Weather Update: ਸਵੇਰ-ਸ਼ਾਮ ਠੰਡ ਦਾ ਕਹਿਰ ਜਾਰੀ, ਏਅਰ ਕਵਾਲਿਟੀ ਦੇ 'ਬਹੁਤ ਖਰਾਬ ਸ਼੍ਰੇਣੀ' 'ਤੇ ਹੋਣ ਦੀ ਸੰਭਾਵਨਾ
ਸਵੇਰੇ ਅਤੇ ਸ਼ਾਮ ਨੂੰ ਦਿੱਲੀ ਸਮੇਤ ਪੂਰੇ ਉੱਤਰ ਭਾਰਤ ਵਿੱਚ ਧੁੰਦ ਅਤੇ ਸ਼ੀਤ ਲਹਿਰ ਦਾ ਪ੍ਰਭਾਵ ਜਾਰੀ ਹੈ। ਦੁਪਹਿਰ ਨੂੰ ਸੂਰਜ ਦੇ ਖਿੜਨ ਨਾਲ ਰਾਹਤ ਮਹਿਸੂਸ ਹੁੰਦੀ ਹੈ, ਪਰ ਠੰਡ ਦੇ ਘੱਟਣ ਦੀ ਉਮੀਦ ਨਹੀਂ ਹੈ। ਆਉਣ ਵਾਲੇ ਦਿਨਾਂ 'ਚ ਠੰਡ ਫਿਰ ਵਧ ਸਕਦੀ ਹੈ।
ਸਵੇਰੇ ਅਤੇ ਸ਼ਾਮ ਨੂੰ ਦਿੱਲੀ ਸਮੇਤ ਪੂਰੇ ਉੱਤਰ ਭਾਰਤ ਵਿੱਚ ਧੁੰਦ ਅਤੇ ਸ਼ੀਤ ਲਹਿਰ ਦਾ ਪ੍ਰਭਾਵ ਜਾਰੀ ਹੈ। ਦੁਪਹਿਰ ਨੂੰ ਸੂਰਜ ਦੇ ਖਿੜਨ ਨਾਲ ਰਾਹਤ ਮਹਿਸੂਸ ਹੁੰਦੀ ਹੈ, ਪਰ ਠੰਡ ਦੇ ਘੱਟਣ ਦੀ ਉਮੀਦ ਨਹੀਂ ਹੈ। ਆਉਣ ਵਾਲੇ ਦਿਨਾਂ 'ਚ ਠੰਡ ਫਿਰ ਵਧ ਸਕਦੀ ਹੈ। ਰਾਜਧਾਨੀ ਦਿੱਲੀ ਦੀ ਹਵਾ ਦੀ ਗੁਣਵੱਤਾ ਪਹਿਲਾਂ ਹੀ 'ਬਹੁਤ ਮਾੜੀ' ਸ਼੍ਰੇਣੀ 'ਚ ਹੈ ਅਤੇ ਆਉਣ ਵਾਲੇ ਸਾਲਾਂ 'ਚ ਇਸ ਦੇ ਹੋਰ ਵਿਗੜਣ ਦੀ ਸੰਭਾਵਨਾ ਹੈ। ਮੌਸਮ ਵਿਭਾਗ ਵੱਲੋਂ ਕਿਹਾ ਗਿਆ ਹੈ ਕਿ ਆਉਣ ਵਾਲੇ 4-5 ਦਿਨਾਂ 'ਚ ਸ਼ਹਿਰ ਦਾ ਤਾਪਮਾਨ ਵੀ ਹੌਲੀ ਹੌਲੀ ਵਧੇਗਾ।
ਮੰਤਰਾਲੇ ਨੇ ਕਿਹਾ ਕਿ ਹਵਾ ਦੀ ਰਫਤਾਰ ਹੌਲੀ ਹੋਣ ਕਾਰਨ ਰਾਜਧਾਨੀ 'ਚ ਹਵਾ ਦੀ ਗੁਣਵਤਾ ਦੇ ਹੋਰ ਵਿਗੜਨ ਦੀ ਉਮੀਦ ਹੈ। ਹਾਲਾਂਕਿ, ਇਸ 'ਚ ਬਹੁਤ ਜ਼ਿਆਦਾ ਖਰਾਬੀ ਨਹੀਂ ਆਵੇਗੀ। ਅੱਜ ਅਤੇ ਕੱਲ੍ਹ, ਹਵਾ ਦੀ ਗੁਣਵੱਤਾ ਦੀ 'ਬਹੁਤ ਮਾੜੀ ਸ਼੍ਰੇਣੀ' ਦੇ ਆਖਰੀ ਪੁਆਇੰਟ 'ਤੇ ਰਹਿਣ ਦੀ ਸੰਭਾਵਨਾ ਹੈ।
ਮੌਸਮ ਵਿਭਾਗ ਦੇ ਅਨੁਸਾਰ, ਦਿਨ ਵੇਲੇ ਦਿੱਲੀ ਵਿੱਚ ਵੱਖ ਵੱਖ ਦਿਸ਼ਾਵਾਂ ਤੋਂ ਸਤਹ ਹਵਾਵਾਂ ਦੇ ਵਹਿਣ ਦੀ ਗਤੀ ਦਾ ਅਨੁਮਾਨ ਲਗਭਗ 8-12 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਲਗਾਇਆ ਜਾਂਦਾ ਹੈ, ਜਦਕਿ ਰਾਤ ਨੂੰ ਇਹ ਸ਼ਾਂਤਹੋ ਜਾਵੇਗੀ। ਵੀਰਵਾਰ ਨੂੰ ਹਵਾ 6-8 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਵਗਣ ਦੀ ਉਮੀਦ ਹੈ। ਦਿਨ ਵੇਲੇ ਹਵਾਵਾਂ ਦਾ ਹੌਲੀ ਵਹਾਅ ਅਤੇ ਰਾਤ ਵੇਲੇ ਉਨ੍ਹਾਂ ਦਾ ਸ਼ਾਂਤ ਰਹਿਣਾ ਪ੍ਰਦੂਸ਼ਕਾਂ ਦੇ ਪ੍ਰਭਾਵਸ਼ਾਲੀ ਫੈਲਣ ਦੇ ਅਨੁਕੂਲ ਨਹੀਂ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
