ਹੋਟਲ 'ਚ 243 ਰੋਬੋਟਾਂ ਨੌਕਰੀ 'ਤੇ ਰੱਖਿਆ, ਕੁਝ ਸਮੇਂ 'ਚ ਲਿਆਂਦਾ ਤੂਫਾਨ, 123 ਦੀ ਛਾਂਟੀ

ਟੋਕੀਓ: ਜਾਪਾਨ ਦੇ 'ਹੇਨ ਨਾ' ਦੁਨੀਆ ਦਾ ਪਹਿਲਾ ਅਜਿਹਾ ਹੋਟਲ ਹੈ ਜਿੱਥੇ ਲੋਕਾਂ ਦੀ ਸੁਵਿਧਾ ਲਈ 243 ਰੋਬੋਟ ਰੱਖੇ ਗਏ ਸੀ। ਇਸ ਦਾ ਨਾਂ ਗਿਨੀਜ਼ ਵਰਲਡ ਰਿਕਾਰਡਸ ‘ਚ ਵੀ ਦਰਜ ਕੀਤਾ ਗਿਆ ਹੈ ਪਰ ਲੋਕਾਂ ਨੂੰ ਇੱਥੇ ਸਟਾਫ ਰੋਬੋਟ ਤੋਂ ਕੁਝ ਦਿੱਕਤਾਂ ਆ ਰਹੀਆਂ ਸੀ ਜਿਸ ਕਾਰਨ ਹੋਟਲ ਵਿੱਚੋਂ 123 ਰੋਬੋਟ ਹਟਾ ਦਿੱਤੇ ਗਏ ਹਨ। ਜੀ ਹਾਂ, ਹੋਟਲ ‘ਚ ਆਉਣ ਵਾਲੇ ਗੈਸਟਾਂ ਮੁਤਾਬਕ ਰੋਬੋਟ ਉਨ੍ਹਾਂ ਨੂੰ ਨੀਂਦ ‘ਚ ਖਰਾਟੇ ਮਾਰਦੇ ਸਮੇਂ ਜਗਾ ਦਿੰਦੇ ਸੀ। ਉਧਰ ਕਰਮਚਾਰੀ ਓਵਰਟਾਈਮ ‘ਚ ਖ਼ਰਾਬ ਰੋਬੋਟਾਂ ਨੂੰ ਠੀਕ ਕਰਨ ਦਾ ਕੰਮ ਕਰਦੇ ਸੀ। ਇੱਕ ਸਟਾਫ ਮੈਂਬਰ ਦਾ ਕਹਿਣਾ ਹੈ ਕਿ ਰੋਬੋਟ ਆਉਣ ਨਾਲ ਉਨ੍ਹਾਂ ਦਾ ਕੰਮ ਕਾਫੀ ਅਸਾਨ ਹੋ ਗਿਆ ਸੀ, ਕਿਉਂਕਿ ਉਨ੍ਹਾਂ ਨੂੰ ਲੋਜਾਂ ਦੀ ਸਮੱਸਿਆਵਾਂ ਸੁਣਨ ਵਾਰ-ਵਾਰ ਜਾਣਾ ਨਹੀਂ ਪੈਂਦਾ ਸੀ। 2015 ‘ਚ ਇਹ ਹੋਟਲ ਜਾਪਾਨ ਦੇ ਸਾਸੇਬੋ ‘ਚ ਖੋਲ੍ਹਿਆ ਗਿਆ ਸੀ ਜਿਸ ਨੂੰ ਕਾਫੀ ਸ਼ੌਹਰਤ ਮਿਲੀ ਸੀ। ਸ਼ੁਰੂਆਤ ‘ਚ ਹੋਟਲ ‘ਚ 80 ਰੋਬੋਟ ਰੱਖੇ ਗਏ ਸੀ ਪਰ ਬਾਅਦ ‘ਚ ਇਨ੍ਹਾਂ ਦੀ ਗਿਣਤੀ ਵਧਾ ਦਿੱਤੀ ਗਈ ਸੀ। ਜਲਦੀ ਹੀ ਹੋਟਲ ‘ਚ ਸ਼ਿਕਾਇਤਾਂ ਆਉਣੀਆਂ ਸ਼ੁਰੂ ਹੋ ਗਈਆਂ। ਉਧਰ ਹੋਟਲ ਮਾਲਕ ਦਾ ਕਹਿਣਾ ਹੈ ਕਿ ਹੋਟਲ ‘ਚ ਰੋਬੋਟ ਰੱਖਣ ਦਾ ਆਈਡੀਆ ਉਸ ਦਾ ਨਹੀਂ ਸੀ। ਮੈਨੇਜ਼ਰਾਂ ਨੇ ਦੱਸਿਆ ਕਿ ਖ਼ਰਾਬ ਰਿਪੋਰਟ ਆਉਣ ਕਾਰਨ ਪੂਰੇ ਹੋਟਲ ਵਿੱਚੋਂ ਰੋਬੋਟ ਨੂੰ ਹਟਾ ਦਿੱਤਾ ਗਿਆ ਹੈ। ਇਸ ‘ਚ ਰਿਸੈਪਸ਼ਨ ‘ਤੇ ਖੜ੍ਹੇ ਰੋਬੋਟ ਨੂੰ ਵੀ ਹਟਾ ਦਿੱਤਾ ਹੈ ਕਿਉਂਕਿ ਉਹ ਗੈਸਟ ਨੂੰ ਫਲਾਈਟਸ ਦਾ ਸ਼ੈਡਿਊਲ ਤੇ ਹੋਰ ਸੁਵਿਧਾਵਾਂ ਮੁਹੱਈਆ ਨਹੀਂ ਕਰਵਾ ਪਾ ਰਹੇ ਸੀ। ਇਸ ਤੋਂ ਇਲਾਵਾ ਸਾਮਾਨ ਚੁੱਕਣ ਵਾਲੇ ਰੋਬੋਟ ਨੂੰ ਵੀ ਕੱਢ ਦਿੱਤਾ ਕਿਉਂਕਿ ਉਹ 100 ਵਿੱਚੋਂ ਸਿਰਫ 24 ਕਮਰਿਆਂ ‘ਚ ਹੀ ਜਾ ਪਾ ਰਿਹਾ ਸੀ।