British PM Resigns: 50 ਤੋਂ ਵੱਧ ਮੰਤਰੀਆਂ ਦੇ ਅਸਤੀਫੇ ਤੋਂ ਬਾਅਦ ਬੋਰਿਸ ਜਾਨਸਨ ਵੀ ਕੁਰਸੀ ਛੱਡਣ ਨੂੰ ਤਿਆਰ

British PM Resigns: ਬ੍ਰਿਟਿਸ਼ ਮੀਡੀਆ ਰਿਪੋਰਟਸ ਮੁਤਾਬਕ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਅਸਤੀਫਾ ਦੇਣ ਨੂੰ ਤਿਆਰ ਹੋ ਗਏ ਹਨ।

Written By : abp sanjha | Edited By: sanjhadigital | Updated at : 07 Jul 2022 02:22 PM (IST)

ਬੋਰਿਸ ਜਾਨਸਨ

Source : Getty Images

British PM Resigns: ਬ੍ਰਿਟਿਸ਼ ਮੀਡੀਆ ਰਿਪੋਰਟਸ ਮੁਤਾਬਕ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਅਸਤੀਫਾ ਦੇਣ ਨੂੰ ਤਿਆਰ ਹੋ ਗਏ ਹਨ। ਸਕਾਈ ਨਿਊਜ਼ ਦੇ ਮੁਤਾਬਕ, ਬੋਰਿਸ ਜਾਨਸਨ ਸੈਕਸ ਸਕੈਂਡਲ ਵਿੱਚ ਪ੍ਰਧਾਨ ਮੰਤਰੀ ਦੀ ਕੁਰਸੀ ਗੁਆ ਬੈਠੇ ਹਨ।

ਸਕਾਈ ਨਿਊਜ਼ ਤੋਂ ਖਬਰ ਹੈ ਕਿ ਉਹ ਹੁਣ ਤੋਂ ਕੁਝ ਸਮੇਂ ਬਾਅਦ ਅਸਤੀਫੇ ਦਾ ਅਧਿਕਾਰਤ ਐਲਾਨ ਕਰ ਸਕਦੇ ਹਨ। ਸੈਕਸ ਸਕੈਂਡਲ ਅਤੇ ਸਾਰੇ ਦੋਸ਼ਾਂ ਵਿੱਚ ਬੋਰਿਸ ਘਿਰੇ ਹੋਏ ਸਨ । ਦੱਸ ਦਈਏ ਕਿ ਬੀਤੇ ਦਿਨ ਉਨ੍ਹਾਂ ਦੀ ਸਰਕਾਰ 'ਚ 50 ਤੋਂ ਜ਼ਿਆਦਾ ਅਸਤੀਫੇ ਦਿੱਤੇ ਜਾ ਚੁੱਕੇ ਹਨ। ਉਨ੍ਹਾਂ ਦੇ ਸਕੱਤਰ ਸਾਈਮਨ ਹਰਟ ਨੇ ਵੀ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜੌਹਨਸਨ 'ਤੇ ਕੁਰਸੀ ਛੱਡਣ ਦਾ ਦਬਾਅ ਵੀ ਕਾਫੀ ਵਧ ਗਿਆ। ਪਿਛਲੇ ਇੱਕ ਮਹੀਨੇ ਵਿੱਚ ਇਹ ਦੂਜੀ ਵਾਰ ਹੋਇਆ ਜਦੋਂ ਬੋਰਿਸ ਜਾਨਸਨ ਦੀ ਕੁਰਸੀ ਸੰਕਟ 'ਚ ਆ ਗਈ।

ਖਾਸ ਗੱਲ ਇਹ ਹੈ ਕਿ ਕਈ ਅਜਿਹੇ ਮੰਤਰੀਆਂ ਨੇ ਅਸਤੀਫਾ ਦੇ ਦਿੱਤਾ ਹੈ ਜੋ ਪਹਿਲਾਂ ਵੀ ਜਾਨਸਨ ਦੇ ਕੱਟੜ ਸਮਰਥਕ ਰਹੇ ਹਨ। ਪਿਛਲੀ ਵਾਰ ਰਿਸ਼ੀ ਸੁਨਕ ਅਤੇ ਸਾਜਿਦ ਜਾਵਿਦ ਨੇ ਸਰਕਾਰ ਨੂੰ ਬਚਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ, ਪਰ ਉਹ ਵੀ ਪੀਐਮ ਜੌਹਨਸਨ ਦਾ ਸਾਥ ਛੱਡ ਚੁੱਕੇ ਹਨ।