10 ਮਹੀਨੇ ਬਆਦ ਖੁੱਲ੍ਹ ਕੇ ਮਨਾਇਆ ਜਾਵੇਗਾ ਤਿਉਹਾਰ, ਲੋਹੜੀ 'ਤੇ ਲੱਗਣਗੀਆਂ ਪੂਰੀਆਂ ਰੌਣਕਾਂ

ਅੱਜ ਲੋਹੜੀ ਦਾ ਤਿਉਹਾਰ ਹੈ। ਵੈਸੇ ਤਾਂ ਤਿਉਹਾਰ ਖਾਸ ਹੀ ਹੁੰਦੇ ਹਨ ਪਰ ਇਸ ਵਾਰ ਲੋਹੜੀ ਇਸ ਲਈ ਖਾਸ ਹੈ ਕਿਉਂਕਿ 10 ਮਹੀਨਿਆਂ ਬਾਅਦ ਲੋਕ ਖੁੱਲ੍ਹ ਕੇ ਕੋਈ ਤਿਉਹਾਰ ਮਨਾਉਣਗੇ।

ਚੰਡੀਗੜ੍ਹ: ਅੱਜ ਲੋਹੜੀ ਦਾ ਤਿਉਹਾਰ ਹੈ। ਵੈਸੇ ਤਾਂ ਤਿਉਹਾਰ ਖਾਸ ਹੀ ਹੁੰਦੇ ਹਨ ਪਰ ਇਸ ਵਾਰ ਲੋਹੜੀ ਇਸ ਲਈ ਖਾਸ ਹੈ ਕਿਉਂਕਿ 10 ਮਹੀਨਿਆਂ ਬਾਅਦ ਲੋਕ ਖੁੱਲ੍ਹ ਕੇ ਕੋਈ ਤਿਉਹਾਰ ਮਨਾਉਣਗੇ। ਕੋਰੋਨਾ ਮਹਾਮਾਰੀ ਦੇ ਕਾਰਨ ਪਿਛਲੇ ਸਮੇਂ ਕੋਈ ਵੀ ਤਿਉਹਾਰ ਨਹੀਂ ਮਨਾਇਆ ਗਿਆ। ਡੀਜੇ-ਪਾਰਟੀ ਤੇ ਸਮੂਹਿਕ ਇਕੱਠ 'ਤੇ ਕੋਈ ਪਾਬੰਦੀ ਨਹੀਂ। ਮੰਗਲਵਾਰ ਨੂੰ ਸ਼ਹਿਰਾਂ ਦੇ ਸਾਰੇ ਬਾਜ਼ਾਰਾਂ ਵਿੱਚ ਮੂੰਗਫਲੀ, ਰੇੜੀਆਂ, ਗੱਚਕ, ਤਿੱਲ ਤੇ ਪੌਪਕੌਰਨ ਦੀ ਖੂਬ ਵਿਕਰੀ ਹੋਈ। ਜੋਤਸ਼ੀਆਂ ਅਨੁਸਾਰ ਲੋਹੜੀ ਬਾਲਣ ਦਾ ਸ਼ੁੱਭ ਸਮਾਂ ਦੁਪਹਿਰ 1:30 ਵਜੇ ਤੋਂ 3:25 ਵਜੇ ਤੱਕ ਤੇ ਸ਼ਾਮ 5:39 ਤੋਂ 10: 22 ਤੱਕ ਹੋਵੇਗਾ। ਇਹ ਮੰਨਿਆ ਜਾਂਦਾ ਹੈ ਕਿ ਲੋਹੜੀ ਦੀ ਰਾਤ ਸਾਲ ਦੀ ਸਭ ਤੋਂ ਲੰਬੀ ਰਾਤ ਹੁੰਦੀ ਹੈ। ਇਸ ਤੋਂ ਬਾਅਦ, ਦਿਨ ਵੱਡੇ ਹੋਣੇ ਸ਼ੁਰੂ ਹੋ ਜਾਂਦੇ ਹਨ। ਖੁੱਲੇ ਅਸਮਾਨ ਹੇਠ, ਮੂੰਗਫਲੀ, ਰੇੜੀਆਂ ਆਦਿ ਨੂੰ ਅੱਗ ਦੀ ਭੇਟ ਚੜ੍ਹਾਉਣ ਮਗਰੋਂ ਅੱਗ ਦੀ ਪਰੀਕਰਮਾ ਕੀਤੀ ਜਾਂਦੀ ਹੈ। ਬਹੁਤ ਸਾਰੇ ਪਰਿਵਾਰਾਂ ਵਿੱਚ ਵਿਆਹੀਆਂ ਧੀਆਂ ਨੂੰ ਘਰ ਬੁਲਾਇਆ ਜਾਂਦਾ ਹੈ ਤੇ ਖਾਣਾ ਪਰੋਸਿਆ ਜਾਂਦਾ ਹੈ ਤੇ ਤੋਹਫੇ ਵੀ ਦਿੱਤੇ ਜਾਂਦੇ ਹਨ।