Bhagwant Mann Health: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਸਿਹਤ ਮੰਗਲਵਾਰ (17 ਸਤੰਬਰ) ਨੂੰ ਵਿਗੜ ਗਈ। ਚੰਡੀਗੜ੍ਹ ਏਅਰਪੋਰਟ 'ਤੇ ਜਹਾਜ਼ ਤੋਂ ਉਤਰਦੇ ਸਮੇਂ ਸੀਐਮ ਮਾਨ ਦਾ ਸੰਤੁਲਨ ਵਿਗੜ ਗਿਆ। ਭਗਵੰਤ ਮਾਨ ਕੁਝ ਸੈਕਿੰਡ ਲਈ ਹੇਠਾਂ ਬੈਠੇ ਅਤੇ ਫਿਰ ਖੜ੍ਹੇ ਹੋ ਗਏ। ਸੁਰੱਖਿਆ ਸਟਾਫ ਨੇ ਸੀਐਮ ਭਗਵੰਤ ਮਾਨ ਨੂੰ ਨੇੜੇ ਖੜ੍ਹੀ ਕਾਰ ਵਿੱਚ ਬਿਠਾਇਆ।
ਦਿੱਲੀ ਵਿੱਚ ਕਰਵਾ ਸਕਦੇ ਹਨ ਚੈਕਅੱਪ
ਚੰਡੀਗੜ੍ਹ 'ਚ ਮੁੱਖ ਮੰਤਰੀ ਨਿਵਾਸ 'ਤੇ ਭਗਵੰਤ ਮਾਨ ਨੂੰ ਡ੍ਰਿਪ ਲਗਾਈ ਗਈ। ਭਗਵੰਤ ਮਾਨ ਅੱਜ ਦੁਪਹਿਰ ਦਿੱਲੀ ਤੋਂ ਚੰਡੀਗੜ੍ਹ ਪਰਤੇ ਹਨ। ਸ਼ਾਮ ਨੂੰ ਉਨ੍ਹਾਂ ਨੂੰ ਦੁਬਾਰਾ ਦਿੱਲੀ ਬੁਲਾਇਆ ਗਿਆ ਸੀ। ਹੁਣ ਭਗਵੰਤ ਮਾਨ ਫਿਰ ਦਿੱਲੀ ਪਹੁੰਚ ਗਏ ਹਨ। ਭਗਵੰਤ ਮਾਨ ਅਪੋਲੋ, ਦਿੱਲੀ ਵਿਖੇ ਚੈਕਅੱਪ ਲਈ ਜਾ ਸਕਦੇ ਹਨ।
ਮੁੱਖ ਮੰਤਰੀ ਦੀ ਸਿਹਤ ਕਿਵੇਂ ਵਿਗੜ ਗਈ ਇਸ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਮਿਲ ਸਕੀ ਹੈ। ਜਦੋਂ ਦਿੱਲੀ ਦੇ ਮੁੱਖ ਮੰਤਰੀ (ਉਸ ਸਮੇਂ) ਅਰਵਿੰਦ ਕੇਜਰੀਵਾਲ ਨੂੰ ਤਿਹਾੜ ਤੋਂ ਰਿਹਾਅ ਕੀਤਾ ਗਿਆ ਸੀ, ਤਾਂ ਸੀਐਮ ਮਾਨ ਉਨ੍ਹਾਂ ਨੂੰ ਲੈਣ ਪਹੁੰਚੇ ਸਨ। ਇਸ ਦੌਰਾਨ ਦਿੱਲੀ ਵਿੱਚ ਮੀਂਹ ਪੈ ਰਿਹਾ ਸੀ। ਜੋ ਤਸਵੀਰਾਂ ਸਾਹਮਣੇ ਆਈਆਂ ਵਿੱਚ ਉਨ੍ਹਾਂ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਸੀਐਮ ਮਾਨ ਮੀਂਹ ਵਿੱਚ ਭਿੱਜ ਗਏ ਸੀ।
2022 ਵਿੱਚ ਹੋਣਾ ਪਿਆ ਸੀ ਹਸਪਤਾਲ ਵਿੱਚ ਭਰਤੀ
ਇਸ ਤੋਂ ਪਹਿਲਾਂ 2022 ਵਿੱਚ ਜਦੋਂ ਸੀਐਮ ਭਗਵੰਤ ਮਾਨ ਦੀ ਸਿਹਤ ਵਿਗੜ ਗਈ ਸੀ ਤਾਂ ਉਨ੍ਹਾਂ ਨੂੰ ਦਿੱਲੀ ਦੇ ਇੱਕ ਹਸਪਤਾਲ ਵਿੱਚ ਭਰਤੀ ਕਰਵਾਉਣਾ ਪਿਆ ਸੀ।