ਵਸੁੰਧਰਾ ਰਾਜੇ ਅਤੇ ਦੁਸ਼ਯੰਤ ਸਿੰਘ ਦੀ ਕੋਰੋਨਾ ਟੈਸਟ ਨੈਗਟਿਵ, ਕਨਿਕਾ ਕਪੂਰ ਦੀ ਪਾਰਟੀ ‘ਚ ਹੋਏ ਸੀ ਸ਼ਾਮਲ

ਕਨਿਕਾ ਕਪੂਰ ਦੇ ਸੰਕਰਮਿਤ ਹੋਣ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਵਸੁੰਧਰਾ ਰਾਜੇ ਅਤੇ ਦੁਸ਼ਯੰਤ ਸਿੰਘ ਨੇ ਆਪਣੇ ਆਪ ਨੂੰ ਆਈਸੋਲੇਸਨ ‘ਚ ਰੱਖਿਆ। ਹੁਣ ਦੋਵੇਂ ਨੇਤਾਵਾਂ ਦਾ ਕੋਰੋਨਾ ਟੈਸਟ ਨਕਾਰਾਤਮਕ ਆਇਆ ਹੈ।

ਨਵੀਂ ਦਿੱਲੀ: ਰਾਜਸਥਾਨ ਦੀ ਸਾਬਕਾ ਮੁੱਖ ਮੰਤਰੀ ਵਸੁੰਧਰਾ ਰਾਜੇ ਅਤੇ ਉਸ ਦੇ ਬੇਟੇ ਦੁਸ਼ਯੰਤ ਸਿੰਘ ਦਾ ਕੋਰੋਨਾ ਟੈਸਟ ਨਕਾਰਾਤਮਕ ਪਾਇਆ ਗਿਆ। ਦੋਵੇਂ ਆਗੂ ਲਖਨਉ ਵਿੱਚ ਇੱਕ ਪਾਰਟੀ ਵਿੱਚ ਗਏ ਹੋਏ ਸੀ ਅਤੇ ਗਾਇਕਾ ਕਨਿਕਾ ਕਪੂਰ ਵੀ ਇਸ ਪਾਰਟੀ ਵਿੱਚ ਮੌਜੂਦ ਸੀ। ਕਨਿਕਾ ਕਪੂਰ ਦੇ ਸੰਕਰਮਿਤ ਹੋਣ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਵਸੁੰਧਰਾ ਰਾਜੇ ਅਤੇ ਦੁਸ਼ਯੰਤ ਸਿੰਘ ਨੇ ਆਪਣੇ ਆਪ ਨੂੰ ਆਈਸੋਲੇਸ਼ਨ ‘ਚ ਰੱਖਿਆ। ਇੰਨਾ ਹੀ ਨਹੀਂ ਉੱਤਰ ਪ੍ਰਦੇਸ਼ ਸਰਕਾਰ ‘ਚ ਸਿਹਤ ਮੰਤਰੀ ਜੈ ਪ੍ਰਤਾਪ ਸਿੰਘ, ਕਾਂਗਰਸ ਨੇਤਾ ਜੀਤਿਨ ਪ੍ਰਸਾਦ, ਆਪਨਾ ਦਲ ਦੇ ਪ੍ਰਧਾਨ ਅਨੁਪ੍ਰਿਯਾ ਪਟੇਲ ਨੇ ਵੀ ਆਪਣੇ ਆਪ ਨੂੰ ਵੱਖ ਕਰ ਲਿਆ ਹੈ। ਦੋਵੇਂ ਆਗੂ ਪਾਰਟੀ ਵਿੱਚ ਸੀ, ਜਿੱਥੇ ਕਨਿਕਾ ਕਪੂਰ ਵੀ ਮੌਜੂਦ ਸੀ। ਉਸੇ ਸਮੇਂ ਟੀਐਮਸੀ ਦੇ ਸੰਸਦ ਮੈਂਬਰ ਡੇਰੇਕ ਓ ਬ੍ਰਾਇਨ ਨੇ ਵੀ ਆਪਣੇ ਆਪ ਨੂੰ ਆਈਸੋਲੇਟ ਕਰ ਲਿਆ, ਡੇਰੇਕ ਇੱਕ ਪ੍ਰੋਗਰਾਮ ‘ਚ ਦੁਸ਼ਯੰਤ ਦੇ ਕੋਲ ਬੈਠੇ ਸੀ। ਦੀਪੇਂਦਰ ਹੁੱਡਾ ਨੇ ਦੁਸ਼ਯੰਤ ਸਿੰਘ ਨਾਲ ਸੰਸਦ ‘ਚ ਰਾਤ ਦਾ ਖਾਣਾ ਵੀ ਖਾਧਾ, ਜਿਸ ਤੋਂ ਬਾਅਦ ਹੁੱਡਾ ਨੇ ਆਪਣੇ ਆਪ ਨੂੰ ਇਕੱਲਤਾ ‘ਚ ਰੱਖਿਆ।

ਕਿੰਗ ਜਾਰਜ ਮੈਡੀਕਲ ਯੂਨੀਵਰਸਿਟੀ ਦੇ ਬੁਲਾਰੇ ਡਾ. ਸੁਧੀਰ ਸਿੰਘ ਨੇ ਪੀਟੀਆਈ ਨੂੰ ਦੱਸਿਆ ਕਿ ਉੱਤਰ ਪ੍ਰਦੇਸ਼ ਦੇ ਸਿਹਤ ਮੰਤਰੀ ਜੈ ਪ੍ਰਤਾਪ ਸਿੰਘ ਦਾ ਕੋਵਿਡ -19 ਦਾ ਟੈਸਟ ਨਕਾਰਾਤਮਕ ਆਇਆ ਹੈ।