ਵਿਦੇਸ਼ 'ਚ ਬੈਠੇ ਗੈਂਗਸਟਰ ਦੀ ਦਾਦਾਗਿਰੀ, ਕਿਹਾ - ਪੱਤਰਕਾਰਾਂ ਨੇ ਮੇਰੇ ਖਿਲਾਫ ਖ਼ਬਰਾਂ ਚਲਾਉਣੀਆਂ ਬੰਦ ਨਾ ਕੀਤੀਆਂ ਤਾਂ ਨੁਕਸਾਨ ਦੇ ਖੁਦ ਹੋਣਗੇ ਜਿੰਮੇਵਾਰ
Punjab News: ਵਿਦੇਸ਼ਾਂ 'ਚ ਬੈਠੇ ਗੈਂਗਸਟਰਾਂ ਦੀ ਦਾਦਾਗਿਰੀ ਹੁਣ ਇਸ ਕਦਰ ਤੱਕ ਵਧ ਗਈ ਹੈ ਕਿ ਮੀਡੀਆ ਨੂੰ ਵੀ ਸ਼ਰੇਆਮ ਧਮਕੀਆਂ ਦੇ ਰਹੇ ਹਨ। ਵਿਦੇਸ਼ 'ਚ ਲੁਕੇ ਅਰਸ਼ ਡੱਲਾ ਨੇ ਪੰਜਾਬ ਦੇ ਮੀਡੀਆ ਨੂੰ ਧਮਕੀ ਦਿੱਤੀ ਹੈ। ਡੱਲਾ ਨੇ ਫੇਸਬੁੱਕ 'ਤੇ ਪੋਸਟ ਪਾ ਕੇ ਲਿਖਿਆ ਕਿ
Punjab News: ਵਿਦੇਸ਼ਾਂ 'ਚ ਬੈਠੇ ਗੈਂਗਸਟਰਾਂ ਦੀ ਦਾਦਾਗਿਰੀ ਹੁਣ ਇਸ ਕਦਰ ਤੱਕ ਵਧ ਗਈ ਹੈ ਕਿ ਮੀਡੀਆ ਨੂੰ ਵੀ ਸ਼ਰੇਆਮ ਧਮਕੀਆਂ ਦੇ ਰਹੇ ਹਨ। ਵਿਦੇਸ਼ 'ਚ ਲੁਕੇ ਅਰਸ਼ ਡੱਲਾ ਨੇ ਪੰਜਾਬ ਦੇ ਮੀਡੀਆ ਨੂੰ ਧਮਕੀ ਦਿੱਤੀ ਹੈ। ਡੱਲਾ ਨੇ ਫੇਸਬੁੱਕ 'ਤੇ ਪੋਸਟ ਪਾ ਕੇ ਲਿਖਿਆ ਕਿ ਮੀਡੀਆ ਵਾਲੇ ਆਪਣੇ ਵਿਊ ਵਧਾਉਣ ਲਈ ਝੂਠੀਆਂ ਖ਼ਬਰਾਂ ਲਾ ਰਹੇ ਹਨ। ਜਗਰਾਉਂ 'ਚ ਹੋਏ ਪਰਮਜੀਤ ਦੇ ਕਤਲ ਕਾਂਡ ਦੀ ਜ਼ਿੰਮੇਵਾਰੀ ਡੱਲਾ ਨੇ ਲਈ ਸੀ।
ਹਾਸਲ ਜਾਣਕਾਰੀ ਅਨੁਸਾਰ ਇਸ ਕਤਲ ਕਾਂਡ ਵਿੱਚ ਪੁਲਿਸ ਨੇ ਦੋ ਸ਼ੂਟਰ ਅਭਿਨਵ ਤੇ ਤੇਜਵੀਰ ਨੂੰ ਫੜ ਲਿਆ ਸੀ। ਤੇਜਵੀਰ ਨੇ ਖੁਲਾਸਾ ਕੀਤਾ ਕਿ ਡੱਲਾ ਨੇ ਉਸ ਨਾਲ ਧੋਖਾ ਕੀਤਾ ਹੈ। ਕਰੋੜਾਂ ਰੁਪਏ ਦਾ ਲਾਲਚ ਦੇ ਕੇ ਸਿਰਫ 12 ਤੋਂ 14 ਹਜ਼ਾਰ ਰੁਪਏ ਉਨ੍ਹਾਂ ਨੇ ਡੈਨੀ ਦੇ ਜ਼ਰੀਏ ਸੂਰਤ ਤੇ ਜੋਧਪੁਰ 'ਚ ਦਿੱਤੇ ਹਨ। ਇਸ ਗੱਲ ਤੋਂ ਡੱਲਾ ਭੜਕ ਗਿਆ ਹੈ ਤੇ ਮੀਡੀਆ ਨੂੰ ਧਮਕੀਆਂ ਦੇ ਰਿਹਾ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਨੇ ਕਿਸਾਨਾਂ ਲਈ ਵੀ ਕੀਤਾ ਵੱਡਾ ਐਲਾਨ, ਫਸਲੀ ਵਿਭਿੰਨਤਾ ਲਈ 1000 ਕਰੋੜ ਰੁਪਏ ਰੱਖੇ
ਪੋਸਟ ਸ਼ੇਅਰ ਕਰਕੇ ਡੱਲਾ ਲਿਖ ਰਿਹਾ ਹੈ ਕਿ ਜਗਰਾਓਂ ਵਿੱਚ ਉਸ ਨੇ ਪਰਮਜੀਤ ਦਾ ਜੋ ਕਤਲ ਕਰਵਾਇਆ ਹੈ, ਉਹ ਦੋਸਤੀ ਵਿੱਚ ਕਰਵਾਇਆ ਹੈ। ਮੈਂ ਕਦੇ ਵੀ ਆਪਣੇ ਨਜ਼ਦੀਕੀਆਂ ਨੂੰ ਪੈਸੇ ਦੀ ਕਮੀ ਨਹੀਂ ਆਉਣ ਦਿੱਤੀ। ਅੱਜ ਤੱਕ ਜਿੰਨੇ ਵੀ ਲੋਕ ਮਾਰੇ ਗਏ ਹਨ, ਉਨ੍ਹਾਂ ਨੇ ਨਾ ਤਾਂ ਪੈਸੇ ਲਈ ਕਤਲ ਕੀਤੇ ਹਨ ਅਤੇ ਨਾ ਹੀ ਭਵਿੱਖ ਵਿੱਚ ਪੈਸੇ ਲਈ ਕਿਸੇ ਨੂੰ ਮਾਰਨਗੇ। ਡੱਲਾ ਨੇ ਲਿਖਿਆ ਕਿ ਮੈਂ ਆਪਣੇ ਮਾਣ ਸਨਮਾਨ ਲਈ ਲੜ ਰਿਹਾ ਹਾਂ। ਮੇਰੇ ਖਿਲਾਫ ਚੱਲ ਰਹੀਆਂ ਗਲਤ ਖਬਰਾਂ ਬੰਦ ਹੋਣੀਆਂ ਚਾਹੀਦੀਆਂ ਹਨ। ਜੇਕਰ ਪੱਤਰਕਾਰਾਂ ਨੇ ਮੇਰੇ ਖਿਲਾਫ ਖਬਰਾਂ ਚਲਾਉਣੀਆਂ ਬੰਦ ਨਾ ਕੀਤੀਆਂ ਤਾਂ ਉਹ ਆਪਣੇ ਨੁਕਸਾਨ ਦੇ ਖੁਦ ਜਿੰਮੇਵਾਰ ਹੋਣਗੇ।
ਇਹ ਵੀ ਪੜ੍ਹੋ : ਕਿਸਾਨ ਲੀਡਰ ਰਾਕੇਸ਼ ਟਿਕੈਤ ਦੇ ਪਰਿਵਾਰ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ
ਅਰਸ਼ਦੀਪ ਸਿੰਘ ਡੱਲਾ ਉਰਫ਼ ਅਰਸ਼ ਡੱਲਾ ਜੋ ਮੁੱਖ ਦੋਸ਼ੀਆਂ ਵਿੱਚੋਂ ਇੱਕ ਹੈ, ਪਹਿਲਾਂ ਦੀ ਪਾਕਿਸਤਾਨ ਤੋਂ ਹਥਿਆਰਾਂ ਅਤੇ ਨਸ਼ਿਆਂ ਦੀ ਤਸਕਰੀ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਪੁਲਿਸ ਨੂੰ ਸ਼ੱਕ ਹੈ ਕਿ ਡੱਲਾ ਨੇ ਸਰਹੱਦ ਪਾਰੋਂ ਆਪਣੇ ਸੰਪਰਕਾਂ ਤੋਂ ਹੱਤਿਆ ਲਈ ਹਥਿਆਰ ਡਰੋਨ ਰਾਹੀਂ ਨਾ ਮੰਗਵਾਏ ਹੋਣ। ਪਰਮਜੀਤ ਸਿੰਘ ਦੇ ਕਤਲ ਤੋਂ ਇੱਕ ਦਿਨ ਬਾਅਦ ਡੱਲਾ ਨੇ ਮ੍ਰਿਤਕ ਗੈਂਗਸਟਰ ਜਸਪ੍ਰੀਤ ਸਿੰਘ ਜੱਸੀ ਦੇ ਫੇਸਬੁੱਕ ਅਕਾਊਂਟ ਤੋਂ ਇਸ ਕਤਲ ਦੀ ਜ਼ਿੰਮੇਵਾਰੀ ਲਈ ਸੀ। ਇਸ ਮਾਮਲੇ ਵਿੱਚ ਵੀ ਮੁਲਜ਼ਮ ਸੀਸੀਟੀਵੀ ਵਿੱਚ ਕੈਦ ਹੋ ਗਏ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
