10 ਸਾਲ ਬਾਅਦ ਪਾਕਿਸਤਾਨ ਲਈ ਉਡਾਣ ਭਰੇਗਾ ਬ੍ਰਿਟਿਸ਼ ਏਅਰਵੇਜ਼

ਲੰਦਨ: ਸੁਰੱਖਿਆ ਕਾਰਨਾਂ ਕਰਕੇ ਬ੍ਰਿਟਿਸ਼ ਏਅਰਵੇਜ਼ ਨੇ 10 ਸਾਲ ਪਹਿਲਾਂ ਪਾਕਿਸਤਾਨ ਜਾਣ ਵਾਲਿਆਂ ਉਡਾਣਾਂ ਨੂੰ ਬੰਦ ਕਰ ਦਿੱਤਾ ਸੀ, ਪਰ ਹੁਣ ਉਨ੍ਹਾਂ ਨੇ ਆਪਣੇ ਇਸ ਫੈਸਲੇ ਨੂੰ ਬਦਲਣ ਦਾ ਫੈਸਲਾ ਲਿਆ ਹੈ। ਜੀ ਹਾਂ, ਬ੍ਰਿਟਿਸ਼ ਏਅਰਵੇਜ਼ ਇੱਕ ਵਾ ਰਫੇਰ ਪਾਕਿਸਤਾਨ ਵੱਲ ਆਪਣੀ ਫਲ਼ਾਈਟ ਸੇਵਾ ਨੂੰ ਬਹਾਲ ਕਰਨ ਦਾ ਐਲਾਨ ਕਰ ਚੁੱਕਿਆ ਹੈ। ਇਸ ਬਾਰੇ ਕੰਪਨੀ ਨੇ ਕਿਹਾ ਕਿ ਉਹ ਅਗਲੇ ਸਾਲ ਯਾਨੀ ਜੂਨ 2019 ਤੋਂ ਆਪਣੀ ਏਅਰ ਸਰਵਿਸਿਜ਼ ਦੀ ਸ਼ੁਰੂਆਤ ਕਰ ਰਿਹਾ ਹੈ। ਇਸ ਬਾਰੇ ਬ੍ਰਿਟਿਸ਼ ਹਾਈ ਕਮਿਸ਼ਨਰ ਥਾਮਸ ਡਰੂ ਨੇ ਕਿਹਾ ਕਿ ਇਸ ਨਾਲ ਯੂਕੇ ਅਤੇ ਪਾਕਿਸਤਾਨ ਦੇ ਵਿਚਕਾਰ ਵਪਾਰ ਨੂੰ ਉਤਸ਼ਾਹਿਤ ਕੀਤਾ ਜਾਵੇਗਾ। ਥਾਮਸ ਨੇ ਟਵਿੱਟਰ ‘ਤੇ ਇੱਕ ਵੀਡੀਓ ਸ਼ੇਅਰ ਕਰ ਕਿਹਾ "ਲੰਡਨ ਦੇ ਹੀਥਰੋ ਹਵਾਈ ਅੱਡੇ ਤੋਂ ਇਸਲਾਮਾਬਾਦ ਦੇ ਨਵੇਂ ਹਵਾਈ ਅੱਡੇ ਤੱਕ ਸਿੱਧੇ ਉਡਾਣਾਂ ਜੂਨ ਵਿੱਚ ਸ਼ੁਰੂ ਹੋ ਜਾਣਗੀਆਂ।"

British Airways returns to Pakistan. Direct flights from London Heathrow to Islamabad’s new airport start in June. A further boost to links between the UK and Pakistan - especially on trade and investment. @British_Airways pic.twitter.com/TGEjopOVx1

— Thomas Drew (@TomDrewUK) December 18, 2018

ਪਾਕਿਸਤਾਨੀ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦੇ ਮਾਨਵ ਸੰਸਾਧਨ ਵਿਕਾਸ ਵਿਸ਼ੇਸ਼ ਸਹਾਇਕ ਜੂਲਖੀ ਬੁਖਾਰੀ ਨੇ ਸੇਵਾਵਾਂ ਦੇ ਸ਼ੁਰੂ ਹੋਣ ਨੂੰ ਬੇਤਰਤੀਬ ਕਿਹਾ ਹੈ। ਬ੍ਰਿਟਿਸ਼ ਏਅਰਵੇਜ਼ ਨੇ ਸਤੰਬਰ 2008 ਵਿਚ ਮੈਰੀਓਟ ਹੋਟਲ ‘ਤੇ ਬੰਬ ਧਮਾਕਿਆਂ ਤੋਂ ਬਾਅਦ ਨਿਸ਼ਚਿਤ ਸਮੇਂ ਲਈ ਪਾਕਿਸਤਾਨ ਲਈ ਉਡਾਨਾਂ ਭਰਨੀਆਂ ਮੁਅੱਤਲ ਕੀਤਾ ਗਿਆ ਸੀ।