ਹੁਣ ਘਰ ਬੈਠੇ ਹੀ ਮਿਲੇਗੀ ਸ਼ਰਾਬ, Swiggy ਨੇ ਸ਼ੁਰੂ ਕੀਤੀ ਹੋਮ ਡਿਲੀਵਰੀ

ਆਨਲਾਈਨ ਫੂਡ ਡਿਲਿਵਰੀ ਪਲੇਟਫਾਰਮ ਸਵਿਗੀ ਨੇ ਵੀ ਸ਼ਰਾਬ ਦੀ ਹੋਮ ਡਿਲੀਵਰੀ ਸ਼ੁਰੂ ਕਰ ਦਿੱਤੀ ਹੈ। ਸਵਿਗੀ ਨੇ ਇਹ ਵੀ ਦੱਸਿਆ ਕਿ ਉਹ ਸ਼ਰਾਬ ਘਰ ਪਹੁੰਚਾਉਣ ਦੀ ਸੇਵਾ ਸ਼ੁਰੂ ਕਰਨ ਲਈ ਕਈ ਸੂਬਾ ਸਰਕਾਰਾਂ ਨਾਲ ਗੱਤਬਾਤ ਦੀ ਐਡਵਾਂਸ ਸਟੇਜ ਵਿੱਚ ਹੈ।

ਨਵੀਂ ਦਿੱਲੀ: ਹੁਣ ਗਾਹਕ ਘਰ ਬੈਠੇ ਆਨਲਾਈਨ ਸ਼ਰਾਬ (online alcohol) ਮੰਗਵਾ ਸਕਦੇ ਹਨ ਤੇ ਕੁਝ ਹੀ ਮਿੰਟਾਂ ‘ਚ ਸ਼ਰਾਬ ਤੁਹਾਡੇ ਘਰ ਪਹੁੰਚਾਈ ਜਾਏਗੀ। ਸਵਿਗੀ (Swiggy) ਨੇ ਵੀਰਵਾਰ ਤੋਂ ਝਾਰਖੰਡ ਵਿੱਚ ਇੱਕ ਸ਼ਰਾਬ ਘਰ ਦੀ ਹੋਮ ਡਿਲੀਵਰੀ ਸ਼ੁਰੂ ਕੀਤੀ ਹੈ। ਇਸ ਤਰ੍ਹਾਂ ਝਾਰਖੰਡ ਦੇ ਲੋਕ ਹੁਣ ਘਰ ਤੋਂ ਸ਼ਰਾਬ ਮੰਗਵਾ ਸਕਦੇ ਹਨ। ਕੰਪਨੀ ਨੇ ਇਹ ਵੀ ਦੱਸਿਆ ਕਿ ਸ਼ਰਾਬ (alcohol) ਦੀ ਹੋਮ ਡਿਲੀਵਰੀ (home delivery) ਲਈ ਲਈ ਕਈ ਰਾਜ ਸਰਕਾਰਾਂ ਨਾਲ ਇਸ ਦੀ ਗੱਲਬਾਤ ਐਡਵਾਂਸ ਸਟੇਜ ਹੈ।

ਕੰਪਨੀ ਨੇ ਕਿਹਾ ਕਿ ਹੁਣ ਝਾਰਖੰਡ ਦੀ ਰਾਜਧਾਨੀ ਰਾਂਚੀ ਦੇ ਲੋਕ ਘਰ ਬੈਠ ਕੇ ਸ਼ਰਾਬ ਮੰਗ ਸਕਣਗੇ। ਇਸ ਲਈ, ਉਨ੍ਹਾਂ ਨੂੰ ਸਵਿਗੀ ਐਪ ਨੂੰ ਅਪਡੇਟ ਕਰਨਾ ਪਵੇਗਾ ਤੇ ਇਸ ਦੇ 'ਵਾਈਨ ਸ਼ਾਪਸ' ਕੈਟਾਗਿਰੀ ਵਿੱਚ ਜਾਣਾ ਹੋਵੇਗਾ। ਕੰਪਨੀ ਨੇ ਕਿਹਾ ਕਿ ਇਹ ਸੇਵਾ ਆਉਣ ਵਾਲੇ ਹਫਤੇ ਵਿੱਚ ਸੂਬੇ ਦੇ ਹੋਰ ਵੱਡੇ ਸ਼ਹਿਰਾਂ ਵਿੱਚ ਚਾਲੂ ਹੋ ਜਾਵੇਗੀ।

" ਮਹਾਮਾਰੀ ਦੀ ਸ਼ੁਰੂਆਤ ਤੋਂ ਹੀ ਸਵਿੱਗੀ ਨੇ ਗਾਹਕਾਂ ਦੀਆਂ ਮੁਸ਼ਕਲਾਂ ਨੂੰ ਹੱਲ ਕਰਨ ਤੇ ਸਥਾਨਕ ਸਰਕਾਰਾਂ ਨਾਲ ਹਰ ਢੰਗ ਨਾਲ ਸਹਿਯੋਗ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। "

-ਅਨੁਜ ਰਾਠੀ, ਸਵਿਗੀ ਦੇ ਉਪ-ਰਾਸ਼ਟਰਪਤੀ (ਉਤਪਾਦ)

ਸਵਿੱਗੀ ਨੇ ਦੱਸਿਆ ਕਿ ਹਰ ਵਾਈਨ ਆਰਡਰ ਦੇ ਨਾਲ ਇੱਕ ਓਟੀਪੀ ਹੋਵੇਗਾ ਤੇ ਜਦੋਂ ਗਾਹਕ ਓਟੀਪੀ ਦੱਸੇਗਾ ਉਸ ਨੂੰ ਵਾਈਨ ਦੀ ਹੋਮ ਡਿਲੀਵਰੀ ਉਦੋਂ ਹੀ ਹੋਏਗੀ। ਇਸ ਦੇ ਨਾਲ ਹੀ ਸਵਿਗੀ ਨੇ ਦੱਸਿਆ ਕਿ ਸ਼ਰਾਬ ਦੇ ਆਰਡਰ ‘ਚ ਸਰਕਾਰੀ ਨਿਯਮਾਂ ਮੁਤਾਬਕ ਮਾਤਰਾ ਦੀ ਇੱਕ ਹੀ ਲਿਮਟ ਹੋਵੇਗੀ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904