ਸੀਐਮ ਮਾਨ ਦੇ ਅੰਦਾਜ਼ 'ਚ ਵੜਿੰਗ ਨੇ ਚੁੱਕੇ ਸਵਾਲ, ਕਿਹਾ- 'ਸਰਕਾਰੇ ਓ ਸਰਕਾਰੇ ਉੱਠ ਕੇ ਦੇਖ ਆਲੇ-ਦੁਆਲੇ'

ਪੰਜਾਬ 'ਚ ਹੜ੍ਹਾਂ ਕਾਰਨ ਸਥਿਤੀ ਕਾਫੀ ਨਾਜ਼ੁਕ ਹੋ ਗਈ ਹੈ ਤੇ ਇਸ 'ਤੇ ਸਿਆਸਤ ਵੀ ਸ਼ੁਰੂ ਹੋ ਗਈ ਹੈ। ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਰਾਜ ਸਭਾ ਮੈਂਬਰ....

ਸੀਐਮ ਮਾਨ ਦੇ ਅੰਦਾਜ਼ 'ਚ ਵੜਿੰਗ ਨੇ ਚੁੱਕੇ ਸਵਾਲ

Punjab News : ਪੰਜਾਬ 'ਚ ਹੜ੍ਹਾਂ ਕਾਰਨ ਸਥਿਤੀ ਕਾਫੀ ਨਾਜ਼ੁਕ ਹੋ ਗਈ ਹੈ ਤੇ ਇਸ 'ਤੇ ਸਿਆਸਤ ਵੀ ਸ਼ੁਰੂ ਹੋ ਗਈ ਹੈ। ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਰਾਜ ਸਭਾ ਮੈਂਬਰ ਸੰਤ ਬਲਵੀਰ ਸਿੰਘ ਸੀਚੇਵਾਲ ਦੀ ਵੀਡੀਓ ਨੂੰ ਟੈਗ ਕਰਕੇ ਮੁੱਖ ਮੰਤਰੀ ਭਗਵੰਤ 'ਤੇ ਤੁਕਬੰਦੀ ਵਾਲੇ ਸ਼ਾਇਰੀ ਅੰਦਾਜ਼ 'ਚ ਤੰਜ ਕੱਸਿਆ ਹੈ।

ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨੇ ਟਵੀਟ ਕੀਤਾ ਅਤੇ ਲਿਖਿਆ- 'ਸਰਕਾਰੇ ਓ ਸਰਕਾਰੇ ਉਠਦੇ ਦੇਖ ਆਲੇ-ਦੁਆਲੇ, ਇੱਕ ਹੜ੍ਹਾਂ ਨੇ ਡੋਬਤਾ ਪੰਜਾਬ ਸਾਡਾ।' ਉਨ੍ਹਾਂ ਨੇ ਸੰਤ ਸੀਚੇਵਾਲ ਦੀ ਵੀਡੀਓ ਵੀ ਟੈਗ ਕੀਤੀ ਹੈ, ਜਿਸ ਵਿੱਚ ਉਹ ਡਰੇਨੇਜ ਵਿਭਾਗ 'ਤੇ ਸਵਾਲ ਚੁੱਕ ਰਹੇ ਹਨ।

 

ਸਰਕਾਰੇ ਓ ਸਰਕਾਰੇ
ਉੱਠ ਦੇਖ ਆਲੇ-ਦੁਆਲੇ,

ਇਕ ਹੜਾਂ ਨੇ ਡੋਬਤਾ ਪੰਜਾਬ ਸਾਡਾ,
ਦੂਜਾ ਮੁੱਖ ਮੰਤਰੀ ਸਾਹਿਬ ਤੁਹਾਡੀਆਂ ਮਸਖਰੀਆਂ ਨੇ ਮਾਰੇ।#Badlaav
‘ਮਸ਼ਹੂਰੀਆਂ ਵਾਲੀ ਸਰਕਾਰ’ pic.twitter.com/wL2IvXm710

— Amarinder Singh Raja Warring (@RajaBrar_INC) July 22, 2023

ਡਰੇਨੇਜ ਵਿਭਾਗ 'ਤੇ ਸੀਚੇਵਾਲ ਨੇ ਚੁੱਕੇ ਸਵਾਲ

ਰਾਜ ਸਭਾ ਮੈਂਬਰ ਸੰਤ ਬਲਬੀਰ ਸਿੰਘ ਸੀਚੇਵਾਲ ਵੱਲੋਂ ਜਲੰਧਰ ਦੀ ਤਹਿਸੀਲ ਲੋਹੀਆ ਅਧੀਨ ਪੈਂਦੀ ਧੱਕਾ ਬਸਤੀ ਨੇੜੇ ਗੱਟਾ ਮੰਡੀ ਕਾਸੋ ਵਿੱਚ ਟੁੱਟੇ ਧੁੱਸੀ ਬੰਨ੍ਹ ਦੇ ਨਿਰਮਾਣ ਨੂੰ ਲੈ ਕੇ ਵਿਵਾਦ ਸ਼ੁਰੂ ਹੋ ਗਿਆ ਹੈ। ਡਰੇਨੇਜ ਵਿਭਾਗ 'ਤੇ ਦੋਸ਼ ਹੈ ਕਿ ਸੀਚੇਵਾਲ ਉਨ੍ਹਾਂ ਨੂੰ ਕੰਮ ਨਹੀਂ ਕਰਨ ਦੇ ਰਹੇ ਹਨ ਪਰ ਸੰਤ ਸੀਚੇਵਾਲ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਵੀਡੀਓ ਬਣਾ ਕੇ ਇਸ ਦਾ ਜਵਾਬ ਦਿੱਤਾ ਹੈ।

ਵੀਡੀਓ 'ਚ ਉਹ ਮੀਟਿੰਗ ਵੀ ਦਿਖਾਈ ਦੇ ਰਹੇ ਹਨ, ਜਿਸ 'ਚ ਸੰਤ ਸੀਚੇਵਾਲ ਅਧਿਕਾਰੀਆਂ ਨੂੰ ਮੀਂਹ ਤੋਂ ਪਹਿਲਾਂ ਗਿੱਦੜਪਿੰਡੀ 'ਚ ਰੇਲਵੇ ਪੁਲ ਦੀ ਸਫਾਈ ਕਰਨ ਲਈ ਕਹਿ ਰਹੇ ਹਨ। ਜੋ ਮਿੱਟੀ ਇਕੱਠੀ ਹੋਈ ਹੈ, ਉਸ ਨੂੰ ਕੱਢਿਆ ਜਾਵੇ ਪਰ ਵਿਭਾਗ ਇਸ ਲਈ ਟੈਂਡਰ ਕੱਢ ਕੇ ਪੁੱਛ ਰਿਹਾ ਹੈ। ਸੰਤ ਸੀਚੇਵਾਲ ਨੇ ਜੋ ਵੀਡੀਓ ਜ਼ਾਰੀ ਕਿ ਹੈ ਉਸ ਵਿੱਚ ਕਿਹਾ ਕਿ ਡਰੇਨੇਜ ਵਿਭਾਗ ਟੈਂਡਰ ਹੀ ਨਹੀਂ ਕੱਢੇ ਸਕੇ ਤੇ ਪੁਲ਼ ਦੇ ਹੇਠਾਂ ਤੋਂ ਮਿੱਟੀ ਨਾ ਚੁੱਕ ਸਕਣ ਕਾਰਨ ਹੜ੍ਹ ਦਾ ਕਾਰਨ ਨਾ ਬਣੇ।

 

ਐਸਡੀਐਮ ਨੂੰ ਵੀ ਕਿਹਾ- ਜੇ ਉਹ ਧਿਆਨ ਦਿੰਦੇ ਤਾਂ ਹਾਲਾਤ ਇਹ ਨਾ ਹੁੰਦੇ

ਸੰਤ ਸੀਚੇਵਾਲ ਵੱਲੋਂ ਜਾਰੀ ਕੀਤੀ ਗਈ ਵੀਡੀਓ ਵਿੱਚ ਉਹ ਸ਼ਾਹਕੋਟ ਦੇ ਐਸਡੀਐਮ ਨਾਲ ਵੀ ਗੱਲ ਕਰ ਰਹੇ ਹਨ ਜਿੱਥੇ ਧੁੱਸੀ ਬੰਨ੍ਹ ਨੇੜੇ ਉਸਾਰੀ ਦਾ ਕੰਮ ਚੱਲ ਰਿਹਾ ਹੈ। ਉਹ ਐਸਡੀਐਮ ਨੂੰ ਇਹ ਵੀ ਕਹਿ ਰਹੇ ਹਨ ਕਿ ਜੇ ਉਨ੍ਹਾਂ ਧਿਆਨ ਦਿੱਤਾ ਹੁੰਦਾ ਤਾਂ ਅੱਜ ਇੱਥੇ ਇਹ ਸਥਿਤੀ ਨਾ ਹੁੰਦੀ। ਪੁਲ ਦੇ ਹੇਠਾਂ ਸਫ਼ਾਈ ਨਾ ਹੋਣ ਕਾਰਨ ਸਾਰਾ ਇਲਾਕਾ ਪਾਣੀ ਵਿੱਚ ਡੁੱਬ ਗਿਆ ਹੈ। ਉਹਨਾਂ ਨੇ ਵਿਭਾਗ ਨੂੰ ਆਪਣੇ ਤੌਰ ’ਤੇ ਮਿੱਟੀ ਕੱਢਣ ਲਈ ਵੀ ਕਿਹਾ ਸੀ ਪਰ ਵਿਭਾਗ ਨਹੀਂ ਮੰਨਿਆ।