ਇਨ੍ਹਾਂ ਰਸਤਿਆਂ ਤੋਂ ਆਓ ਸੁਲਤਾਨਪੁਰ ਲੋਧੀ
ਜਲੰਧਰ ਤੇ ਨੇੜੇ ਤੇੜੇ ਦੇ ਲੋਕਾਂ ਨੂੰ ਸਭ ਤੋਂ ਸੌਖਾ ਰਾਹ ਹੋਵੇਗਾ ਕਾਲਾ ਸੰਘਿਆ ਰੋਡ ਵੱਲੋਂ। ਕਾਲਾ ਸੰਘਿਆ ਰੋਡ ਵੱਲੋਂ ਆਉਣ ਤੇ ਕਈ ਥਾਂ ਪਾਰਕਿੰਗ ਦਾ ਇੰਤਜ਼ਾਮ ਕੀਤਾ ਗਿਆ ਹੈ। ਇਸ ਰੋਡ ਉੱਤੇ ਤੁਹਾਨੂੰ ਅੰਡਰਬ੍ਰਿਜ ਉੱਤੇ ਦੋ ਰਸਤੇ ਮਿਲਣਗੇ। ਜੇਕਰ ਤੁਸੀਂ ਗੁਰੂਦੁਆਰਾ ਬੇਰ ਸਾਹਿਬ ਸ਼ਹਿਰ ਵਿੱਚੋਂ ਜਾਣਾ ਚਾਹੁੰਦੇ ਹੋ ਜਾਂ ਦੂਜੇ ਪਾਸਿਉਂ ਇਹੋ ਰਸਤਾ ਹੈ।
ਚੰਡੀਗੜ੍ਹ: ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਦਿਹਾੜੇ ਨੂੰ ਲੈ ਕੇ ਸੁਲਤਾਨਪੁਰ ਲੋਧੀ ਦੀਆਂ ਤਸਵੀਰਾਂ ਵੇਖਦਿਆਂ ਹੀ ਬਣਦੀਆਂ ਹਨ। ਜੇ ਤੁਸੀਂ ਸੁਲਤਾਨਪੁਰ ਲੋਧੀ ਜਾਣ ਬਾਰੇ ਸੋਚ ਰਹੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਫਾਇਦੇਮੰਦ ਹੈ। ਇਸ ਵਿੱਚ ਤੁਹਾਨੂੰ ਦੱਸਾਂਗੇ ਕਿ ਕਿਸ ਰਸਤੇ ਰਾਹੀਂ ਸੁਲਤਾਨਪੁਰ ਲੋਧੀ ਜਾਇਆ ਜਾਏ।
ਸੁਲਤਾਨਪੁਰ ਲੋਧੀ ਸੰਗਤ ਦੇ ਸਵਾਗਤ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਸੁਲਤਾਨਪੁਰ ਲੋਧੀ ਜਾਣ ਲਈ ਮੁੱਖ ਤੌਰ ਉੱਤੇ ਤਿੰਨ ਰਸਤੇ ਹਨ। ਪੰਜਾਬ ਸਰਕਾਰ ਵੱਲੋਂ ਬਣਾਈਆਂ ਗਈਆਂ ਤਿੰਨੋ ਟੈਂਟ ਸਿਟੀ ਸ਼ਹਿਰ ਦੇ ਤਿੰਨ ਪਾਸੇ ਹਨ। ਸੁਲਤਾਨਪੁਰ ਲੋਧੀ ਲਈ ਜਲੰਧਰ, ਕਪੂਰਥਲਾ ਤੇ ਗੋਇੰਦਵਾਲ ਵਾਲੇ ਪਾਸਿਉਂ ਆਇਆ ਜਾ ਸਕਦਾ ਹੈ।
ਜਲੰਧਰ ਤੇ ਨੇੜੇ ਤੇੜੇ ਦੇ ਲੋਕਾਂ ਨੂੰ ਸਭ ਤੋਂ ਸੌਖਾ ਰਾਹ ਹੋਵੇਗਾ ਕਾਲਾ ਸੰਘਿਆ ਰੋਡ ਵੱਲੋਂ। ਕਾਲਾ ਸੰਘਿਆ ਰੋਡ ਵੱਲੋਂ ਆਉਣ ਤੇ ਕਈ ਥਾਂ ਪਾਰਕਿੰਗ ਦਾ ਇੰਤਜ਼ਾਮ ਕੀਤਾ ਗਿਆ ਹੈ। ਇਸ ਰੋਡ ਉੱਤੇ ਤੁਹਾਨੂੰ ਅੰਡਰਬ੍ਰਿਜ ਉੱਤੇ ਦੋ ਰਸਤੇ ਮਿਲਣਗੇ। ਜੇਕਰ ਤੁਸੀਂ ਗੁਰੂਦੁਆਰਾ ਬੇਰ ਸਾਹਿਬ ਸ਼ਹਿਰ ਵਿੱਚੋਂ ਜਾਣਾ ਚਾਹੁੰਦੇ ਹੋ ਜਾਂ ਦੂਜੇ ਪਾਸਿਉਂ ਇਹੋ ਰਸਤਾ ਹੈ।
ਗੋਇੰਦਵਾਲ ਸਾਹਿਬ ਤੇ ਸੁਲਤਾਨਪੁਰ ਲੋਧੀ ਦੇ ਪਿੰਡਾਂ ਵਿੱਚੋਂ ਆਉਣ ਵਾਲਿਆਂ ਨੂੰ ਟੈਂਟ ਸਿਟੀ ਇੱਕ ਵੱਲੋਂ ਰਸਤਾ ਸੌਖਾ ਹੋਵੇਗਾ। ਪੁਲਿਸ ਨਾਕੇ ਤੱਕ ਗੱਡੀਆਂ ਵਿੱਚ ਜਾਇਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਇੱਕ ਪਾਸੇ ਟੈਂਟ ਸਿਟੀ ਤੇ ਦੂਜੇ ਪਾਸੇ ਪੰਜਾਬ ਸਰਕਾਰ ਦਾ ਪੰਡਾਲ ਹੈ। ਇੱਥੇ ਈ-ਰਿਕਸ਼ਾ ਰਾਹੀਂ ਜਿੱਥੇ ਵੀ ਜਾਣਾ ਹੋਵੇ ਜਾਇਆ ਜਾ ਸਕਦਾ ਹੈ। ਇਹ ਈ-ਰਿਕਸ਼ਾ ਇੱਕ ਪੁਆਇੰਟ ਤੋਂ ਦੂਜੇ ਪੁਆਇੰਟ ਤੱਕ ਹੀ ਚੱਲਦੇ ਹਨ। ਇਸ ਨਾਲ ਇੱਕ ਸੜਕ ਉੱਤੇ ਸਿਰਫ ਓਨਾ ਹੀ ਟ੍ਰੈਫਿਕ ਰਹਿੰਦਾ ਹੈ।
ਈ-ਰਿਕਸ਼ਾ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਚੱਲ ਰਹੇ ਹਨ। ਇਨ੍ਹਾਂ ਰਿਕਸ਼ਿਆਂ ਰਾਹੀਂ ਤੁਸੀਂ ਪੂਰੇ ਸੁਲਤਾਨਪੁਰ ਲੋਧੀ ਵਿੱਚ ਘੁੰਮ ਸਕਦੇ ਹੋ। ਏਬੀਪੀ ਸਾਂਝਾ ਦੇ ਕੌਰਸਪੌਂਡੇਂਟ ਨੇ ਇਨ੍ਹਾਂ ਈ-ਰਿਕਸ਼ਿਆਂ ਵਿੱਚ ਸਫਰ ਕਰਕੇ ਸੁਲਤਾਨਪੁਰ ਲੋਧੀ ਦੀਆਂ ਖਾਸ ਤਸਵੀਰਾਂ ਨੂੰ ਆਪਣੇ ਕੈਮਰਿਆਂ ਵਿੱਚ ਕੈਪਚਰ ਕੀਤਾ ਹੈ।
ਸੁਲਤਾਨਪੁਰ ਲੋਧੀ ਆਉਣ ਲਈ ਤੀਜਾ ਰਸਤਾ ਹੈ ਜਲੰਧਰ ਦੇ ਲੋਹੀਆਂ ਵੱਲੋ। ਇੱਧਰ ਵੀ ਇੱਕ ਟੈਂਟ ਸਿਟੀ ਹੈ। ਲੋਹੀਆਂ ਅੱਡੇ ਤੱਕ ਆਪਣੀਆਂ ਗੱਡੀਆਂ ਰਾਹੀਂ ਆਇਆ ਜਾ ਸਕਦਾ ਹੈ ਇਸ ਤੋਂ ਅੱਗੇ ਸੂਬਾ ਸਰਕਾਰ ਦੀਆਂ ਫ੍ਰੀ ਬੱਸਾਂ ਅਤੇ ਇਲੈਕਟ੍ਰਿਕ ਰਿਕਸ਼ਾ ਚੱਲ ਰਹੇ ਹਨ। ਇਨ੍ਹਾਂ ਰਾਹੀਂ ਬੇਰ ਸਾਹਿਬ ਅਤੇ ਹੋਰ ਗੁਰੂਦੁਆਰਾ ਸਾਹਿਬਾਂ ਵਿੱਚ ਜਾਇਆ ਜਾ ਸਕਦਾ ਹੈ।ੇ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
