹਿਲਾ ਇੰਸਟੀਚਿਊਟ ਆਫ਼ ਲਿਵਰ ਐਂਡ ਬਿਲੀਅਰੀ ਸਾਇੰਸਜ਼ ਨੂੰ ਲੋਕ ਸਮਰਪਿਤ ਕੀਤਾ। ਐਸ.ਏ.ਐਸ.ਨਗਰ ਦੇ ਫੇਜ਼ 3ਬੀ-1 ਵਿਖੇ ਸਥਾਪਿਤ ਇਹ ਸੰਸਥਾ ਹੈਪੇਟੋਲੋਜੀ ਦੇ ਖੇਤਰ ਵਿੱਚ ਸੁਪਰ-ਸਪੈਸ਼ਲਿਟੀ ਕੇਅਰ, ਸਿਖਲਾਈ ਅਤੇ ਖੋਜ ਸਬੰਧੀ ਅਤਿ-ਆਧੁਨਿਕ ਬੁਨਿਆਦੀ ਢਾਂਚੇ ਨਾਲ ਲੈਸ ਹੈ। ਇਸ ਮੌਕੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਦੋ ਸਾਲਾਂ ਵਿੱਚ ਆਪ ਸਰਕਾਰ ਨੇ 40 ਹਜ਼ਾਰ ਤੋਂ ਵੱਧ ਨੌਕਰੀਆਂ ਦੇ ਦਿੱਤੀਆਂ ਹਨ।
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਮੋਹਾਲੀ ਵਿਖੇ ਪੰਜਾਬ ਦੇ ਲੋਕਾਂ ਨੂੰ 'ਇੰਸਟੀਚਿਊਟ ਆਫ ਲਿਵਰ ਐਂਡ ਬਿਲੀਅਰੀ ਸਾਇੰਸਿਜ਼' ਸਮਰਪਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਡਾ. ਵਰਿੰਦਰ ਜੀ ਇਸ ਇੰਸਟੀਚਿਊਟ ਦੇ ਮੁਖੀ ਹੋਣਗੇ ਅਤੇ 450 ਦੇ ਕਰੀਬ ਕਰਮਚਾਰੀ ਇਸ ਵਿੱਚ ਕੰਮ ਕਰਨਗੇ। pic.twitter.com/CPXshJeAHP
— Government of Punjab (@PunjabGovtIndia) February 29, 2024
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਵਿਰੋਧੀਆਂ ਉੱਤੇ ਨਿਸ਼ਾਨੇ ਸਾਧਦਿਆਂ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨੇ ਪੁਰਾਣੇ ਘਰਾਣਿਆਂ ਨੂੰ ਹਰਾਇਆ ਹੈ ਜਿਨ੍ਹਾਂ ਦੀ ਨੀਤੀ ਸੀ ਕਿ ਜੇ ਮੈਂ ਸੱਤਾ ਵਿੱਚ ਆ ਗਿਆ ਤਾਂ ਤੈਨੂੰ ਕੁਝ ਨਹੀਂ ਕਹਾਂਗਾ ਜੇ ਤੂੰ ਆ ਗਿਆ ਤਾਂ ਮੈਨੂੰ ਕੁਝ ਨਾ ਕਹੀ। ਉਨ੍ਹਾਂ ਨੇ ਸੋਚਿਆ ਨਹੀਂ ਸੀ ਕਿ ਕਦੇ ਆਮ ਘਰਾਂ ਦੇ ਮੁੰਡੇ ਇਨ੍ਹਾਂ ਸੀਟਾਂ ਉੱਤੇ ਬੈਠਣਗੇ। ਹੁਣ ਇਸ ਕਰਕੇ ਇਹ ਤੜਫ ਰਹੇ ਹਨ। ਮਾਨ ਨੇ ਕਿਹਾ ਕਿ ਇਨ੍ਹਾਂ ਨੂੰ ਕੋਈ ਪੰਜਾਬ ਦਾ ਦਰਦ ਨਹੀਂ, ਪੰਜਾਬ ਦੇ ਲੋਕਾਂ ਨਾਲ ਕੋਈ ਲੈਣਾ ਦੇਣਾ ਨਹੀਂ ਉਨ੍ਹਾਂ ਨੂੰ ਬੱਸ ਇਸ ਗੱਲ ਦਾ ਦਰਦ ਹੈ ਕਿ ਆਮ ਘਰਾਂ ਦੇ ਜਵਾਕ ਇਨ੍ਹਾਂ ਸੀਟਾਂ ਉੱਤੇ ਕਿਵੇਂ ਬੈਠ ਗਏ।
8 ਸਾਲਾਂ 'ਚ ਹੀ ਆਮ ਲੋਕਾਂ ਨੇ ਵੱਡੇ ਘਰਾਣਿਆਂ ਦੇ ਲੀਡਰਾਂ ਨੂੰ ਕੁਰਸੀਆਂ ਤੋਂ ਲਾਹ ਦਿੱਤਾ... ਜੋ ਕਈ ਪੀੜ੍ਹੀਆਂ ਤੱਕ ਸੱਤਾ ਭੋਗਣ ਬਾਰੇ ਸੋਚੀ ਬੈਠੇ ਸੀ... ਜੇਕਰ ਇਹਨਾਂ ਨੂੰ ਪੰਜਾਬ ਦੀ ਫ਼ਿਕਰ ਹੁੰਦੀ ਤਾਂ ਅੱਜ ਇਹ ਹਾਲ ਨਾ ਹੁੰਦਾ... pic.twitter.com/WUJJbbVMoh
— Bhagwant Mann (@BhagwantMann) February 29, 2024
ਇਸ ਮੌਕੇ ਮਾਨ ਨੇ ਪ੍ਰਤਾਪ ਸਿੰਘ ਬਾਜਵਾ ਨੇ ਪੁਰਾਣੇ ਬਿਆਨ ਤੇ ਤੰਜ ਕਸਦਿਆਂ ਕਸਿਆ, ਬਾਜਵਾ ਨੇ ਕਿਹਾ ਸੀ ਕਿ ਅਸੈਂਬਲੀ ਵਿੱਚ ਆ ਕਿਹੋ ਜਿਹਾ ਮਟੀਰੀਅਲ ਆ ਗਿਆ' ਮਾਨ ਨੇ ਕਿਹਾ ਸਾਨੂੰ ਲੋਕਾ ਨੇ ਜਿਤਾ ਕੇ ਭੇਜਿਆ ਹੈ, ਮੋਬਾਇਲ ਰਿਪੇਅਰ ਕਰਨ ਵਾਲੇ ਨੇ ਭਦੌੜ ਤੋਂ ਚੰਨੀ ਹਰਾਇਆ, ਬਾਜਵਾ ਸਾਬ੍ਹ ਮੋਬਾਇਲ ਰਿਪੇਅਰ ਕਰਨ ਦੇ ਨਾਲ ਨਾਲ ਥੋਡੇ ਦਿਮਾਗ਼ ਰਿਪੇਅਰ ਕਰਨ ਵਾਲੇ ਵੀ ਆਏ ਨੇ ਜੋ ਤੁਸੀਂ ਅਸਮਾਨੀ ਚੜ੍ਹੇ ਫਿਰਦੇ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
