ਆਹ ਕੀ ਗੱਲ ! ਚੋਰ ਖੋਲ੍ਹ ਨਹੀਂ ਸਕਿਆ ਤਿਜੋਰੀ ਤਾਂ ਕਰ ਗਿਆ ਵੈਲਡਿੰਗ , ਸੀਸੀਟੀਵੀ 'ਚ ਕੈਦ ਹੋਈਆਂ ਤਸਵੀਰਾਂ
ਚੋਰ ਕੰਧ ਤੋੜ ਕੇ ਡਾਕਖਾਨੇ ਵਿੱਚ ਦਾਖਲ ਹੋ ਕੇ ਸਟੋਰ ਰੂਮ ਵਿੱਚ ਰੱਖੀ ਸੇਫ਼ ਨੂੰ ਵੈਲਡਿੰਗ ਮਸ਼ੀਨ ਨਾਲ ਕੱਟਣ ਦੀ ਕੋਸ਼ਿਸ਼ ਕੀਤੀ ਪਰ ਸੇਫ਼ ਨੂੰ ਨਾ ਕੱਟੇ ਜਾਣ ’ਤੇ ਗੁੱਸੇ ਵਿੱਚ ਆ ਗਿਆ ਅਤੇ ਸੇਫ਼ ਨੂੰ ਵੈਲਡਿੰਗ ਕਰ ਦਿੱਤਾ।
Punjab news: ਘੁਮਾਣ ਦੇ ਪੁਰਾਣੇ ਥਾਣੇ ਦੀ ਇਮਾਰਤ ਦੇ ਨਾਲ ਲੱਗਦੇ ਡਾਕਖਾਨੇ ਵਿੱਚ ਵੈਲਡਿੰਗ ਮਸ਼ੀਨ ਨੂੰ ਤਿਜੋਰੀ ਕੱਟਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਤਿਜੋਰੀ ਨਾ ਖੁੱਲ੍ਹਣ ਤੋਂ ਗੁੱਸੇ ਵਿੱਚ ਆਏ ਚੋਰ ਨੇ ਵਾਲਟ ਨੂੰ ਹੀ ਵੈਲਡਿੰਗ ਕਰ ਦਿੱਤਾ। ਜਿਸ ਨੂੰ ਬਾਅਦ ਵਿੱਚ ਸਟਾਫ਼ ਵੱਲੋਂ ਕਟਰ ਨਾਲ ਕੱਟ ਕੇ ਖੋਲ੍ਹਿਆ ਗਿਆ।
ਥਾਣੇ ਦੀ ਕੰਧ ਤੋੜ ਕੇ ਆਏ ਚੋਰ
ਇਸ ਬਾਬਤ ਸਬ ਪੋਸਟ ਮਾਸਟਰ ਸੰਜੀਵ ਕੁਮਾਰ ਸ਼ਰਮਾ ਨੇ ਦੱਸਿਆ ਕਿ ਸ਼ਨੀਵਾਰ ਨੂੰ ਉਹ ਸਮੇਂ ਸਿਰ ਡਾਕਖਾਨਾ ਬੰਦ ਕਰਕੇ ਐਤਵਾਰ ਛੁੱਟੀ ਹੋਣ ਕਾਰਨ ਚਲੇ ਗਏ ਸਨ। ਸੋਮਵਾਰ ਨੂੰ ਜਦੋਂ ਉਹ ਸਟਾਫ਼ ਸਮੇਤ ਡਾਕਖਾਨੇ ਪੁੱਜੇ ਤਾਂ ਦੇਖਿਆ ਕਿ ਦਫ਼ਤਰ ਵਿੱਚ ਸਾਮਾਨ ਖਿਲਰਿਆ ਪਿਆ ਸੀ। ਜਦੋਂ ਮੈਂ ਸਟੋਰ ਰੂਮ ਵਿੱਚ ਗਿਆ ਤਾਂ ਦੇਖਿਆ ਕਿ ਡਾਕਖਾਨੇ ਦੇ ਨਾਲ ਲੱਗਦੇ ਪੁਰਾਣੇ ਥਾਣੇ ਦੀ ਇਮਾਰਤ ਦੀ ਸਾਈਡ ਦੀ ਕੰਧ ਟੁੱਟੀ ਹੋਈ ਸੀ।
ਚੋਰੀ ਨਾ ਕਰ ਸਕਿਆ ਤਾਂ ਆਇਆ ਗ਼ੁੱਸਾ
ਉਸ ਨੇ ਦੱਸਿਆ ਕਿ ਚੋਰ ਕੰਧ ਤੋੜ ਕੇ ਡਾਕਖਾਨੇ ਵਿੱਚ ਦਾਖਲ ਹੋ ਕੇ ਸਟੋਰ ਰੂਮ ਵਿੱਚ ਰੱਖੀ ਸੇਫ਼ ਨੂੰ ਵੈਲਡਿੰਗ ਮਸ਼ੀਨ ਨਾਲ ਕੱਟਣ ਦੀ ਕੋਸ਼ਿਸ਼ ਕੀਤੀ ਪਰ ਸੇਫ਼ ਨੂੰ ਨਾ ਕੱਟੇ ਜਾਣ ’ਤੇ ਗੁੱਸੇ ਵਿੱਚ ਆ ਗਿਆ ਅਤੇ ਸੇਫ਼ ਨੂੰ ਵੈਲਡਿੰਗ ਕਰ ਦਿੱਤਾ। ਉਸ ਨੇ ਦੱਸਿਆ ਕਿ ਸੇਫ ਵਿੱਚ 3 ਲੱਖ 85 ਹਜ਼ਾਰ ਰੁਪਏ ਸਨ, ਜੋ ਚੋਰੀ ਹੋਣ ਤੋਂ ਬਚ ਗਏ।
ਸੀਸੀਟੀਵੀ ਵਿੱਚ ਕੈਦ ਹੋਈਆਂ ਤਸਵੀਰਾਂ
ਇਸ ਤੋਂ ਬਾਅਦ ਮਕੈਨਿਕ ਨੂੰ ਬੁਲਾਇਆ ਗਿਆ ਅਤੇ ਕਟਰ ਨਾਲ ਸੇਫ ਨੂੰ ਖੋਲ੍ਹਿਆ ਗਿਆ। ਉਨ੍ਹਾਂ ਦੱਸਿਆ ਕਿ ਨੇੜੇ ਲੱਗੇ ਸੀ.ਸੀ.ਟੀ.ਵੀ ਕੈਮਰਿਆਂ ਵਿੱਚ ਚੋਰ ਪੁਰਾਣੇ ਥਾਣੇ ਦੀ ਇਮਾਰਤ ਵਿੱਚੋਂ ਬਾਹਰ ਨਿਕਲਦੇ ਨਜ਼ਰ ਆ ਰਹੇ ਹਨ। ਫਿਲਹਾਲ ਪੁਲਿਸ ਨੇ ਸੀਸੀਟੀਵੀ ਤਸਵੀਰਾਂ ਖੰਘਾਲਣੀਆਂ ਸ਼ੁਰੂ ਕਰ ਦਿੱਤੀ ਹੈ ਤੇ ਛੇਤੀ ਹੀ ਚੋਰ ਨੂੰ ਗ੍ਰਿਫ਼ਤਾਰ ਕਰਨ ਦਾ ਭਰੋਸਾ ਦਿੱਤਾ ਹੈ
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
