ਇੱਕ ਹੋਰ ਗਿਆ...! ਅੱਤਵਾਦੀ ਮਸੂਦ ਅਜ਼ਹਰ ਦੇ ਕਰੀਬ ਏਜਾਜ਼ ਇਸਾਰ ਦੀ ਰਹੱਸਮਈ ਤਰੀਕੇ ਨਾਲ ਹੋਈ ਮੌਤ, ਅੱਤਵਾਦੀਆਂ 'ਚ ਡਰ ਦਾ ਮਾਹੌਲ !
ਜੈਸ਼-ਏ-ਮੁਹੰਮਦ ਦੇ ਚੋਟੀ ਦੇ ਕਮਾਂਡਰ ਅਤੇ ਮਸੂਦ ਅਜ਼ਹਰ ਦੇ ਕਰੀਬੀ ਸਹਿਯੋਗੀ ਅਬਦੁਲ ਏਜਾਜ਼ ਇਸਾਰ ਦੀ ਰਹੱਸਮਈ ਢੰਗ ਨਾਲ ਮੌਤ ਹੋ ਗਈ ਹੈ।
Jaish-e-Mohammed: ਜੈਸ਼-ਏ-ਮੁਹੰਮਦ ਦੇ ਸੈਂਟਰਲ ਕਮਾਂਡ ਮੈਂਬਰ ਅਤੇ ਚੋਟੀ ਦੇ ਕਮਾਂਡਰ ਅਬਦੁਲ ਏਜ਼ਾਜ਼ ਇਸਾਰ ਦੀ ਕੱਲ੍ਹ (2 ਜੂਨ) ਸਵੇਰੇ 10:30 ਵਜੇ ਅਣਜਾਣ ਕਾਰਨਾਂ ਕਰਕੇ ਮੌਤ ਹੋ ਗਈ। ਉਹ ਮਸੂਦ ਅਜ਼ਹਰ ਦਾ ਕਰੀਬੀ ਸੀ। ਜੈਸ਼ ਦੇ ਸੈਂਟਰਲ ਕਮਾਂਡ ਦੇ ਮੈਂਬਰ ਹੋਣ ਤੋਂ ਇਲਾਵਾ, ਅਬਦੁਲ ਏਜ਼ਾਜ਼ ਇਸਾਰ ਪੀਓਕੇ ਦੇ ਗਿਲਗਿਤ ਬਾਲਟਿਸਤਾਨ ਸੂਬੇ ਦੇ ਤੰਗਰ ਖੇਤਰ ਵਿੱਚ ਸਥਿਤ ਜੈਸ਼-ਏ-ਮੁਹੰਮਦ ਦੇ ਸਿਖਲਾਈ ਕੈਂਪ ਮਰਕਜ਼ ਤਲੀਮ ਦਾ ਮੁਖੀ ਵੀ ਸੀ।
ਬੀਤੀ ਰਾਤ 8:48 ਵਜੇ, ਅਬਦੁਲ ਏਜਾਜ਼ ਇਸਾਰ ਦੀ ਨਮਾਜ਼-ਏ-ਜਨਾਜ਼ਾ ਜੈਸ਼ ਦੇ ਹੈੱਡਕੁਆਰਟਰ ਮਰਕਜ਼ ਸੁਭਾਨਅੱਲ੍ਹਾ ਵਿਖੇ ਕੀਤੀ ਗਈ, ਜਿਸ ਤੋਂ ਬਾਅਦ ਉਸਨੂੰ ਮਰਕਜ਼ ਸੁਭਾਨਅੱਲ੍ਹਾ ਦੇ ਹੀ ਅਹਾਤੇ ਵਿੱਚ ਦਫ਼ਨਾਇਆ ਗਿਆ। 7 ਮਈ ਨੂੰ ਭਾਰਤੀ ਹਮਲੇ ਵਿੱਚ ਮਾਰੇ ਗਏ ਮਸੂਦ ਅਜ਼ਹਰ ਦੇ ਪਰਿਵਾਰਕ ਮੈਂਬਰਾਂ ਨੂੰ ਉੱਥੇ ਦਫ਼ਨਾਇਆ ਗਿਆ।
जैश-ए-मोहम्मद के सबसे कुख्यात वरिष्ठ नेता मौलाना अब्दुल अजीज इसर की मौत हो गई है उसकी मौत के कारण की पुष्टि नहीं हुई
— ADITI ARORA 💯% Follow Back. (@Aditii_Arora) June 3, 2025
उसका अंतिम संस्कार #Pakistan के बहावलपुर पंजाब में किया #TerroristStatePakistan#RussianUkraineWar #கலைஞர்102#TheRajaSaab#IPL2025Final#परमात्मा_की_पहचान pic.twitter.com/U80v2MrEWV
ਅਬਦੁਲ ਏਜਾਜ਼ ਇਸਾਰ ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਭੱਕਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ ਤੇ 90 ਦੇ ਦਹਾਕੇ ਤੋਂ ਮਸੂਦ ਅਜ਼ਹਰ ਨਾਲ ਜੁੜਿਆ ਹੋਇਆ ਸੀ। ਅਬਦੁਲ ਏਜਾਜ਼ ਇਸਾਰ ਮਸੂਦ ਅਜ਼ਹਰ ਦੇ ਨਜ਼ਦੀਕੀ ਸਾਥੀਆਂ ਵਿੱਚੋਂ ਇੱਕ ਸੀ ਅਤੇ ਉਸਦੀ ਜ਼ਿੰਮੇਵਾਰੀ ਗਿਲਗਿਤ ਬਾਲਟਿਸਤਾਨ ਵਿੱਚ ਜੈਸ਼-ਏ-ਮੁਹੰਮਦ ਦੇ ਸਿਖਲਾਈ ਕੈਂਪ ਦੀ ਨਿਗਰਾਨੀ ਕਰਨਾ, ਅੱਤਵਾਦੀਆਂ ਨੂੰ ਸਿਖਲਾਈ ਦੇਣਾ ਤੇ ਜੈਸ਼ ਵਿੱਚ ਗਿਲਗਿਤ ਬਾਲਟਿਸਤਾਨ ਦੇ ਬਹੁਤ ਸਾਰੇ ਨੌਜਵਾਨਾਂ ਨੂੰ ਜੇਹਾਦ ਦਾ ਸਬਕ ਸਿਖਾ ਕੇ ਭਰਤੀ ਕਰਨਾ ਸੀ।
ਆਪ੍ਰੇਸ਼ਨ ਸਿੰਦੂਰ ਹਾਲ ਹੀ ਵਿੱਚ ਭਾਰਤ ਦੁਆਰਾ ਸ਼ੁਰੂ ਕੀਤਾ ਗਿਆ ਇੱਕ ਮਜ਼ਬੂਤ ਮਿਸ਼ਨ ਸੀ, ਜਿਸਦਾ ਉਦੇਸ਼ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ (ਪੀਓਕੇ) ਅਤੇ ਪਾਕਿਸਤਾਨ ਵਿੱਚ ਸਰਗਰਮ ਅੱਤਵਾਦੀ ਸੰਗਠਨਾਂ ਦੇ ਠਿਕਾਣਿਆਂ 'ਤੇ ਸਰਜੀਕਲ ਹਮਲੇ ਕਰਨਾ ਸੀ। ਇਸ ਆਪ੍ਰੇਸ਼ਨ ਵਿੱਚ, ਜੈਸ਼ ਅਤੇ ਲਸ਼ਕਰ ਦੇ ਠਿਕਾਣਿਆਂ 'ਤੇ ਸਟੀਕ ਮਿਜ਼ਾਈਲ ਹਮਲੇ ਕੀਤੇ ਗਏ ਸਨ। ਖੁਫੀਆ ਜਾਣਕਾਰੀ ਅਤੇ ਸੈਟੇਲਾਈਟ ਇਮੇਜਰੀ ਰਾਹੀਂ ਠਿਕਾਣਿਆਂ ਦੀ ਪਛਾਣ ਕੀਤੀ ਗਈ ਸੀ ਅਤੇ ਸੀਮਤ ਪਰ ਬਹੁਤ ਪ੍ਰਭਾਵਸ਼ਾਲੀ ਫੌਜੀ ਕਾਰਵਾਈ ਕੀਤੀ ਗਈ ਸੀ। ਇਸ ਆਪ੍ਰੇਸ਼ਨ ਤੋਂ ਬਾਅਦ, ਨਾ ਸਿਰਫ ਅੱਤਵਾਦੀ ਠਿਕਾਣਿਆਂ ਨੂੰ ਤਬਾਹ ਕਰ ਦਿੱਤਾ ਗਿਆ, ਸਗੋਂ ਉਨ੍ਹਾਂ ਦੇ ਮਨੋਬਲ, ਭਰਤੀ ਪ੍ਰਕਿਰਿਆ ਅਤੇ ਪ੍ਰਚਾਰ ਮਸ਼ੀਨਰੀ 'ਤੇ ਡੂੰਘਾ ਮਨੋਵਿਗਿਆਨਕ ਪ੍ਰਭਾਵ ਪਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
