Darshana Patel San Diego: ਭਾਰਤੀ ਮੂਲ ਦੀ ਅਮਰੀਕੀ ਵਿਗਿਆਨੀ ਦਰਸ਼ਨਾ ਪਟੇਲ ਅਮਰੀਕਾ ਵਿੱਚ ਕੈਲੀਫੋਰਨੀਆ ਰਾਜ ਵਿਧਾਨ ਸਭਾ ਚੋਣਾਂ ਲੜੇਗੀ। ਦਰਸ਼ਨਾ ਪਟੇਲ, 48 ਸਾਲ ਦੀ ਇੱਕ ਖੋਜ ਵਿਗਿਆਨੀ ਹੈ। ਉਹ ਹੁਣ ਤੱਕ ਕਈ ਜ਼ਿੰਮੇਵਾਰੀਆਂ ਸੰਭਾਲ ਚੁੱਕੇ ਹਨ। ਉਹ ਸੈਨ ਡਿਏਗੋ ਵਿੱਚ ਇੱਕ ਜਾਣੀ-ਪਛਾਣੀ ਸ਼ਖਸੀਅਤ ਹੈ।
ਦੱਸ ਦੇਈਏ ਕਿ ਅਮਰੀਕਾ ਵਿੱਚ ਕੈਲੀਫੋਰਨੀਆ ਸਟੇਟ ਅਸੈਂਬਲੀ ਦੀਆਂ ਚੋਣਾਂ ਅਗਲੇ ਸਾਲ ਹੋਣੀਆਂ ਹਨ। ਇਸ ਚੋਣ ਦੀ ਤਿਆਰੀ ਦਾ ਐਲਾਨ ਕਰਦਿਆਂ ਦਰਸ਼ਨਾ ਪਟੇਲ ਨੇ 2024 'ਚ ਵਿਧਾਨ ਸਭਾ ਜ਼ਿਲ੍ਹਾ 76 ਤੋਂ ਚੋਣ ਲੜਨ ਦਾ ਐਲਾਨ ਕੀਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਦਰਸ਼ਨਾ ਉੱਤਰੀ ਕਾਉਂਟੀ ਸੀਟ ਤੋਂ ਆਪਣੀ ਕਿਸਮਤ ਅਜ਼ਮਾਉਣਗੇ। ਇਹ ਸੀਟ ਬ੍ਰਾਇਨ ਮਿਸ਼ੇਨ ਦਾ ਕਾਰਜਕਾਲ ਖਤਮ ਹੋਣ ਤੋਂ ਬਾਅਦ ਖਾਲੀ ਹੋਣ ਜਾ ਰਹੀ ਹੈ।
'ਪ੍ਰਵਾਸੀਆਂ ਦੇ ਸੁਪਨੇ ਸਾਕਾਰ ਕਰਨਾ ਚਾਹੁੰਦਾ ਹਾਂ'
ਦਰਸ਼ਨਾ ਪਟੇਲ, ਜੋ ਇੱਕ ਡੈਮੋਕਰੇਟ ਦੇ ਤੌਰ 'ਤੇ ਅਹੁਦੇ ਲਈ ਚੋਣ ਲੜਨ ਦੀ ਤਿਆਰੀ ਕਰ ਰਹੀ ਹੈ। ਉਸ ਨੇ ਕਿਹਾ, "ਅਮਰੀਕੀ ਡ੍ਰੀਮ ਨੂੰ ਸਾਕਾਰ ਕਰਨ ਲਈ ਸੰਘਰਸ਼ ਕਰਨ ਵਾਲੇ ਪ੍ਰਵਾਸੀਆਂ ਦੀ ਧੀ ਦੇ ਰੂਪ ਵਿੱਚ, ਮੈਂ ਉਨ੍ਹਾਂ ਚੁਣੌਤੀਆਂ ਨੂੰ ਜਾਣਦੀ ਹਾਂ, ਜਿਨ੍ਹਾਂ ਦੇ ਪਰਿਵਾਰਾਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।" ਟਾਈਮਜ਼ ਆਫ ਸੈਨ ਡਿਏਗੋ ਦੀ ਰਿਪੋਰਟ ਦੇ ਮੁਤਾਬਕ ਦਰਸ਼ਨਾ ਪਟੇਲ ਜਦੋਂ ਛੋਟੀ ਸੀ, ਉਦੋਂ ਉਹ ਕੈਲੀਫੋਰਨੀਆ ਚਲੀ ਗਈ ਸੀ।
ਉਨ੍ਹਾਂ ਨੇ ਆਪਣੀ ਉਮੀਦਵਾਰੀ ਬਾਰੇ, ਕਿਹਾ, "ਮੈਂ ਰਾਜ ਵਿਧਾਨ ਸਭਾ ਲਈ ਚੋਣ ਲੜ ਰਹੀ ਹਾਂ ਕਿਉਂਕਿ ਮੈਂ ਇਹ ਯਕੀਨੀ ਬਣਾਉਣਾ ਚਾਹੁੰਦੀ ਹਾਂ ਕਿ ਹਰ ਕਿਸੇ ਨੂੰ ਕਾਮਯਾਬ ਹੋਣ ਅਤੇ ਵਧਣ ਦਾ ਮੌਕਾ ਮਿਲੇ। ਕਿਉਂਕਿ ਮੈਂ ਇੱਕ ਵਿਗਿਆਨੀ, ਇੱਕ ਚੁਣੀ ਹੋਈ ਸਕੂਲ ਬੋਰਡ ਦੀ ਮੈਂਬਰ ਰਹੀ ਹਾਂ, ਅਤੇ ਮੈਂ ਆਪਣੇ ਐਕਸਪੀਰੀਅੰਸ ਦੀ ਵਰਤੋਂ ਲੋਕਾਂ ਦੇ ਜੀਵਨ ਵਿੱਚ ਤਬਦੀਲੀ ਲਿਆਉਣ ਲਈ ਕਰ ਸਕਦੀ ਹਾਂ"
ਇਹ ਵੀ ਪੜ੍ਹੋ: Turkey Earthquake Damages: ਤੁਰਕੀ ਵਿੱਚ ਭੂਚਾਲ ਕਾਰਨ ਕਿੰਨਾ ਨੁਕਸਾਨ ਹੋਇਆ? ਵਿਸ਼ਵ ਬੈਂਕ ਨੇ ਦੱਸਿਆ
ਕਈ ਅਹਿਮ ਜ਼ਿੰਮੇਵਾਰੀਆਂ ਸੰਭਾਲ ਚੁੱਕੀ
ਦਰਸ਼ਨਾ ਪਟੇਲ ਨੂੰ ਵਿੱਤੀ ਜ਼ਿੰਮੇਵਾਰੀ ਨੂੰ ਬਹਾਲ ਕਰਨ ਵਿੱਚ ਮਦਦ ਕਰਨ ਤੋਂ ਬਾਅਦ 2020 ਵਿੱਚ ਪੋਵੇ ਯੂਨੀਫਾਈਡ ਬੋਰਡ ਲਈ ਦੁਬਾਰਾ ਚੁਣਿਆ ਗਿਆ ਸੀ ਜਦੋਂ ਜ਼ਿਲ੍ਹਾ ਵਿੱਤੀ ਦੁਰਪ੍ਰਬੰਧ ਅਤੇ ਅਪਰਾਧਿਕ ਗਤੀਵਿਧੀਆਂ ਨਾਲ ਜੂਝ ਰਿਹਾ ਸੀ। ਸਕੂਲ ਬੋਰਡ 'ਤੇ ਆਪਣੇ ਕੰਮ ਤੋਂ ਇਲਾਵਾ, ਦਰਸ਼ਨ ਪਟੇਲ ਕੈਲੀਫੋਰਨੀਆ ਕਮਿਸ਼ਨ ਆਨ ਏਸ਼ੀਅਨ ਅਤੇ ਪੈਸੀਫਿਕ ਆਈਲੈਂਡਰ ਅਮਰੀਕਨ ਅਫੇਅਰਜ਼ ਅਤੇ ਸੈਨ ਡਿਏਗੋ ਕਾਉਂਟੀ ਸਕੂਲ ਬੋਰਡ ਐਸੋਸੀਏਸ਼ਨ ਦੀ ਪ੍ਰਧਾਨ ਵਜੋਂ ਸੇਵਾ ਕਰਦੀ ਹੈ। ਉਸ ਨੇ ਪਹਿਲਾਂ ਰੈਂਚੋ ਪੇਨਾਸਕਿਊਜ਼ ਪਲੈਨਿੰਗ ਬੋਰਡ, ਰੈਂਚੋ ਪੇਨਾਸਕਿਟੋਸ ਟਾਊਨ ਕੌਂਸਲ, ਪਾਰਕ ਵਿਲੇਜ ਐਲੀਮੈਂਟਰੀ ਸਕੂਲ ਪੀਟੀਏ ਅਤੇ ਐਜੂਕੇਸ਼ਨ ਫਾਊਂਡੇਸ਼ਨ ਬੋਰਡ ਵਿੱਚ ਕਾਰਜਕਾਰੀ ਅਹੁਦੇ ਸੰਭਾਲੇ ਹਨ।