ਵਿਧਾਇਕ ਜ਼ੀਰਾ ਦੇ ਘਰ ਦੇ ਬਾਹਰ ਨਹੀਂ ਲੱਗਾ ਕੁਆਰੰਟੀਨ ਨੋਟਿਸ, ਕੱਲ ਆਈ ਸੀ ਕੋਰੋਨਾ ਪੌਜ਼ੇਟਿਵ ਰਿਪੋਰਟ
ਵਿਧਾਇਕ ਕੁਲਬੀਰ ਜ਼ੀਰਾ ਦੇ ਘਰ ਬਾਹਰ ਸਿਹਤ ਵਿਭਾਗ ਵੱਲੋਂ ਪੋਸਟਰ ਨਹੀਂ ਲਗਾਇਆ ਗਿਆ ਹੈ।ਵਿਧਾਇਕ ਕੁਲਬੀਰ ਜ਼ੀਰਾ 28 ਅਗਸਤ ਯਾਨੀ ਸ਼ੁਕਰਵਾਰ ਨੂੰ ਕੋਰੋਨਾਵਾਇਰਸ ਨਾਲ ਪੌਜ਼ੇਟਿਵ ਟੈਸਟ ਕੀਤੇ ਗਏ ਸੀ।
ਚੰਡੀਗੜ੍ਹ: ਵਿਧਾਇਕ ਕੁਲਬੀਰ ਜ਼ੀਰਾ ਦੇ ਘਰ ਬਾਹਰ ਸਿਹਤ ਵਿਭਾਗ ਵੱਲੋਂ ਪੋਸਟਰ ਨਹੀਂ ਲਗਾਇਆ ਗਿਆ ਹੈ।ਵਿਧਾਇਕ ਕੁਲਬੀਰ ਜ਼ੀਰਾ 28 ਅਗਸਤ ਯਾਨੀ ਸ਼ੁਕਰਵਾਰ ਨੂੰ ਕੋਰੋਨਾਵਾਇਰਸ ਨਾਲ ਪੌਜ਼ੇਟਿਵ ਟੈਸਟ ਕੀਤੇ ਗਏ ਸੀ।ਦਸ ਦੇਈਏ ਕਿ ਜ਼ੀਰਾ ਨੇ ਪਹਿਲਾਂ ਰੈਪਿਡ ਟੈਸਟ ਕਰਵਾਇਆ ਸੀ ਜਿਸ ਦੀ ਰਿਪੋਰਟ ਨੈਗੇਟਿਵ ਆਈ ਸੀ ਅਤੇ ਉਨ੍ਹਾਂ ਨੂੰ ਵਿਧਾਨ ਸਭਾ ਸੈਸ਼ਨ 'ਚ ਐਂਟਰੀ ਮਿਲ ਗਈ ਸੀ।ਪਰ ਸੈਸ਼ਨ ਤੋਂ ਬਾਅਦ ਜ਼ੀਰਾ ਦੀ ਕੋਰੋਨਾ ਰਿਪੋਰਟ ਪੌਜ਼ੇਟਿਵ ਪਾਈ ਗਈ।
ਵਿਧਾਇਕ ਜ਼ੀਰਾ ਬੀਤੇ ਕੱਲ ਵਿਧਾਨ ਸਭਾ ਸੈਸ਼ਨ 'ਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਵੀ ਮਿਲੇ ਸੀ।ਜਿਸ ਤੋਂ ਬਾਅਦ ਕੈਪਟਨ ਨੇ ਆਪਣੇ ਆਪ ਨੂੰ ਸੱਤ ਦਿਨਾਂ ਦੇ ਲਈ ਹੋਮ ਕੁਆਰੰਟੀਨ ਕਰ ਲਿਆ।ਦਸ ਦੇਈਏ ਕਿ ਜ਼ੀਰਾ ਵਲੋਂ 25 ਅਗਸਤ ਨੂੰ ਕੋਰੋਨਾ ਟੈਸਟ ਕਰਵਾਇਆ ਗਿਆ ਸੀ ਜਿਸ ਦੀ ਰਿਪੋਰਟ ਵਿਧਾਨ ਸਭਾ ਸੈਸ਼ਨ ਸ਼ੁਰੂ ਹੋਣ ਤੱਕ ਨਹੀਂ ਆਈ ਸੀ। ਜਿਸ ਤੋਂ ਬਾਅਦ ਸੈਸ਼ਨ 'ਚ ਸ਼ਾਮਲ ਹੋਣ ਲਈ ਜ਼ੀਰਾ ਨੇ 28 ਅਗਸਤ ਸਵੇਰੇ 9 ਵਜੇ ਮੁੱੜ ਤੋਂ ਕੋਰੋਨਾ ਟੈਸਟ ਕਰਵਾਇਆ ਜਿਸ ਦੀ ਰਿਪੋਰਟ ਨੈਗੇਟਿਵ ਆ ਗਈ ਅਤੇ ਇਸ ਰਿਪੋਰਟ ਦੇ ਆਧਾਰ ਤੇ ਵਿਧਾਇਕ ਨੂੰ ਸੈਸ਼ਨ 'ਚ ਐਂਟਰੀ ਮਿਲ ਗਈ।
ਜਿਸ ਤੋਂ ਬਾਅਦ ਦੁਪਹਿਰ ਸਾਢੇ 12 ਵਜੇ 25 ਅਗਸਤ ਵਾਲੇ ਟੈਸਟ ਦੀ ਰਿਪੋਰਟ ਸਾਹਮਣੇ ਆਈ ਜਿਸ ਵਿੱਚ ਜ਼ੀਰਾ ਕੋਰੋਨਾਵਾਇਰਸ ਨਾਲ ਪੌਜ਼ੇਟਿਵ ਟੈਸਟ ਕੀਤੇ ਗਏ।ਜਿਸ ਤੋਂ ਬਾਅਦ ਜ਼ੀਰਾ ਨੂੰ ਵਿਧਾਨ ਸਭਾ 'ਚ ਸੂਚਿਤ ਕੀਤਾ ਗਿਆ ਅਤੇ ਉਹ ਸੈਸ਼ਨ ਨੂੰ ਵਿਚਾਲੇ ਹੀ ਛੱਡ ਐਮਐਲਏ ਹੋਸਟਲ ਪਹੁੰਚੇ। ਨਿਯਮ ਮਤੁਾਬਿਕ ਜ਼ੀਰਾ ਦੇ ਘਰ ਦੇ ਬਾਹਰ ਸਿਹਤ ਵਿਭਾਗ ਵਲੋਂ ਕੁਆਰੰਟੀਨ ਨੋਟਿਸ ਲਾਉਣਾ ਚਾਹੀਦਾ ਸੀ।ਪਰ ਅਜੇ ਤੱਕ ਕੋਈ ਕੁਆਰੰਟੀਨ ਨੋਟਿਸ ਜ਼ੀਰਾ ਦੇ ਘਰ ਬਾਹਰ ਨਹੀਂ ਲਾਇਆ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
