ਸੰਯੁਕਤ ਸਮਾਜ ਮੋਰਚੇ ਵੱਲੋਂ 35 ਹੋਰ ਉਮੀਦਵਾਰਾ ਦਾ ਐਲਾਨ

ਸੰਯੁਕਤ ਸਮਾਜ ਮੋਰਚਾ ਨੇ ਅੱਜ 35 ਹੋਰ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਹੈ।ਇਸ ਦੇ ਨਾਲ ਹੀ ਸੰਯੁਕਤ ਸਮਾਜ ਮੋਰਚਾ ਹੁਣ ਤੱਕ 92 ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕਰ ਚੁੱਕਾ ਹੈ

Balbir Singh Rajewal

ਚੰਡੀਗੜ੍ਹ: ਸੰਯੁਕਤ ਸਮਾਜ ਮੋਰਚਾ ਨੇ ਅੱਜ 35 ਹੋਰ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਹੈ।ਇਸ ਦੇ ਨਾਲ ਹੀ ਸੰਯੁਕਤ ਸਮਾਜ ਮੋਰਚਾ ਹੁਣ ਤੱਕ 92 ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕਰ ਚੁੱਕਾ ਹੈ।ਸੰਯੁਕਤ ਸਮਾਜ ਮੋਰਚਾ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੇ ਹੁਣ ਤੱਕ ਸਾਡੀ ਪਾਰਟੀ ਦੇ ਕਹਿਣ 'ਤੇ ਕੁਝ ਇਤਰਾਜ਼ ਕੀਤੇ ਹਨ।

ਬਲਬੀਰ ਸਿੰਘ ਰਾਜੇਵਾਲ ਨੇ ਇਲਜ਼ਾਮ ਲਾਉਂਦੇ ਕਿਹਾ ਕਿ, "ਆਮ ਆਦਮੀ ਪਾਰਟੀ ਦੇ ਲੋਕ ਸਾਡੀ ਪਾਰਟੀ ਨੂੰ ਰਜਿਸਟਰਡ ਨਹੀਂ ਹੋਣ ਦੇ ਰਹੇ ਹਨ।ਪਹਿਲਾਂ ਆਮ ਆਦਮੀ ਪਾਰਟੀ ਦੇ ਲੋਕ ਮੁੱਖ ਮੰਤਰੀ ਲਈ ਮੇਰਾ ਨਾਂ ਚਲਾਉਂਦੇ ਰਹੇ।ਜਦੋਂ ਮੈਂ ਉਨ੍ਹਾਂ ਨਾਲ ਗੱਲ ਕੀਤੀ ਤਾਂ ਮੈਂ ਉਨ੍ਹਾਂ ਨੂੰ ਕਿਹਾ ਕਿ ਤੁਸੀਂ ਕੁਝ ਗਲਤ ਲੋਕਾਂ ਨੂੰ ਟਿਕਟਾਂ ਦੇ ਰਹੇ ਹੋ, ਮੈਂ ਉਨ੍ਹਾਂ ਨੂੰ ਕਿਹਾ ਜੇ ਮੈਂਨੂੰ ਮੁੱਖ ਮੰਤਰੀ ਬਣਾਉਣਾ ਚਾਹੁੰਦੇ ਹੋ ਤਾਂ ਉਨ੍ਹਾਂ ਨੂੰ ਟਿਕਟਾਂ ਨਾ ਦਿਓ।"

ਰਾਜੇਵਾਲ ਨੇ ਕਿਹਾ, "ਹੁਣ ਤੱਕ ਅਸੀਂ ਕਈ ਪਾਰਟੀਆਂ ਦਾ ਸਮਰਥਨ ਕੀਤਾ ਹੈ।ਪਰ ਕਿਸੇ ਵੀ ਪਾਰਟੀ ਨੇ ਸਹੀ ਕੰਮ ਨਹੀਂ ਕੀਤਾ, ਜਿਸ ਕਾਰਨ ਸਾਨੂੰ ਚੋਣ ਮੈਦਾਨ ਵਿੱਚ ਉਤਰਨਾ ਪਿਆ।ਸਾਡੇ ਲੋਕ ਘਰ-ਘਰ ਪ੍ਰਚਾਰ ਕਰ ਰਹੇ ਹਨ।"

ਸੰਯੁਕਤ ਕਿਸਾਨ ਮੋਰਚਾ ਵੱਲੋਂ ਲੋਕਾਂ ਨੂੰ ਮੁਅੱਤਲ ਕੀਤੀ ਜਾਣ 'ਤੇ ਬੋਲਦੇ ਹੋਏ ਰਾਜੇਵਾਲ ਨੇ ਕਿਹਾ, " ਇਹ ਕਿਵੇਂ ਹੋ ਸਕਦਾ ਹੈ। ਜਿਹੜੇ ਸਾਨੂੰ ਬਾਹਰ ਕੱਢ ਰਹੇ ਹਨ, ਉਹ ਆਪ ਹੀ ਚੋਣਾਂ ਲੜ ਰਹੇ ਹਨ।ਯੋਗੇਂਦਰ ਯਾਦਵ ਖੁਦ ਚੋਣ ਲੜ ਚੁੱਕੇ ਹਨ।ਸ਼ਿਵਕੁਮਾਰ ਕੱਕਾ ਖੁਦ ਚੋਣ ਲੜ ਚੁੱਕੇ ਹਨ।ਪੱਛਮੀ ਬੰਗਾਲ ਦੇ ਹਨਾਨ ਮੋਲਾ ਖੁਦ ਚੋਣ ਲੜ ਚੁੱਕੇ ਹਨ।ਜਿਹੜੇ ਆਪ ਚੋਣ ਲੜ ਚੁੱਕੇ ਹਨ, ਉਹ ਅੱਜ ਸਾਡੇ 'ਤੇ ਕਾਰਵਾਈ ਕਿਵੇਂ ਕਰ ਸਕਦੇ ਹਨ? ਅਸੀਂ ਸੰਯੁਕਤ ਕਿਸਾਨ ਮੋਰਚੇ ਨਾਲ ਇੱਕੋ ਕਾਰਨ ਨਾਲ ਜੁੜੇ ਸੀ ਅਤੇ ਅੱਜ ਵੀ ਉਨ੍ਹਾਂ ਨਾਲ ਹਾਂ।"