Wireless Power: ਹੁਣ ਹਰ ਘਰ 'ਚ ਹੋਵੇਗੀ ਵਾਇਰਲੈੱਸ ਬਿਜਲੀ, ਖੋਜੀ ਗਈ ਨਵੀਂ ਤਕਨੀਕ

Wireless Power: ਹੁਣ ਤੱਕ ਤੁਸੀਂ ਵਾਇਰਲੈੱਸ ਇੰਟਰਨੈੱਟ ਬਾਰੇ ਤਾਂ ਸੁਣਿਆ ਹੀ ਹੋਵੇਗਾ, ਜਿਸ ਦੀ ਬਹੁਤ ਜ਼ਿਆਦਾ ਵਰਤੋਂ ਕੀਤੀ ਜਾਂਦੀ ਹੈ ਪਰ ਹੁਣ ਵਾਇਰਲੈੱਸ ਬਿਜਲੀ ਵੀ ਮਿਲਣ ਜਾ ਰਹੀ ਹੈ।

ਇਲੈਕਟ੍ਰੀਸਿਟੀ

Wireless Power: ਹੁਣ ਤੱਕ ਤੁਸੀਂ ਵਾਇਰਲੈੱਸ ਇੰਟਰਨੈੱਟ ਬਾਰੇ ਤਾਂ ਸੁਣਿਆ ਹੀ ਹੋਵੇਗਾ, ਜਿਸ ਦੀ ਬਹੁਤ ਜ਼ਿਆਦਾ ਵਰਤੋਂ ਕੀਤੀ ਜਾਂਦੀ ਹੈ ਪਰ ਹੁਣ ਵਾਇਰਲੈੱਸ ਬਿਜਲੀ ਵੀ ਮਿਲਣ ਜਾ ਰਹੀ ਹੈ। ਜੀ ਹਾਂ ਤੁਸੀਂ ਸਹੀ ਪੜ੍ਹਿਆ ਹੈ। ਬਿਨਾਂ ਤਾਰਾਂ ਤੋਂ ਬਿਜਲੀ ਸਪਲਾਈ ਕਰਨ ਦਾ ਤਰੀਕਾ ਲੱਭਿਆ ਗਿਆ ਹੈ। ਇਸ ਦਾ ਸਫਲ ਪ੍ਰੀਖਣ ਵੀ ਕੀਤਾ ਗਿਆ ਹੈ। ਜੇਕਰ ਇਹ ਤਰੀਕਾ ਕਾਰਗਰ ਸਾਬਤ ਹੁੰਦਾ ਹੈ ਤਾਂ ਲੋਕਾਂ ਨੂੰ ਵਾਇਰਲੈੱਸ ਬਿਜਲੀ ਵੀ ਮਿਲਣੀ ਸ਼ੁਰੂ ਹੋ ਜਾਵੇਗੀ।

ਇਸ ਤਕਨੀਕ ਦੇ ਸਫਲ ਪ੍ਰੀਖਣ ਵਿੱਚ ਅਮਰੀਕਾ ਨੇ ਇੱਕ ਕਿਲੋਮੀਟਰ ਤੋਂ ਵੱਧ ਦੂਰੀ ਤੱਕ 1.6 ਕਿਲੋਵਾਟ ਬਿਜਲੀ ਸਪਲਾਈ ਕੀਤੀ ਹੈ। ਬਿਨਾਂ ਤਾਰਾਂ ਤੋਂ ਬਿਜਲੀ ਸਪਲਾਈ ਕਰਨ ਦਾ ਵਿਚਾਰ ਲਗਭਗ 100 ਸਾਲ ਪੁਰਾਣਾ ਹੈ। ਬਿਨਾਂ ਤਾਰਾਂ ਤੋਂ ਬਿਜਲੀ ਦੇਣ ਲਈ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਕਈ ਪ੍ਰੋਜੈਕਟ ਵੀ ਚਲਾਏ ਜਾ ਚੁੱਕੇ ਹਨ ਪਰ ਹੁਣ ਤੱਕ ਕਿਸੇ ਵੀ ਦੇਸ਼ ਵਿੱਚ ਪੂਰੀ ਤਰ੍ਹਾਂ ਕਾਮਯਾਬ ਨਹੀਂ ਹੋ ਸਕਿਆ ਹੈ। ਪਰ ਹੁਣ ਅਮਰੀਕਾ ਨੇ ਬਿਨਾਂ ਤਾਰਾਂ ਦੇ ਬਿਜਲੀ ਸਪਲਾਈ ਕਰਨ ਦਾ ਕਾਰਗਰ ਤਰੀਕਾ ਲੱਭ ਲਿਆ ਹੈ।

ਯੂਐਸ ਨੇਵਲ ਰਿਸਰਚ ਲੈਬਾਰਟਰੀ ਨੇ ਕੀਤਾ ਇਹ ਪ੍ਰੀਖਣ
ਯੂਐਸ ਨੇਵਲ ਰਿਸਰਚ ਲੈਬਾਰਟਰੀ (ਐਨਆਰਐਲ) ਨੇ ਮੈਰੀਲੈਂਡ ਵਿੱਚ ਯੂਐਸ ਆਰਮੀ ਰਿਸਰਚ ਫੀਲਡ ਵਿੱਚ 1 ਕਿਲੋਮੀਟਰ ਤੋਂ ਵੱਧ 1.6 ਕਿਲੋਵਾਟ ਬਿਜਲੀ ਦਾ ਸੰਚਾਰ ਕਰਨ ਲਈ ਮਾਈਕ੍ਰੋਵੇਵ ਬੀਮ ਦੀ ਵਰਤੋਂ ਕੀਤੀ। ਇਸ ਪ੍ਰੋਜੈਕਟ 'ਚ ਸ਼ਾਮਲ ਵਿਗਿਆਨੀ ਨੇ ਕਿਹਾ ਕਿ ਇਸ ਦਾ ਸਿਧਾਂਤ ਕਾਫੀ ਸਰਲ ਹੈ। ਬਿਜਲੀ ਮਾਈਕ੍ਰੋਵੇਵ ਵਿੱਚ ਬਦਲ ਜਾਂਦੀ ਹੈ। ਜਿਸ ਦੇ ਬਾਅਦ ਰੈਕਟੇਨਾ ਐਲੀਮੈਂਟ ਦੇ ਬਣੇ ਰਿਸੀਵਰ ਉੱਤੇ ਇੱਕ ਬੀਮ ਵਿੱਚ ਕੇਂਦਰਿਤ ਕੀਤਾ ਜਾਂਦਾ ਹੈ। ਇਹ ਇੱਕ ਬਹੁਤ ਹੀ ਸਧਾਰਨ Component ਹੈ। ਜਿਸ ਵਿੱਚ ਇੱਕ RF ਡਾਇਡ ਦੇ ਨਾਲ ਇੱਕ X-ਬੈਂਡ ਡਾਈਪੋਲ ਐਂਟੀਨਾ ਹੁੰਦਾ ਹੈ। ਜਦੋਂ ਮਾਈਕ੍ਰੋਵੇਵ ਰੀਕਟੇਨਾ ਨਾਲ ਟਕਰਾਉਂਦੇ ਹਨ, ਤਾਂ ਐਲੀਮੈਂਟ ਕਰੰਟ ਪੈਦਾ ਕਰਦੇ ਹਨ।

ਅਮਰੀਕੀ ਰੱਖਿਆ ਮੰਤਰਾਲਾ ਜਾਂਚ ਰਿਹਾ ਪ੍ਰੋਜੈਕਟ ਦੀ ਸੰਭਾਵਨਾ
ਐਡਵਾਂਸ ਕੰਸੈਪਟ ਗਰੁੱਪ ਦੇ ਮੁਖੀ ਕ੍ਰਿਸਟੋਫਰ ਰੋਡੇਨਬੇਕ ਦੀ ਅਗਵਾਈ ਵਾਲੀ NRL ਟੀਮ, ਨੂੰ ਰੱਖਿਆ ਵਿਭਾਗ ਵੱਲੋਂ ਇੱਕ ਸੁਰੱਖਿਅਤ ਅਤੇ ਨਿਰੰਤਰ ਪਾਵਰ ਬੀਮਿੰਗ-ਮਾਈਕ੍ਰੋਵੇਵ (SCOPE-M) ਪ੍ਰੋਜੈਕਟ ਵਿਕਸਿਤ ਕਰਨ ਦਾ ਕੰਮ ਸੌਂਪਿਆ ਗਿਆ ਸੀ। ਉਹਨਾਂ ਦਾ ਮਿਸ਼ਨ ਅਜਿਹੀ ਤਕਨਾਲੋਜੀ ਅਤੇ ਇਸਦੀ ਵਿਹਾਰਕਤਾ ਦੀ ਖੋਜ ਕਰਨਾ ਸੀ। ਸ਼ੁਰੂਆਤੀ ਸੰਦੇਹ ਦੇ ਬਾਵਜੂਦ, ਮਾਈਕ੍ਰੋਵੇਵ ਬੀਮਿੰਗ ਹੈਰਾਨੀਜਨਕ ਤੌਰ 'ਤੇ ਕੁਸ਼ਲ ਸਾਬਤ ਹੋਈ ਹੈ। ਅਜਿਹੇ 'ਚ ਇਸ ਤਕਨੀਕ 'ਤੇ ਹੋਰ ਕੰਮ ਕੀਤਾ ਜਾਵੇਗਾ।

ਨਿਕੋਲ ਟੇਸਲਾ 150 ਸਾਲ ਪਹਿਲਾਂ ਕੀਤੀ ਸੀ ਪਰਿਕਲਪਨਾ
ਟੇਸਲਾ 1890 ਦੇ ਦਹਾਕੇ ਵਿੱਚ ਤਾਰਾਂ ਤੋਂ ਬਿਨਾਂ ਬਿਜਲੀ ਦੀ ਸਪਲਾਈ ਦੀ ਕਲਪਨਾ ਕਰਨ ਵਾਲਾ ਪਹਿਲਾ ਵਿਅਕਤੀ ਸੀ। ਇਸ ਦੇ ਲਈ ਉਹਨਾਂ ਨੇ 'ਟੇਸਲਾ ਕੋਇਲ' ਨਾਂ ਦੇ ਟਰਾਂਸਫਾਰਮਰ ਸਰਕਟ 'ਤੇ ਵੀ ਕੰਮ ਕੀਤਾ। ਜਿਸ ਨੇ ਬਿਜਲੀ ਪੈਦਾ ਕੀਤੀ ਪਰ ਇਹ ਸਾਬਤ ਨਹੀਂ ਕਰ ਸਕਿਆ ਕਿ ਉਹ ਲੰਬੀ ਦੂਰੀ 'ਤੇ ਬਿਜਲੀ ਦੀ ਇੱਕ ਸ਼ਤੀਰ ਨੂੰ ਕੰਟਰੋਲ ਕਰ ਸਕਦਾ ਹੈ। ਉਦੋਂ ਤੋਂ, ਦੁਨੀਆ ਭਰ ਦੇ ਵਿਗਿਆਨੀ ਤਾਰਾਂ ਤੋਂ ਬਿਨਾਂ ਬਿਜਲੀ ਦੀ ਸਪਲਾਈ ਕਰਨ ਦਾ ਇੱਕ ਕੁਸ਼ਲ ਤਰੀਕਾ ਲੱਭ ਰਹੇ ਹਨ।