ਮੁਨਸ਼ੀ ਮੈਨੂੰ ਮਾਰਵਾਉਣਾ ਚਾਹੁੰਦਾ- ਗੁਰਸਿਮਰਨ ਸਿੰਘ ਮੰਡ
Ludhiana News: ਕਾਂਗਰਸੀ ਆਗੂ ਗੁਰਸਿਮਰਨ ਸਿੰਘ ਮੰਡ ਦੀ ਪੁਲੀਸ ਲਾਈਨ ਵਿੱਚ ਮੁਨਸ਼ੀ ਨਾਲ ਹੱਥੋਪਾਈ ਹੋ ਗਈ। ਮੰਡ ਅਨੁਸਾਰ ਪੁਲੀਸ ਲਾਈਨ ਤੋਂ ਸੁਰੱਖਿਆ ਅਮਲੇ ਦੀ ਡਿਊਟੀ ਲਾਉਣ ਵਾਲੇ ਮੁਨਸ਼ੀ ਨੇ ਭਿੰਡਰਾਂਵਾਲਾ ਦੇ ਇੱਕ ਸਹਾਇਕ ਮੁਲਾਜ਼ਮ ਨੂੰ ਆਪਣੀ ਸੁਰੱਖਿਆ ਲਈ ਭੇਜਿਆ ਸੀ।
Ludhiana News: ਕਾਂਗਰਸੀ ਆਗੂ ਗੁਰਸਿਮਰਨ ਸਿੰਘ ਮੰਡ ਦੀ ਪੁਲੀਸ ਲਾਈਨ ਵਿੱਚ ਮੁਨਸ਼ੀ ਨਾਲ ਹੱਥੋਪਾਈ ਹੋ ਗਈ। ਮੰਡ ਅਨੁਸਾਰ ਪੁਲੀਸ ਲਾਈਨ ਤੋਂ ਸੁਰੱਖਿਆ ਅਮਲੇ ਦੀ ਡਿਊਟੀ ਲਾਉਣ ਵਾਲੇ ਮੁਨਸ਼ੀ ਨੇ ਭਿੰਡਰਾਂਵਾਲਾ ਦੇ ਇੱਕ ਸਹਾਇਕ ਮੁਲਾਜ਼ਮ ਨੂੰ ਆਪਣੀ ਸੁਰੱਖਿਆ ਲਈ ਭੇਜਿਆ ਸੀ। ਮੰਡ ਨੇ ਕਿਹਾ ਕਿ ਮੁਨਸ਼ੀ ਮੈਨੂੰ ਮਾਰਵਾਉਣਾ ਚਾਹੁੰਦਾ ਹੈ।
ਮੰਡ ਨੂੰ ਹਾਲ ਹੀ ਵਿੱਚ ਗੈਂਗਸਟਰ ਗੋਲਡੀ ਬਰਾੜ ਅਤੇ ਗੋਪਾਲ ਸਿੰਘ ਚਾਵਲਾ ਤੋਂ ਧਮਕੀਆਂ ਮਿਲੀਆਂ ਸਨ। ਚਾਵਲਾ ਇੱਕ ਖਾਲਿਸਤਾਨ ਪੱਖੀ ਨੇਤਾ ਹੈ ਜੋ ਪਾਕਿਸਤਾਨ ਵਿੱਚ ਲੁਕਿਆ ਹੋਇਆ ਹੈ। ਮੰਡ ਨੂੰ ਇਸ ਗੱਲ ਦਾ ਅਹਿਸਾਸ ਉਦੋਂ ਹੋਇਆ ਜਦੋਂ ਉਸ ਨੇ ਉਸ ਪੁਲੀਸ ਮੁਲਾਜ਼ਮ ਦੀ ਮੋਟਰਸਾਈਕਲ ’ਤੇ ਜਰਨੈਲ ਸਿੰਘ ਭਿੰਡਰਾਂਵਾਲੇ ਦੀ ਤਸਵੀਰ ਲੱਗੀ ਵੇਖੀ।
ਮੰਡ ਨੇ ਇਸ ਨੂੰ ਦੇਖਿਆ ਅਤੇ ਸੁਰੱਖਿਆ ਗਾਰਡ ਨੂੰ ਵਾਪਸ ਭੇਜ ਦਿੱਤਾ। ਮੰਡ ਨੇ ਦੋਸ਼ ਲਾਇਆ ਕਿ ਕੁਝ ਪੁਲੀਸ ਮੁਲਾਜ਼ਮ ਉਸ ਖ਼ਿਲਾਫ਼ ਸਾਜ਼ਿਸ਼ ਰਚ ਰਹੇ ਹਨ ਅਤੇ ਜਾਣਬੁੱਝ ਕੇ ਅਜਿਹੇ ਪੁਲੀਸ ਮੁਲਾਜ਼ਮ ਉਸ ਦੀ ਸੁਰੱਖਿਆ ਲਈ ਤਾਇਨਾਤ ਕੀਤੇ ਜਾ ਰਹੇ ਹਨ। ਉਸ ਨੂੰ ਸ਼ੱਕ ਸੀ ਕਿ ਅਜਿਹੇ ਲੋਕ ਉਸ ਦੀਆਂ ਗਤੀਵਿਧੀਆਂ ਨੂੰ ਕੱਟੜਪੰਥੀਆਂ ਅਤੇ ਉਨ੍ਹਾਂ ਲੋਕਾਂ ਨੂੰ ਲੀਕ ਕਰ ਸਕਦੇ ਹਨ ਜੋ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇ ਰਹੇ ਹਨ। ਪੁਲੀਸ ਕਮਿਸ਼ਨਰ ਕੌਸਤੁਭ ਸ਼ਰਮਾ ਨੇ ਕਿਹਾ ਕਿ ਉਹ ਮਾਮਲੇ ਦੀ ਜਾਂਚ ਕਰਕੇ ਕਾਰਵਾਈ ਕਰਨਗੇ।
ਮੰਗਲਵਾਰ ਨੂੰ ਪੁਲਿਸ ਨੇ ਮੰਡ ਦੇ ਪੰਜ ਸੁਰੱਖਿਆ ਕਰਮਚਾਰੀਆਂ ਨੂੰ ਡਿਊਟੀ ਤੋਂ ਗੈਰਹਾਜ਼ਰ ਪਾਏ ਜਾਣ ਤੋਂ ਬਾਅਦ ਬਦਲ ਦਿੱਤਾ ਸੀ। ਬਦਲੇ ਵਿੱਚ ਮੰਡ ਨੂੰ ਨਵੇਂ ਗੰਨਮੈਨ ਮਿਲ ਗਏ। ਮੰਡ ਨੇ ਕਿਹਾ ਕਿ ਜਦੋਂ ਮੈਂ ਆਪਣੀ ਸੁਰੱਖਿਆ 'ਚ ਤਾਇਨਾਤ ਪੁਲਸ ਮੁਲਾਜ਼ਮਾਂ ਦੀ ਬਾਈਕ 'ਤੇ ਭਿੰਡਰਾਂਵਾਲੇ ਦੀ ਤਸਵੀਰ ਦੇਖੀ ਤਾਂ ਮੈਂ ਹੈਰਾਨ ਰਹਿ ਗਿਆ। ਇਸ ਤੋਂ ਇਲਾਵਾ ਪੁਲਿਸ ਵਾਲੇ ਆਪਣੇ ਮੋਬਾਈਲ ਫ਼ੋਨ 'ਤੇ ਭਿੰਡਰਾਂਵਾਲੇ ਦੀ ਤਾਰੀਫ਼ ਵਾਲੇ ਗੀਤ ਚਲਾ ਰਹੇ ਸਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
