ਆਮ ਆਦਮੀ ਪਾਰਟੀ 'ਤੇ ਭੜਕੇ ਪਰਗਟ ਸਿੰਘ, ਬੋਲੇ, 'ਤੁਸੀਂ ਵੀ ਮੀਡੀਆ ਦੀ ਆਜ਼ਾਦੀ ਨੂੰ ਦਬਾਉਣ ਲਈ ਮੋਦੀ ਤੋਂ ਘੱਟ ਨਹੀਂ ਕਰ ਰਹੇ'

ਜਲੰਧਰ ਦੇ ਕੈਂਟ ਹਲਕੇ ਤੋਂ ਕਾਂਗਰਸੀ ਵਿਧਾਇਕ ਪਰਗਟ ਸਿੰਘ ਨੇ ਆਮ ਆਦਮੀ ਪਾਰਟੀ ਦੀ ਦਿੱਲੀ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਟਵੀਟ ਕਰਕੇ 'ਆਪ' ਸੁਪਰੀਮੋ ਉੱਪਰ ਗੰਭੀਰ ਇਲਜ਼ਾਮ ਲਾਏ ਹਨ।

pargat singh

ਅੰਮ੍ਰਿਤਪਾਲ ਸਿੰਘ ਦੀ ਰਿਪੋਰਟ
ਚੰਡੀਗੜ੍ਹ: ਜਲੰਧਰ ਦੇ ਕੈਂਟ ਹਲਕੇ ਤੋਂ ਕਾਂਗਰਸੀ ਵਿਧਾਇਕ ਪਰਗਟ ਸਿੰਘ ਨੇ ਆਮ ਆਦਮੀ ਪਾਰਟੀ ਦੀ ਦਿੱਲੀ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਟਵੀਟ ਕਰਕੇ 'ਆਪ' ਸੁਪਰੀਮੋ ਉੱਪਰ ਗੰਭੀਰ ਇਲਜ਼ਾਮ ਲਾਏ ਹਨ। ਪਰਗਟ ਸਿੰਘ ਨੇ ਟਵੀਟ ਕਰਦਿਆਂ ਲਿਖਿਆ..

ਕੇਜਰੀਵਾਲ ਜੀ ਦਾ ਪਾਖੰਡ- ArvindKejriwal ਕਹਿ ਰਹੇ ਹਨ ਕਿ PM ਮੋਦੀ ਦੇ ਪ੍ਰੈੱਸ ਇੰਚਾਰਜ ਪੱਤਰਕਾਰਾਂ ਨੂੰ ਖਬਰਾਂ ਨਾ ਲਾਉਣ ਲਈ ਧਮਕੀਆਂ ਦਿੰਦੇ ਹਨ। ਕੇਜਰੀਵਾਲ ਜੀ ਪੰਜਾਬ ਵਿੱਚ ਤੁਸੀਂ ਵੀ ਉਹੀ ਕਰਦੇ ਹੋ। ਪੱਤਰਕਾਰਾਂ ਦੀਆਂ ਖਬਰਾਂ ਨੂੰ ਡਿਲੀਟ/ਐਡਿਟ ਕਰਵਾਉਣ ਲਈ ਡਰਾ ਧਮਕਾ ਕੇ ਵਿਰੋਧੀ ਧਿਰ ਨੂੰ ਬਲੈਕਆਊਟ ਕਰਨ ਤੋਂ ਰੋਕਿਆ ਜਾਂਦਾ ਹੈ। 

केजरीवाल जी की दोगलापंती-@ArvindKejriwal कह रहे है PM मोदी के प्रेस इंचार्ज पत्रकारों को खबर ना लगाने के लिए धमकाते है।
केजरीवाल जी पंजाब में आपके द्वारा रखे हुए आयूशी,दिव्या,आदिल,दीपक बाली भी पत्रकारों के साथ यही करते हैं।धमका कर खबरें डिलीट/एडिट करवाना,विपक्ष को ब्लैकाउट(1/3) pic.twitter.com/zD6s54T0oR

— Pargat Singh (@PargatSOfficial) September 20, 2022

ਉਨ੍ਹਾਂ ਅੱਗੇ ਕਿਹਾ ਹੈ ਕਿ ਵਿਰੋਧੀ ਦੇ ਟਵੀਟਸ ਤੇ ਬਿਆਨਾਂ ਨੂੰ ਕਵਰ ਕਰਨ ਤੋਂ ਰੋਕਿਆ ਜਾਂਦਾ ਹੈ। ਕਾਨਫਰੰਸ ਨੂੰ ਲਾਈਵ ਹੋਣ ਤੋਂ ਰੋਕਿਆ ਗਿਆ ਹੈ। ਕੇਜਾਰੀਵਾਲ ਜੀ ਤੁਸੀਂ ਵੀ ਮੀਡੀਆ ਦੀ ਅਜ਼ਾਦੀ ਨੂੰ ਦਬਾਉਣ ਲਈ ਮੋਦੀ ਤੋਂ ਘੱਟ ਨਹੀਂ ਕਰ ਰਹੇ। ਪਹਿਲਾਂ ਪੰਜਾਬ ਵਿੱਚ ਆਪਣੇ ਗੁੰਡਿਆਂ ਨੂੰ ਰੋਕੋ। ਇਸ ਲਈ ਤੁਹਾਨੂੰ ਪੰਜਾਬ ਵਿੱਚ "ਛੋਟਾ ਮੋਦੀ" ਵੀ ਕਿਹਾ ਜਾਂਦਾ ਹੈ।

ਉਨ੍ਹਾਂ ਕਿਹਾ ਕਿ ਵੱਡੀ ਗੱਲ ਇਹ ਹੈ ਕਿ ਕਈ ਜ਼ਮੀਨੀ ਪੱਧਰ ਦੇ ਪੱਤਰਕਾਰਾਂ ਦੀਆਂ ਇਨ੍ਹਾਂ ਸੰਚਾਲਕਾਂ ਦੀਆਂ ਵਟਸਐਪ ਕਾਲਾਂ ਦੀ ਵੀਡੀਓ ਰਿਕਾਰਡਿੰਗ ਵੀ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਮੈਂ 'ਸੂਚਨਾ ਤੇ ਲੋਕ ਸੰਪਰਕ' ਵਿਭਾਗ ਦੇ ਉਨ੍ਹਾਂ ਅਧਿਕਾਰੀਆਂ ਤੇ ਕਰਮਚਾਰੀਆਂ ਨੂੰ ਇਹ ਵੀ ਕਹਿਣਾ ਚਾਹੁੰਦਾ ਹਾਂ ਕਿ ਅਗਲੀ ਵਾਰ ਤੁਹਾਡਾ ਨਾਮ ਲਿਖਿਆ ਜਾਵੇਗਾ ਤੇ ਉਨ੍ਹਾਂ ਸਭ ਨੂੰ ਕਿਹਾ ਕਿ ਗਲਤ ਕੰਮਾਂ ਵਿੱਚ ਉਨ੍ਹਾਂ ਦਾ ਸਾਥ ਨਾ ਦਿਓ।

 

ਦੱਸ ਦਈਏ ਕਿ ਕੁਝ ਦਿਨ ਪਹਿਲਾ ਵੀ ਪ੍ਰਗਟ ਸਿੰਘ ਨੇ ਟਵੀਟ ਕਰਦਿਆਂ ਲਿਖਿਆ ਕਿ'ਪੰਜਾਬ ਵਿੱਚ ਦਿੱਲੀ ਮਾਡਲ....

ਪੰਜਾਬ ਵਿੱਚ ਪੰਜ ਮਹੀਨਿਆਂ ਤੋਂ ਮੈਡੀਕਲ ਸੇਵਾਵਾਂ ਠੱਪ ਪਈਆਂ ਹਨ, ਕਿਸੇ ਹਸਪਤਾਲ, ਡਿਸਪੈਂਸਰੀ ਵਿੱਚ ਦਵਾਈ ਨਹੀਂ ਹੈ। ਸਟਾਫ ਪੂਰਾ ਨਹੀਂ ਹੈ। ਸਿਹਤ ਮੰਤਰੀ ਦੇ ਆਪਣੇ ਜ਼ਿਲ੍ਹੇ ਦੇ ਸਰਕਾਰੀ ਹਸਪਤਾਲਾਂ ਵਿੱਚ ਕਈ ਮਹੀਨਿਆਂ ਤੋਂ ਦਵਾਈਆਂ ਖਤਮ ਹੋ ਚੁੱਕੀਆਂ ਹਨ।' ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਭਗਵੰਤ ਮਾਨ ਤੰਜ਼ ਕਸਦਿਆ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਹਰਿਆਣਾ ਚ ਪ੍ਰਚਾਰ ਕਰਨ 'ਚ ਵਿਆਸਤ ਹਨ।

दिल्ली मॉडल पंजाब में

-पंजाब में पाँच महीने से चिकित्सा सेवाएँ चरमरा गयी हैं,किसी अस्पताल ,डिस्पेंसरी में दवा नहीं है। स्टाफ़ पूरा नहीं है।
-सेहत मंत्री के अपने ज़िले के सरकारी अस्पतालों में कई महीनों से दवा ख़त्म हुई पड़ी है।@BhagwantMann जी हरियाणा के प्रचार में व्यस्त हैं। pic.twitter.com/m8Dbcz9wAF

— Pargat Singh (@PargatSOfficial) September 9, 2022