ਅਮਰੀਕਾ ਨਾਲ ਕੂਟਨੀਤਕ ਸੰਵਾਦ ਟੁੱਟਾ, ਉੱਤਰੀ ਕੋਰੀਆ ਵੱਲੋਂ ਪ੍ਰਮਾਣੂ ਤਿਆਰੀਆਂ ਤੇਜ਼

ਉੱਤਰੀ ਕੋਰੀਆ ਤੇ ਸੰਯੁਕਤ ਰਾਜ ਅਮਰੀਕਾ ਵਿਚਾਲੇ ਸ਼ੁਰੂ ਹੋਈ ਸ਼ਾਂਤੀ ਵਾਰਤਾ ਨੂੰ ਦੋ ਸਾਲ ਬੀਤ ਚੁੱਕੇ ਹਨ। ਹੁਣ ਉੱਤਰੀ ਕੋਰੀਆ ਨੇ ਫਿਰ ਤੋਂ ਆਪਣੇ ਨਿਓਕਲੀਅਰ ਪ੍ਰੋਗਰਾਮ ਨੂੰ ਵਧਾਉਣ ਦੀ ਗੱਲ ਕੀਤੀ ਹੈ।

ਸਿਓਲ: ਉੱਤਰੀ ਕੋਰੀਆ (North Korea) ਨੇ ਕਿਹਾ ਹੈ ਕਿ ਉਸ ਤੇ ਅਮਰੀਕਾ (America) ਵਿਚਕਾਰ ਦੋ ਸਾਲ ਪਹਿਲਾਂ ਸ਼ੁਰੂ ਹੋਇਆ ਡਿਪਲੋਮੈਸੀ ਸੰਵਾਦ (Diplomatic dialogue) ਹੁਣ ਨਾ ਦੇ ਬਰਾਬਰ ਹੈ ਤੇ ਇਸ ‘ਤੇ ਹਨ੍ਹੇਰਾ ਛਾ ਗਿਆ ਹੈ। ਉੱਤਰੀ ਕੋਰੀਆ ਦੇ ਵਿਦੇਸ਼ ਮੰਤਰੀ ਰੀ ਬੇਨ ਗੌਨ ਦਾ ਕਹਿਣਾ ਹੈ ਕਿ ਕੋਰੀਅਨ ਪ੍ਰਾਇਦੀਪ ‘ਤੇ ਸ਼ਾਂਤੀ ਤੇ ਖੁਸ਼ਹਾਲੀ ਦੀ ਹਲਕੀ ਜਿਹੀ ਕਿਰਨ ਦਿਖਾਈ ਦਿੱਤੀ ਸੀ, ਹੁਣ ਇਹ ਧੁੰਦਲੀ ਹੋ ਗਈ ਹੈ।

ਦੱਸ ਦਈਏ ਕਿ ਜੂਨ 2018 ਵਿੱਚ ਸਿਖਰ ਸੰਮੇਲਨ ਦੀ ਬੈਠਕ ਤੋਂ ਬਾਅਦ ਇਹ ਮੰਨਿਆ ਜਾ ਰਿਹਾ ਸੀ ਕਿ ਹੁਣ ਦੋਵਾਂ ਦੇਸ਼ਾਂ ਵਿਚਾਲੇ ਸਬੰਧ ਸੁਧਾਰਨਗੇ ਤੇ ਤਣਾਅ ਘੱਟ ਜਾਵੇਗਾ। ਇਸ ਸਮੇਂ ਦੌਰਾਨ ਦੋਵਾਂ ਵਿਚਾਲੇ ਸਬੰਧ ਸੁਧਾਰਨ ਤੇ ਸ਼ਾਂਤੀ ਲਈ ਸਾਂਝੇ ਯਤਨ ਕਰਨ 'ਤੇ ਸਹਿਮਤੀ ਬਣੀ। ਇਸ ਨੇ ਅਮਰੀਕਾ ਨੂੰ ਕੋਰੀਅਨ ਪ੍ਰਾਇਦੀਪ ਨੂੰ ਪੂਰੀ ਤਰ੍ਹਾਂ ਪ੍ਰਮਾਣੂ ਮੁਕਤ ਬਣਾਉਣ ਲਈ ਕਿਹਾ।

ਇਸ ਦੇ ਨਾਲ ਹੀ ਉੱਤਰ ਕੋਰੀਆ ਦੀ ਮੰਗ ਸੀ ਕਿ ਇਸ ‘ਤੇ ਲਾਈਆਂ ਗਈਆਂ ਪਾਬੰਦੀਆਂ ਨੂੰ ਦੂਰ ਕੀਤਾ ਜਾਵੇ। ਇਹ ਸ਼ੁਰੂਆਤ ਵਿਚ ਹੋਇਆ ਸੀ ਪਰ ਹਨੋਈ ਸੰਮੇਲਨ ਤੋਂ ਬਾਅਦ ਇਹ ਬਦਲਣਾ ਸ਼ੁਰੂ ਹੋਇਆ। ਹਨੋਈ ਸੰਮੇਲਨ ਬੁਰੀ ਤਰ੍ਹਾਂ ਅਸਫਲ ਰਿਹਾ ਸੀ।

ਇਸ ਤੋਂ ਬਾਅਦ 27-28 ਫਰਵਰੀ 2019 ਨੂੰ ਵੀਅਤਨਾਮ ਦੇ ਹਨੋਈ ਸ਼ਹਿਰ ਵਿੱਚ ਇਨ੍ਹਾਂ ਦੋਵਾਂ ਨੇਤਾਵਾਂ ਦਰਮਿਆਨ ਦੂਜਾ ਸੰਮੇਲਨ ਹੋਇਆ। 30 ਜੂਨ, 2019 ਨੂੰ ਰਾਸ਼ਟਰੀ ਪਤੀ ਟਰੰਪ ਤੇ ਕਿਮ ਨੇ ਦੱਖਣੀ-ਉੱਤਰੀ ਕੋਰੀਆ ਦੀ ਸਰਹੱਦ 'ਤੇ ਮੁਲਾਕਾਤ ਕੀਤੀ।

ਵਿਦੇਸ਼ ਮੰਤਰੀ ਰੀ ਵਲੋਂ ਇਹ ਕਿਹਾ ਗਿਆ ਹੈ ਕਿ ਕੋਰੀਆ ਦੇ ਪ੍ਰਮਾਣੂ ਮਹਾਦੀਪ ਨੂੰ ਪ੍ਰਮਾਣੂ ਸ਼ਕਤੀ ਤੋਂ ਮੁਕਤ ਬਣਾਉਣ ਲਈ ਦਿੱਤੇ ਗਏ ਬਿਆਨ ਪੂਰੀ ਤਰ੍ਹਾਂ ਅਰਥਹੀਣ ਸੀ। ਉਸ ਮੁਤਾਬਕ, ਉੱਤਰੀ ਕੋਰੀਆ ਨੂੰ ਲੰਬੇ ਸਮੇਂ ਤੋਂ ਅਮਰੀਕਾ ਤੋਂ ਖਤਰਾ ਹੈ। ਅਜਿਹੀ ਸਥਿਤੀ ਵਿਚ ਉਸ ਦੀਆਂ ਤਾਕਤਾਂ ਦੀ ਤਾਕਤ ਵਧਾਉਣਾ ਬਹੁਤ ਜ਼ਰੂਰੀ ਹੈ।

ਪਿਛਲੇ ਮਹੀਨੇ ਮਈ ਵਿੱਚ ਉੱਤਰ ਕੋਰੀਆ ਨੇ ਸ਼ਾਰਟ ਰੇਂਜ਼ ਦੀ ਮਿਜ਼ਾਈਲ ਤੇ ਰਾਕੇਟ ਦੇ ਟੈਸਟ ਕੀਤੇ ਸੀ। ਉਧਰ ਦਸੰਬਰ ਵਿੱਚ ਮਿਜ਼ਾਈਲ ਇੰਜਣ ਟੈਸਟ ਕੀਤਾ ਗਿਆ ਸੀ। ਹਾਲ ਹੀ ‘ਚ ਕਿਮ ਜੋਂਗ ਉਨ ਨੇ ਕਿਹਾ ਸੀ ਕਿ ਉਨ੍ਹਾਂ ਦਾ ਦੇਸ਼ ਲੰਬੀ ਦੂਰੀ ਦੀ ਮਿਜ਼ਾਈਲ ਪ੍ਰੀਖਣ ਕਰਨ ਅਤੇ ਪ੍ਰਮਾਣੂ ਪ੍ਰੋਗਰਾਮ ਦੀ ਪਾਲਣਾ ਕਰਨ ਲਈ ਪਾਬੰਦ ਨਹੀਂ ਹੈ। ਉਨ੍ਹਾਂ ਨੇ ਨਵੇਂ ਪ੍ਰਮਾਣੂ ਹਥਿਆਰ ਬਣਾਉਣ ਦੀ ਧਮਕੀ ਵੀ ਦਿੱਤੀ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904