ਸੰਗਰੂਰ: ਪੰਜਾਬ ਵਿੱਚ ਹਰ ਦਿਨ ਵੱਧ ਰਹੇ ਕੋਰੋਨਾ ਦੇ ਵਧ ਰਹੇ ਮਾਮਲਿਆਂ ਨੂੰ ਲੈ ਕੇ ਸੰਗਰੂਰ ਦੇ ਗੋਬਿੰਦਗੜ ਜੇਜੀਆਂ ਪਿੰਡ ਦੀ ਪੰਚਾਇਤ ਨੇ ਆਪਣੇ ਹੀ ਪਿੰਡ ਵਿੱਚ ਇੱਕ 30 ਬੈੱਡ ਦਾ ਕੋਵਿਡ ਕੇਅਰ ਸੇਂਟਰ ਬਣਾਇਆ ਹੈ ਜਿੱਥੇ ਮੁਫਤ ਕੋਰੋਨਾ ਮਰੀਜ਼ਾ ਦਾ ਇਲਾਜ ਕੀਤਾ ਜਾਵੇਗਾ।
ਸੰਗਰੂਰ ਦੇ ਗੋਬਿੰਦਗੜ ਜੇਜੀਆਂ ਪਿੰਡ ਦੀ ਤੀਵੀਂ ਸਰਪੰਚ ਕਮਲਜੀਤ ਕੌਰ ਨੇ ਆਲੇ ਦੁਆਲੇ ਦੇ ਪਿੰਡਾਂ ਵਿੱਚ ਵੱਧ ਰਹੇ ਕੋਰੋਨਾ ਕੇਸਾਂ ਅਤੇ ਲੋਕਾਂ ਦੀ ਆਰਥਿਕ ਹਾਲਤ ਨੂੰ ਧਿਆਨ ‘ਚ ਰਖਦਿਆਂ ਆਪਣੇ ਪਿੰਡ ਦੇ ਇੱਕ ਵੱਡੇ ਹਾਲ ਵਿੱਚ 30 ਬੈੱਡਾਂ ਦਾ ਕੋਵਿਡ ਕੇਅਰ ਸੇਂਟਰ ਬਣਾਇਆ ਹੈ। ਜਿੱਥੇ ਇੱਕ ਡਾਕਟਰ ਪਾਣੀ, ਪੰਖੇ ਅਤੇ ਆਕਸੀਜਨ ਸਿਲੇਂਡਰ ਦੇ ਨਾਲ ਐਂਬੁਲੇਂਸ ਦਾ ਪ੍ਰਬੰਧ ਵੀ ਕੀਤਾ ਜਾ ਰਿਹਾ ਹੈ। ਇਸ ਬਾਰੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਹੁਣ ਤੱਕ ਸਾਡੇ ਪਿੰਡ ਵਿੱਚ ਕੋਈ ਕੇਸ ਸਾਹਮਣੇ ਨਹੀਂ ਆਇਆ ਪਰ ਆਸਪਾਸ ਦੇ ਇਲਾਕਿਆਂ ਵਿੱਚ ਕੋਰੋਨਾ ਕੇਸਾਂ ਨੂੰ ਵੇਖਦੇ ਹੋਏ ਇਹ ਕਦਮ ਚੁੱਕਿਆ ਗਿਆ ਹੈ।
ਇਸ ਦੇ ਨਾਲ ਹੀ ਪਿੰਡ ਦੀ ਸਰਪੰਚ ਕਮਲਜੀਤ ਕੌਰ ਨੇ ਕਿਹਾ ਕਿ ਪਿੰਡ ਵਿੱਚ ਵੀ ਦੋ-ਤਿੰਨ ਲੋਕਾਂ ਦੀ ਆਕਸੀਜਨ ਦੀ ਕਮੀ ਕਰਕੇ ਮੌਤ ਹੋ ਗਈ ਇਸ ਲਈ ਅਸੀਂ ਇੱਥੇ ਖੁੱਲੇ ਜਗ੍ਹਾ ਵਿੱਚ 30 ਬੈੱਡ ਲਗਾਏ ਹਨ ਤਾਂ ਜੋ ਸਭ ਤੋਂ ਪਹਿਲਾਂ ਮਰੀਜ਼ ਦਾ ਇਲਾਜ਼ ਇੱਥੇ ਕੀਤਾ ਜਾਵੇ। ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਇੱਥੇ ਇੱਕ ਡਾਕਟਰ ਮੌਕੇ ‘ਤੇ ਮੌਜੂਦ ਰਹੇਗਾ।
ਉੱਥੇ ਆਪਣੀ ਸੇਵਾ ਨਿਭਾ ਰਹੇ ਡਾਕਟਰ ਨੇ ਕਿਹਾ ਕਿ ਕਈ ਲੋਕ ਡਰ ਕਰਕੇ ਹਸਪਤਾਲ ਨਹੀਂ ਜਾਂਦੇ ਇਸ ਲਈ ਅਸੀਂ ਇਹ ਕੇਅਰ ਸੇਂਟਰ ਬਣਾਇਆ ਹੈ। ਜੇਕਰ ਕਿਸੇ ਨੂੰ ਕੋਈ ਮੁਸ਼ਕਿਲ ਹੋਵੇਗੀ ਤਾਂ ਉਸਨੂੰ ਇੱਥੇ ਰੱਖਿਆ ਜਾਵੇਗਾ। ਇਸ ਦ ਨਾਲ ਹੀ ਇੱਥੇ ਇੱਕ ਐਂਬੁਲੇਂਸ ਆਕਸੀਜਨ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ ਜੋ ਕਿ ਇੱਕ-ਦੋ ਦਿਨ ਵਿੱਚ ਆ ਜਾਵੇਗੀ। ਜਿਸਦੇ ਚਲਦੇ ਲੋੜ ਪੈਣ ‘ਤੇ ਮਰੀਜ਼ ਨੂੰ ਵੱਡੇ ਹਸਪਤਾਲ ਵਿੱਚ ਪਹੁੰਚਾਇਆ ਜਾ ਸਕੇਗਾ।
ਪਿੰਡ ਦੀ ਪੰਚਾਇਤ ਵਲੋਂ ਆਪਣੇ ਪਿੰਡ ਦੇ ਕੋਰੋਨਾ ਮਰੀਜ਼ਾਂ ਲਈ ਚੁੱਕੇ ਗਏ ਕਦਮ ਕਾਬਿਲੇ ਤਾਰੀਫ ਹੈ। ਅਜਿਹਾ ਹੀ ਹਰ ਪਿੰਡ ਨੂੰ ਆਪਣੇ ਪਿੰਡ ਵਿੱਚ ਕਿਸੇ ਖੁੱਲੀ ਥਾਂ ਦੀ ਵਰਤੋਂ ਕਰਦਿਆਂ ਕਰਨਾ ਚਾਹੀਦਾ ਹੈ। ਇਸ ਨਾਲ ਲੋਕਾਂ ‘ਚ ਡਰ ਦਾ ਮਾਹੌਲ ਪੈਦਾ ਨਹੀਂ ਹੋਵੇਗਾ ਅਤੇ ਪ੍ਰਸ਼ਾਸਨ ਨੂੰ ਵੀ ਅਜਿਹੇ ਲੋਕਾਂ ਦਾ ਸਾਥ ਦੇਣਾ ਚਾਹੀਦਾ ਹੈ ਤੇ ਇਨ੍ਹਾਂ ਨੂੰ ਕਿਸੇ ਵੀ ਚੀਜ਼ ਦੀ ਜ਼ਰੂਰਤ ਪੈਣ ‘ਤੇ ਮੌਕੇ ‘ਤੇ ਮੁਹਈਆ ਕਰਵਾਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ: Corona ਬਾਰੇ ਨਵੇਂ ਖੁਲਾਸੇ ਨੇ ਦੁਨੀਆ ਭਰ 'ਚ ਮਚਾਈ ਤਰਥੱਲੀ! ਕੁਦਰਤੀ ਕਹਿਰ ਨਹੀਂ ਸਗੋਂ ਮਨੁੱਖ ਵੱਲੋਂ ਤਿਆਰ biological weapon?
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin