ਵਿਗਿਆਨੀਆਂ ਨੂੰ ਮਿਲਿਆ 160 ਸਾਲ ਪੁਰਾਣਾ ਪਾਣੀ, ਇਸ ਤਰ੍ਹਾਂ ਦਾ ਹੈ ਸਵਾਦ 

ਹਾਲ ਹੀ 'ਚ ਇਕ ਖ਼ਬਰ ਆਈ ਹੈ ਕਿ ਦੁਨੀਆ ਦਾ ਸਭ ਤੋਂ ਪੁਰਾਣਾ ਪਾਣੀ ਲੱਭਿਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਪਾਣੀ 160 ਕਰੋੜ ਸਾਲ ਪੁਰਾਣਾ ਹੈ। ਟੋਰਾਂਟੋ ਯੂਨੀਵਰਸਿਟੀ ਦੇ ਆਈਸੋਟੋਪ ਜਿਓਕੈਮਿਸਟਰੀ ਵਿਖੇ ਇਕ ਭੂ-ਰਸਾਇਣ ਵਿਗਿਆਨੀ ਦੁਆਰਾ ਇਸ ਦੀ ਖੋਜ ਕੀਤੀ ਗਈ ਹੈ ਅਤੇ ਪਾਣੀ ਨੂੰ ਕੈਨੇਡੀਅਨ ਸਾਇੰਸ ਐਂਡ ਟੈਕਨੋਲੋਜੀ ਮਿਊਜ਼ੀਅਮ 'ਚ ਰੱਖਿਆ ਗਿਆ ਹੈ। 

water

ਨਵੀਂ ਦਿੱਲੀ: ਹਾਲ ਹੀ 'ਚ ਇਕ ਖ਼ਬਰ ਆਈ ਹੈ ਕਿ ਦੁਨੀਆ ਦਾ ਸਭ ਤੋਂ ਪੁਰਾਣਾ ਪਾਣੀ ਲੱਭਿਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਪਾਣੀ 160 ਕਰੋੜ ਸਾਲ ਪੁਰਾਣਾ ਹੈ। ਟੋਰਾਂਟੋ ਯੂਨੀਵਰਸਿਟੀ ਦੇ ਆਈਸੋਟੋਪ ਜਿਓਕੈਮਿਸਟਰੀ ਵਿਖੇ ਇਕ ਭੂ-ਰਸਾਇਣ ਵਿਗਿਆਨੀ ਦੁਆਰਾ ਇਸ ਦੀ ਖੋਜ ਕੀਤੀ ਗਈ ਹੈ ਅਤੇ ਪਾਣੀ ਨੂੰ ਕੈਨੇਡੀਅਨ ਸਾਇੰਸ ਐਂਡ ਟੈਕਨੋਲੋਜੀ ਮਿਊਜ਼ੀਅਮ 'ਚ ਰੱਖਿਆ ਗਿਆ ਹੈ। 

 

ਦੱਸਿਆ ਜਾ ਰਿਹਾ ਹੈ ਕਿ ਇਹ ਧਰਤੀ ਦਾ ਹੁਣ ਤੱਕ ਦਾ ਸਭ ਤੋਂ ਪੁਰਾਣਾ ਪਾਣੀ ਹੈ। ਜਿਸ ਲੈਬ ਇਸ ਪਾਣੀ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਉਥੋਂ ਦੀ ਇਕ ਟੈਕਨੀਸ਼ੀਅਨ ਬਾਰਬਰਾ ਦੱਸਦੀ ਹੈ ਕਿ ਇਸ ਪਾਣੀ ਤੋਂ ਇਹ ਪਤਾ ਚਲਦਾ ਹੈ ਕਿ ਕੀ ਸੂਰਜੀ ਪ੍ਰਣਾਲੀ ਦੇ ਹੋਰ ਗ੍ਰਹਿਾਂ 'ਤੇ ਕਦੇ ਜੀਵਣ ਸੀ ਜਾਂ ਨਹੀਂ। ਇਸ ਪਾਣੀ ਦਾ ਸੁਆਦ ਬਹੁਤ ਜ਼ਿਆਦਾ ਨਮਕੀਨ ਹੁੰਦਾ ਹੈ। ਇਹ ਸਮੁੰਦਰੀ ਪਾਣੀ ਨਾਲੋਂ 10 ਗੁਣਾ ਵਧੇਰੇ ਨਮਕੀਨ ਹੈ। 

ਬਾਰਬਰਾ ਸ਼ੇਰਵੁੱਡ ਨੇ ਦੱਸਿਆ ਕਿ ਉਹ ਪਹਿਲੀ ਵਾਰ 1992 'ਚ ਟਿੰਮਿਨਸ ਗਈ ਸੀ। ਫਿਰ ਉਸ ਨੇ ਕਿਡ ਕਰੀਕ ਖਾਨ ਦੇ ਅੰਦਰ ਯਾਤਰਾ ਕੀਤੀ। 160 ਕਰੋੜ ਸਾਲ ਪੁਰਾਣੇ ਪਾਣੀ 'ਚ ਐਂਜੀਨੀਅਮ ਦਾ ਇਕ ਤੱਤ ਵੀ ਹੈ। ਇਸ ਵੇਲੇ ਪਾਣੀ ਦਾ ਇਹ ਨਮੂਨਾ ਓਟਾਵਾ ਦੇ ਕੈਨੇਡਾ ਦੇ ਵਿਗਿਆਨ ਅਤੇ ਤਕਨਾਲੋਜੀ ਅਜਾਇਬ ਘਰ ਵਿੱਚ ਰੱਖਿਆ ਗਿਆ ਹੈ। 

 

ਪਾਣੀ ਦਾ ਇਹ ਸੈਂਪਲ ਕੈਨੇਡਾ ਦੀ ਓਨਟਾਰੀਓ ਦੇ ਉੱਤਰ 'ਚ ਸਥਿਤ ਟਿਮਿਨਸ ਨਾਮਕ ਜਗ੍ਹਾ 'ਤੇ ਮੌਜੂਦ ਖਾਨ 'ਚੋਂ ਮਿਲਿਆ ਸੀ। ਇਹ ਖੋਜ ਕਿਡ ਕ੍ਰੀਕ ਵਿੱਚ ਮਾਈਕਰੋਬਿਅਲ ਲਾਈਫ ਹੋਣ ਦਾ ਸਿੱਧਾ ਪ੍ਰਮਾਣ ਦਿੰਦੀ ਹੈ। ਇਹ ਆਉਣ ਵਾਲੇ ਸਮੇਂ ਵਿੱਚ ਡੂੰਘੀਆਂ ਸਤਹਾਂ 'ਤੇ ਜੀਵਨ ਦੀਆਂ ਸੰਭਾਵਨਾਵਾਂ ਬਾਰੇ ਡੂੰਘਾਈ ਨਾਲ ਖੋਜ ਦੇ ਯੋਗ ਬਣਾਏਗਾ। ਇੰਨਾ ਹੀ ਨਹੀਂ, ਪਾਣੀ ਦੀ ਹੇਠਲੇ ਸਤਹ 'ਚ ਮੌਜੂਦ ਮਾਈਕ੍ਰੋਬਸ  ਦੇ ਜੀਵਨ ਚੱਕਰ ਦਾ ਪਤਾ ਲਗਾਇਆ ਜਾ ਸਕਦਾ ਹੈ।